ទម្រង់ចងសម្ព័ន្ធក្នុងការដាំក្រូចឆ្មារឥតគ្រាប់នីហរ័ណ

ប្រធានគណៈកម្មាធិការប្រជាជនខេត្ត ឡេវ៉ាំងហាំង (ខាងស្តាំ) តោះប្តូរជាមួយនឹងបណ្តាសមាជិកដាំក្រូចឆ្មារឥតគ្រាប់របស់
សហករណ៍ថាញ់ទ្រី។ រូបថត៖ ហ៊ឺវហ្វេ
លោកផាងឌឹកតាយ នាយកសហករណ៍ថាញ់ទ្រីបានឱ្យដឹងថា៖ អាស្រ័យដោយក្រូចឆ្មារឥត គ្រាប់បាននីហរ័ណឆ្លងទៅទីផ្សារទ្វីបអ៊ឺរុ៉បនោះ ដូច្នោះផ្នែកផលិតក៏ត្រូវធានាសម្រេចតាមសម្បទា GlobalGAP ដែរ។  យោងតាមនោះ កសិករពេលដែលបានចូលរួមក្នុងទម្រង់នេះគប្បីប្រតិបត្តិម៉ឺងម៉ាត់តាមបែបបទបច្ចេកទេសយ៉ាងតឹងរ៉ឹងរបស់ភាគីប្រមូលទិញ តាំងពីផ្នែកវិនិច្ឆ័យផ្កា ថែទាំផ្លែ  បង្ការរោគជំងឺសុទ្ធសឹងតែមានអ្នកបច្ចេកទេសរបស់ក្រុមហ៊ុន និងសហករណ៍ចុះផ្ទាល់ចម្ការដើម្បីឧបត្ថម្ភកសិ ករ។ បច្ចុប្បន្ននេះ ផ្ទៃដីដាំក្រូចឆ្មារឥតគ្រាប់បានពង្រីកទូលាយ និងបង្កលក្ខណៈការងារធ្វើសម្រាប់កម្លាំងពលកម្មនៅតាមបណ្តាមូលដ្ឋាន។ ទម្រង់ដាំក្រូចឆ្មារឥតគ្រាប់បានសម្រេចជោគជ័យមិនត្រឹមតែបង្កប្រភពចំណូលខ្ពស់ជូនគ្រួសារកសិករប៉ុណ្ណោះទេ នៅទាំងរួមចំណែកទៅក្នុងការលើកកម្ពស់គុណភាពជីវភាពរបស់សហគមន៍ផងដែរ។ កសិករពេលចូលរួមក្នុងសហ ករណ៍នឹងបានម៉ៅទិញជាមួយនឹងតម្លៃពី ១០.០០០ ដុងក្នុងមួយគីឡូក្រាមឡើងទៅ។ ក្រៅពីនោះ កសិករនៅទាំងទទួលបានតម្លៃអាទិភាពពេលទិញជី និងថ្នាំកម្ចាត់សត្វក្រាដង្កូវដោយផ្ទាល់ មិនចាំបាច់ឆ្លងកាត់អាជ្ញាកណ្តាលឡើយ។ លោក លឺវវ៉ាំង តាយ នៅភូមិដៃទាញ ឃុំលឿងហ្វា អា ស្រុកចូវថាញ់បានឱ្យដឹងថា៖ គ្រួសារលោកបានចូលរួមដាំក្រូចឆ្មារឥតគ្រាប់ឱ្យសហ ករណ៍ថាញ់ ទ្រីជាមួយនឹងផ្ទៃដី ០,៥ ហិកតា។ ចំណាយគ្រាដំបូងឱ្យការដាំរហូតដល់ក្រូចឆ្មារមានផ្លែក្នុងមួយ ហិកតាពី ១៥០-២០០ លានដុង។ ក្រោយពេលក្រូចឆ្មារផ្តើមផ្តល់ផ្លែ ពេលនេះចំណាយប្រាក់ ថែទាំក្នុងមួយហិកតាពី ៧០-១០០ លានដុងក្នុងមួយឆ្នាំ។  ជាមួយនឹងទិន្នផលក្នុងមួយហិកតា សម្រេចបាន ៣០ តោន អ្នកដាំក្រូចឆ្មារឥតគ្រាប់ទទួលបានប្រភពចំ ណេញប្រមាណពី ២៥០-៣០០ លានដុងក្នុងមួយហិកតា។  
តាមប្រសាសន៍លោកផាងឌឹកតាយ ក្នុងមួយខែ តម្រូវការនីហរ័ណក្រូចឆ្មារឥតគ្រាប់របស់អង្គ ភាពជាមួយនឹងដៃគូឡើងដល់ ១០០ តោន ប៉ុន្តែសហករណ៍ឆ្លើយតបតម្រូវការបានត្រឹមតែពី ៣០-៥០% បរិមាណផលប៉ុណ្ណោះ។ ហេតុដូច្នោះ សហករណ៍នឹងបន្តពង្រីកទូលាយផ្ទៃដីដាំក្រូច ឆ្មារឥតគ្រាប់ជាមួយនឹងកសិករបណ្តាមូលដ្ឋានក្នុងខេត្តជាបន្តទៀត។ គិតតាំងពីពេលនេះរហូតដល់ ឆ្នាំ ២០២៧ ក្នុងមួយឆ្នាំត្រូវពង្រីកផ្ទៃដីដាំក្រូចឆ្មារឥតគ្រាប់បន្ថែម ៥០ ហិកតា៕ ប្រែសម្រួល៖ រតនា