តំណាងក្រុមប្រឹក្សាប្រជាជនខេត្ត នីតិកាលទី ១០ ជួបសំណេះសំណាលជាមួយម្ចាស់ឆ្នោតនៅទីប្រជុំជនកូវង៉ាង និងឃុំធ្វឹងហ្វា

    បណ្តាម្ចាស់ឆ្នោតចូលរួមពិធីសំណេះសំណាល។ រូបថត៖ រតនា

   កាលពីព្រឹកថ្ងៃទី ៣ ខែមករា តំណាងក្រុមប្រឹក្សាប្រជាជនខេត្ត នីតិកាលទី ១០ អាណត្តិកាល ២០២១-២០២៦ អង្គភាពស្រុកកូវង៉ាង រួមមាន៖ អ្នកស្រី ត្រឹងធីគីមជុង លេខាគណៈកម្មាធិការបក្ស ស្រុកកូវង៉ាង ប្រធានក្រុមប្រឹក្សាប្រជាជនស្រុក  អ្នកស្រី គាងធីមិញង្វៀក ប្រធានសមាគមសហព័ន្ធន៍នារីខេត្តត្រាវិញ លោកថាច់យ៉ាវ ប្រធានគណៈជនជាតិនៃក្រុមប្រឹក្សាប្រជាជនខេត្ត អ្នកស្រីត្រឹងធីគីមហ្វាង នាយិកាមជ្ឈមណ្ឌលជំរុញវិនិយោគ  និងឧបត្ថម្ភអាជីវកម្មខេត្ត បានអញ្ជើញទៅជួបសំ ណេះសំណាលជាមួយម្ចាស់ឆ្នោតជាង ៨០ រូប នៅទីប្រជុំជនកូវង៉ាង និងឃុំធ្វឹងហ្វា (ស្រុកកូវង៉ាង)។
    នៅពេលជួបសំណេះសំណាល បណ្ដាម្ចាស់ឆ្នោត បានស្ដាប់លោក ថាច់យ៉ាវ ប្រធានគណៈជនជាតិនៃក្រុមប្រឹក្សាប្រជាជនខេត្តជូនដំណឹង អំពីលទ្ធផលសម័យប្រជុំលើកទី ៧ សម័យប្រជុំសាមញ្ញចុងឆ្នាំ ២០២២ នៃក្រុមប្រឹក្សាប្រជាជនខេត្ត នីតិកាលទី ១០។ ក្រោយពេលស្ដាប់របាយការណ៍រួច ម្ចាស់ឆ្នោតទីប្រជុំជនកូវង៉ាង និងឃុំធ្វឹងហ្វាបានស្នើឲ្យរដ្ឋសម្រេចប្រព័ន្ធបង្ហូតទឹកតាមសង ខាងផ្លូវដើម្បីកុំឲ្យទឹកជនលិចនៅរដូវវស្សា បណ្ដាល ឱ្យបរិស្ថានបាត់អនាម័យ ងាយកើតមានអាសន្ន រោគ បំផុតគឺជំងឺគ្រុនឈាម។ បង្កើនរបបសម្រាប់កម្មាភិបាលអឌ្ឍេកទេសនៅមូលដ្ឋានរបបឧបត្ថម្ភ ដល់អ្នកសម្រុះសម្រួលនៅមូលដ្ឋាន និងឧបភោគសោធនសម្រាប់កងកម្លាំងនៅនឹងកន្លែងការពារ ប្រជាទីក្រុង។ ច្បាប់ដីធ្លីនៅមានចំណុចខ្វែងគ្នា ជាច្រើនគប្បីកែប្រែឱ្យបានសមស្របជាមួយស្ថានភាពថ្មី។ សេវាកម្មសាធារណៈបន្តផ្ទាល់ទ្វារតែមួយធ្វើការបញ្ចូលប្រើនៅមានការអន់ខ្សោយ  គប្បីបង្កើនរលកបញ្ជូនខ្ពស់ដើម្បីស្រួលរលូនក្នុងការដោះស្រាយបណ្ដាសំណុំលិខិតឲ្យបានទាន់ពេល ជូនពលរដ្ឋ។ ស្នើឲ្យបំពេញបន្ថែមថវិកាសម្រាប់សកម្មភាពមជ្ឈមណ្ឌលសិក្សាសហគមន៍ឃុំ ទីប្រជុំជនដើម្បីឆ្លើយតបទៅនឹងសកម្មភាពបានល្អ ប្រសើរជាង។
   បណ្ដាយោបល់ សំណើរបស់ម្ចាស់ឆ្នោតបានលោកង្វៀងវុាំងង៉ា ប្រធានគណៈកម្មាធិការប្រជាជនស្រុកបកស្រាយបំភ្លឺ ទទួលយក និងកត់សម្គាល់។ ថ្លែងយោបល់ជាមួយមាមីងម្ចាស់ឆ្នោត ទីប្រជុំជនកូវង៉ាង និងឃុំធ្វឹងហ្វា អ្នកស្រីត្រឹងធី គីមជុង ក៏បានជូនដំណឹងដល់មាមីងម្ចាស់ឆ្នោត អំពីបណ្ដាសមិទ្ធផលលេចធ្លោក្នុងវិស័យសេដ្ឋកិច្ចវប្បធម៌ សង្គមរបស់ខេត្ត របស់ស្រុកក្នុងឆ្នាំ ២០២២។ ជាពិសេសគឺលទ្ធផលកសាងសម្រេចជោគជ័យ ស្រុកជនបទថ្មីក្នុងឆ្នាំ ២០២២៕  ឌិញកាញ់-សម្បត្តិ