16/03/2021 09:27
កាលពីថ្ងៃទី ១០ មីនា សម្ព័ន្ធយុវជនខេត្តត្រាវិញបំផុសចលនាបុណ្យតេតដាំដើមឈើឆ្នាំ ២០២១ នៅក្រុមហ៊ុនឧណ្ហអគ្គិសនីយ្វៀងហាយ ដោយមានសមាជិកសម្ព័ន្ធយុវជន យុវជនចំនួន ១២០ នាក់ចូលរួមជ្រោមជ្រែង។ អញ្ជើញចូមរួមមានលោក ឡេថាញ់ប៊ិញ សមាជិកអចិន្ត្រៃយ៍នៃគណៈកម្មាធិការបក្សខេត្ត អនុប្រធានគណៈកម្មាធិការប្រជាជនខេត្ត។កាលពី ៦០ ឆ្នាំកន្លងហើយ នៅនឹងនិទាឃរដូវឆ្នាំ ១៩៦០ អ៊ំហូបានបំផុសចលនាបុណ្យតេតដាំដើមឈើ «ដើម្បីផលប្រយោជន៍ ១០ ឆ្នាំដាំដើមឈើដើម្បីផលយោជន៍ ១០០ ឆ្នាំបណ្តុះបណ្តាលមនុស្ស»។
ឆ្លើយតបពាក្យអំពាវនាវរបស់អ៊ំ ចលនាដាំដើមឈើនៅក្នុងឱកាសបុណ្យតេតជារៀងរាល់ឆ្នាំបានក្លាយទៅជាទម្លាប់ល្អប្រពៃរបស់ប្រជាជន។ ពិសេសគឺក្នុងដំណាក់កាលនាបច្ចុប្បន្ននេះ ស្ថានភាពបំពុលបរិស្ថាន អាកាសធាតុប្រែប្រួលបាននិងកំពុងជះឥទ្ធិពលដល់បរិស្ថាន ជីវភាពរស់នៅ ព្រមជាមួយការជំរុញមាំឧស្សាហូបនីយកម្ម ភាវូបនីយកម្ម នគរូបនីយកម្ម បានជាការដាំដើមឈើបង្កព្រៃការពារបរិស្ថានជាប្រការសំខាន់ណាស់ ធានាសម្រាប់ការអភិវឌ្ឍន៍ប្រកបដោយចីរភាពរបស់ប្រទេសជាតិ។
សម្ព័ន្ធយុវជនដាំដើមឈើ។ រូបថត៖ ទូត្រឹង
ថ្លែងនៅក្នុងពិធីបំផុសចលនានេះ បងវ៉មិញញ៉ឹក អនុលេខាសម្ព័ន្ធយុវជនខេត្តបានឲ្យដឹងៈ ចាប់តាំងពីឆ្នាំ ២០១២ យុវវ័យទូទាំងខេត្តបានចេញយុទ្ធនាការដាំដើមឈើបៃតងគ្រប់ប្រភេទបានជាង ០១ លានដុង កសាងបានច្រើនខ្សែផ្លូវ ដាំដើមឈើបៃតង ផ្លូវផ្កាយុវជនបៃតង-ជ្រះ-ស្អាត រួមចំណែកសំខាន់ចូលក្នុងការកែលម្អបរិស្ថានធម្មជាតិ ដាំឈើបង្កព្រៃ កសាងជនបទថ្មី និងអារ្យធម៌ទីក្រុង។ ក្នុងអំឡុងពេលខាងមុខ ស្នើដល់សម្ព័ន្ធយុវជនគ្រប់លំដាប់ថ្នាក់ក្នុងខេត្តត្រូវផ្សព្វផ្សាយទូលំទូលាយដោយវិធីសាស្រ្តជាច្រើនដល់សមាជិកសម្ព័ន្ធយុវជន យុវជននិងប្រជាជនអំពីអត្ថន័យរបស់បុណ្យតេតដាំដើមឈើ ពីតួនាទីផលប្រយោជន៍ទូទៅ យូរអង្វែង តម្លៃមនុស្សធម៌នៃការដាំដើមឈើ ដាំព្រៃរាំងស្កាត់ការស្រុតបាក់ដី ក៏ដូចជាសកម្មចូលរួមការពារព្រៃ ទប់ស្កាត់ស្ថានភាពកាប់បំផ្លាញព្រៃ ធ្វើអាជីវកម្មព្រៃខុសច្បាប់ រួមចំណែកកាត់បន្ថយគ្រោះធម្មជាតិ សម្របសម្រួលជាមួយអាកាសធាតុប្រៃប្រួល និងពង្រីកសេដ្ឋកិច្ច-សង្គមរបស់មូលដ្ឋាន។
នៅក្នុងឱកាសនេះ សម្ព័ន្ធយុវជនខេត្តបានជូនអំណោយ ១០ ចំណែកដល់បណ្តាសមាជិកសម្ព័ន្ធយុវជន យុវជនឆ្នើម។ ទន្ទឹមនឹងនោះ គណៈអចិន្ត្រៃយ៍សម្ព័ន្ធយុវជនខេត្ត និងគណៈនាយកក្រុមហ៊ុនឧណ្ហអគ្គិសនីយ្វៀងហាយ បានឯកភាពកសាង និងចុះហត្ថលេខាលើកម្មវិធីសហការដំណាក់កាល ២០២១ -២០២២ ដើម្បីពង្រឹងបណ្តាសកម្មភាពគិតគូរពីជីវភាពរស់នៅខាងសម្ភារៈ និងស្មារតី សិទ្ធិនិងផលប្រយោជន៍ត្រឹមត្រូវរបស់យុវជនកម្មករ កម្មការិនី។
បន្ទាប់ពីពិធីបំផុសចលនាសម្ព័ន្ធយុវជនខេត្ត និងក្រុមហ៊ុនឧណ្ហអគ្គិសនីយ្វៀងហាយបានរៀបចំដាំបានជាង ៣០ ដើមឈើបៃតង និង ៥០០ ដើមស្ងាវនៅក្នុងបរិវេណរបស់ក្រុមហ៊ុនឧណ្ហអគ្គិសនីយ្វៀងហាយ៕
ប្រែសម្រួល៖ រតនា
.gif)
ការងារអប់រំ និងបណ្ដុះបណ្ដាលក្នុងជនរួមជាតិខ្មែរ តែងបានគណៈ កម្មាធិការបក្ស រដ្ឋអំណាចលើភូមិសាស្រ្តស្រុកកូវង៉ាងយកចិត្តទុកដាក់ជានិច្ច។ ជាពិសេសគឺកម្មវិធីគោលដៅជាតិពង្រីកសេដ្ឋកិច្ច-សង្គម តំបន់ជនរួមជាតិភាគតិច និងតំបន់ភ្នំដំណាក់កាល ២០២១-២០២៥ បានផ្សព្វផ្សាយត្រូវតាមមុខសញ្ញាទទួលផល និងតំបន់ជនរួមជាតិខ្មែរ។
 copy.jpg)
