30/07/2021 08:02
កាលពីថ្ងៃទី ២៣ កក្កដា គណៈកម្មាធិការរណសិរ្សមាតុភូមិវៀតណាមខេត្តត្រាវិញចាត់តាំងពិធីទទួលយកការឧបត្ថម្ភឧបករណ៍សម្រាប់ធ្វើតេស្តធន់អង្គបដិបក្ខចំនួន ៥.០០០ ឈុត គិតជាតម្លៃ ៧៥០ លានដុង អាស្រ័យដោយក្រុមហ៊ុនភាគហ៊ុនអភិវឌ្ឍន៍អចលនាទ្រព្យផាកដាកឧបត្ថម្ភសម្រាប់ការងារបង្ការទប់ស្កាត់អាសន្នរោគជំងឺកូវីដ-១៩។ អញ្ជើញចូលរួមពិធីមានលោក ឡេវ៉ាំងហាំង ប្រធានគណៈកម្មាធិការប្រជាជនខេត្ត ប្រធានគណៈចង្អុលការបង្ការ ទប់ស្កាត់អាសន្នរោគជំងឺកូវីដ-១៩ ខេត្ត លោកង្វៀងវ៉ាំងត្រៀក ប្រធានគណៈកម្មាធិការរណសិរ្សមាតុភូមិវៀតណាមខេត្ត ព្រមទាំងថ្នាក់ដឹកនាំមន្ទីរ ស្ថាប័នខេត្តមួយចំនួន។មានប្រសាសន៍នៅពិធីធ្វើការ លោកឡេវ៉ាំងហាំង ប្រធានគណៈកម្មាធិការប្រជាជនខេត្តបានផ្តល់ជូនព័ត៌មានសង្ខេបពីស្ថានភាពប្រែប្រួលរបស់អាសន្នរោគជំងឺនៅខេត្តត្រាវិញ ទន្ទឹមនឹងនោះ លោកឡេវ៉ាំងហាំង តំណាងឲ្យខេត្តសូមកត់ត្រា និងថ្លែងអំណរគុណចំពោះការចូលរួមឧបត្ថម្ភរបស់ក្រុមហ៊ុនចំពោះខេត្តត្រាវិញ។ ប្រធានគណៈកម្មាធិការប្រជាជនខេត្តសង្កត់ធ្ងន់ ការជួយឧបត្ថម្ភនេះបានទាន់ពេល ជាក់ស្តែងនៅក្នុងព្រឹត្តិការណ៍អាសន្នរោគជំងឺកំពុងរីករាលដាល និងប្រែប្រួលយ៉ាងស្មុគស្មាញការចូលរួមដំណើររបស់ក្រុមហ៊ុននឹងបង្កជាកម្លាំងធំធេងជួយឱ្យខេត្តជ័យ ជម្នះជោគជ័យលើអាសន្នរោគជំងឺ។
តំណាងក្រុមហ៊ុនភាគហ៊ុនអភិវឌ្ឍន៍អចលនាទ្រព្យផាកដាកសង្ឃឹមថានឹងរួមចំណែកជួយដល់ខេត្តក្នុងការងារបង្ការទប់ស្កាត់អាសន្នរោគជំងឺកូវីដ-១៩ រួមចំណែករុញច្រានអាសន្នរោគជំងឺ នាំមកជីវភាពរស់នៅឆាប់បានដូចធម្មតាវិញ៕
ប្រែសម្រួល៖ រតនា
.gif)
.jpg)
.JPG)
