ទីវកឹង៖ ផ្សព្វផ្សាយឯកសារមហាសន្និបាតលើកទី ១៣ របស់បក្សភ្ជាប់ជាមួយបំពាក់បំប៉នចំណេះដឹងជូនមុខសញ្ញាទី ៥

          ក្នុងអង្គសន្និបាត បណ្តាអ្នករាយការណ៍បានឧទ្ទេសនាមបណ្តាខ្លឹមសារសំខាន់ៗនៃរបាយការណ៍នយោបាយក្នុងមហាសន្និបាតតំណាងទូទាំងប្រទេសលើកទី ១៣ របស់បក្ស លទ្ធផលវាយតម្លៃការអនុវត្តន៍ភារកិច្ចពង្រីកសេដ្ឋកិច្ច-សង្គម ៥ ឆ្នាំ ២០១៦-២០២១ និងគោលដៅភារកិច្ចពង្រីកសេដ្ឋកិច្ច-សង្គម ៥ ឆ្នាំ ២០២១-២០២៥ យុទ្ធសាស្ត្រពង្រីកសេដ្ឋកិច្ច-សង្គមរយៈកាល ១០ ឆ្នាំ ២០២១-២០៣០ របាយការណ៍បូកសរុបការងារកសាងបក្ស និងអនុវត្តលក្ខន្តិកបក្សរបស់គណៈប្រតិបត្តិការមជ្ឈិមបក្ស នីតិកាលទី ១២ នៅក្នុងមហាសន្និបាតតំណាងទូទាំងប្រទេសលើកទី ១៣ ​​​របស់បក្សគោលដៅ ភារកិច្ចសកម្មភាពកសាងបក្ស និងបណ្តាគោលដៅ​ ភារកិច្ចសំខាន់ៗភ្ជាប់ជាមួយបណ្តាវិធីសាស្រ្តទម្លុះទម្លាយទៅមុខអំពីការកសាងបក្ស អាណត្តិកាល ២០២១ - ២០២៥។

បណ្តាតំណាងចូលរួមសន្និបាត។ រូបថត៖ តូវៀង

            ទន្ទឹមនឹងការផ្សព្វផ្សាយ ជ្រួតជ្រាបបណ្តាខ្លឹមសារសំខាន់ៗអំពីឯកសារមហាសន្និបាតលើកទី ១៣ ​​​របស់បក្ស គណៈឃោសនាអប់រំបក្សស្រុកនិងមជ្ឈមណ្ឌលបំពាក់បំប៉ននយោបាយស្រុកទីវកឹងនៅទាំងឧទ្ទេសនាមជូនកម្មាភិបាល បក្ខជនអំពីខ្លឹមសារមួយចំនួនស្តីពីបធានបទ៖ បណ្តាតម្លៃស្ថិរភាព របស់លទ្ធិម៉ាកឡេនីន និងចំណេះដឹងអំពីសង្គមនិយម មាគ៌ាឈានឡើងកាន់លទ្ធិសង្គមនិយមនៅវៀតណាម សេដ្ឋកិច្ចវៀតណាមក្រោយរយៈកាល ៣០ ឆ្នាំផ្លាស់ថ្មី បដិវត្តន៍ឧស្សាហកម្មលើកទី ៤ និងការជះឥទ្ធិពលចំពោះវៀតណាម សន្ធិសញ្ញាដៃគូទាំងស្រុង ជឿនលឿនឆ្លងទៅសមុទ្រប៉ាស៊ីបិច ឱកាសនិងសាកល្បងចំពោះវៀតណាម ការពារគ្រឹះស្ថានសតិអារម្មណ៍របស់បក្ស តស៊ូបដិសេធន៍បណ្តាទស្សនៈខុសឆ្គងរបស់អានុភាពជាអមិត្តក្នុងស្ថានការណ៍ថ្មី​ បង្ការទប់ ស្តាត់អំពើពុករលួយ ខ្ជះខ្ជាយ​ទប់ស្តាត់រុញច្រានស្ថានភាពថមថយសតិអារម្មណ៍ សីលធម៌​​ របៀបរស់នៅ បណ្តាភាព “ប្រែប្រួលដោយខ្លួនឯង” “ក្លែងភាពដោយខ្លួនឯង” ក្នុងកម្មាភិបាល បក្ខជន។ល។

        តាមផែនការ ក្រោយពេលចាត់តាំងផ្សព្វផ្សាយដល់មុខសញ្ញាទី ៥ រួច ស្រុកនឹងចង្អុលការគណៈកម្មាធិការបក្សបណ្តាឃុំ ​ទីប្រជុំជន ផ្សព្វផ្សាយទូលំទូលាយក្នុងកងជួរកម្មាភិបាល បក្ខជន ​សមាជិកសមាគមបណ្តាអង្គការមហាជននៅលើភូមិសាស្ត្រស្រុក ខិតខំអនុវត្តសម្រេចក្នុងខែឧសភា ឆ្នាំ​ ២០២១៕                                                                 

តូវៀង-សុខា