ទីវកឹង៖ ចាត់តាំងបរិច្ចាគឈាមស្ម័គ្រចិត្តលើកទីមួយឆ្នាំ ២០២១

ចូលរួមបរិច្ចាគ​ឈាមដោយស័្មគ្រចិត្ត។ រូបថត៖ ថាញ់ក្វាង

  ការបរិច្ចាគឈាមលើកនេះស្រុកទីវកឹងមានកម្មាភិបាល បុគ្គលិក និយោជិត សមាជិសម្ព័ន្ធយុវជន សមាជិកសមាគម និងប្រជាជនរបស់បណ្តាឃុំ ទីប្រជុំជនក្នុងស្រុកជិត ៤៨១ នាក់បានចុះឈ្មោះ បរិច្ចាគ​ឈាមដោយស័្មគ្រចិត្ត។ ថ្វីត្បិត អាស្រ័យដោយជះឥទ្ធិពលរបស់អាសន្នរោគជំងឺកូវីដ-១៩ ត្រូវបន្ថយការប្រមូលផ្តុំមនុស្សច្រើនដើម្បីបង្ការទប់ស្កាត់អាសន្នរោគជំងឺ រាលដាល។ ហេតុនោះហើយ បានជាមនុស្សចូលរកបរិច្ចាគឈាមត្រូវបន្ថយចុះប្រៀបជាមួយនឹងគ្រាដំបូងបានចុះឈ្មោះ។ ឆ្លងតាមការត្រួតពិនិត្យសុខភាព មានមនុស្ស ១៧២ នាក់គ្រប់លក្ខណៈបរិច្ចាគឈាម។ ក្នុងមនុស្សម្នាក់ៗបរិច្ចាគឈាមតិចបំផុតគឺ ២៥០ មីលីលិត្រឈាម និងច្រើនបំផុតគឺ ៣៥០ មីលីលិត្រឈាម។ ក្នុងនោះ មានមនុស្ស ៦៦ នាក់បរិច្ចាគឈាម ២៥០ មីលី លិត្រ និងមនុស្ស ១០៦ នាក់បរិច្ចាគឈាម ៣៥០ មីលីលិត្រ។ ចំនួនឈាមដែលប្រមូលបានក្នុងការ​បរិច្ចាគឈាមលើកនេះសរុបរួមបាន ៥៣.៦០០ ឯកតាឈាម។
    ក្នុងចំនួននេះមានកម្មាភិបាល បុគ្គលិក និយោជិត សមាជិកសមាគមបណ្តាអង្គការមហាជនចូលរួមបរិច្ចាគឈាមបន្តបន្ទាប់បានពី ១០-២៥ លើកឡើងទៅ៕

    *បង្កើតបាន ៩៧ ក្លឹបស្ថិតក្នុង ១២ ប្រភេទទម្រង់បង្ការបង្ក្រាបឧក្រឹដ្ឋជន បំពានច្បាប់

ពិធីចេញបង្ហាញមុខក្លឹប។ រូបថត៖ ថាញ់ក្វាង

     កាលពីថ្ងៃទី ០១ មីនា ក្រុមកសាងចលនាការពារសន្តិសុខមាតុប្រទេសនគរបាលស្រុកទីវកឹង សហការជាមួយនឹងរដ្ឋអំណាចមូលដ្ឋានចាត់តាំងពិធីចេញបង្ហាញមុខក្លឹប “បង្ការបង្ក្រាបបទល្មើសច្បាប់ និងហិង្សាក្នុងសាលារៀន” នៅនឹងសាលាអនុវិទ្យាល័យទីប្រជុំជនទីវកឹង ស្រុកទីវកឹង ក្លឹបរួមមានសមាជិក ៣៤ នាក់។ ក្នុងនោះចាងហ្វាងរងសាលាអនុវិទ្យាល័យទីប្រជុំជន ទីវកឹងអធិការ អនុប្រធាននគរបាលទីប្រជុំជនទីវកឹងធ្វើជាអធិការរង បណ្តាសមាជិកក្រៅពី នោះគឺជាប្រធានសហជីព ការពារសាលា តំណាងឪពុកម្តាយសិស្ស ប្រធានគណៈកម្មាការប្រជាជន អនុសង្កត់លេខ ២ ក្រុមការពារក្រុង និងគ្រូបង្រៀនអចិន្ត្រៃយ៍ថ្នាក់រៀន  ២៥ នាក់ (ពី ថ្នាក់ទី ៦ ដល់ទី ៩) របស់សាលាអនុវិទ្យាល័យទីប្រជុំជនទីវកឹងធ្វើជាសមាជិកក្លឹប។
      នេះគឺជាក្លឹប“បង្ការបង្ក្រាបបទល្មើសច្បាប់ និងហិង្សាក្នុងសាលារៀន” ទី ០២ នៅលើភូមិសាស្ត្រស្រុកបានចេញបង្ហាញមុខនៅ ដើមឆ្នាំ ២០២១(បន្ទាប់ពីក្លឹបសាលាអនុវិទ្យាល័យហុងហ្វា) គិតមកដល់ពេលនេះ ក្នុងទូទាំងស្រុកទីវកឹងមាន៩៧ ក្លឹបស្ថិតក្នុង ១២ ប្រភេទទម្រង់ បង្ការបង្ក្រាបឧក្រឹដ្ឋជនបំពានច្បាប់។ ក្នុងនោះ មាន ១១ ក្លឹបក្នុងសាលារៀន ១៦ ក្លឹបក្នុង សាសនា ក្រៅពីនោះគឺបណ្តាក្លឹបស្ថិតក្នុងបណ្តាអង្គការចាត់តាំងនយោបាយសង្គម។ បណ្តាក្លឹបទាំងនេះសុទ្ធតែធ្វើសកម្មភាពមានប្រសិទ្ធ ភាព ពិសេសគឺក្នុងការងារតស៊ូប្រឆាំងបង្ក្រាបឧក្រឹដ្ឋជន បំពានច្បាប់ និងគ្រោះអបាយមុខសង្គមរួមចំណែកធ្វើលំនឹងសន្តិសុខនយោបាយ សណ្តាប់ ធ្នាប់សុវត្ថិភាពសង្គមលើភូមិសាស្ត្រ៕   

ថាញ់ក្វាង-រតនា