ជំរុញល្បឿនចាក់វ៉ាក់សាំងបង្ការជំងឺកូវីដ-១៩

ចាក់វ៉ាក់សាំងដល់កម្មករនៅតំបន់ឧស្សាហកម្មឃុំឡុងឌឹក ។ រូបថត៖ ង៉ុកស្វង

     ដំណឹងពីមន្ទីរសុខាភិបាលបានឱ្យដឹង សរុបចំនួនវ៉ាក់សាំងដែលខេត្តត្រាវិញ  បានផ្គត់ផ្គង ១២២.១៣០ ម្ជុល ខេត្តទទួលយកបាន ១០៥.៣៣០ ម្ជុល នៅផ្ញើឯវិទ្យាស្ថាន Pasteure ទីក្រុងហូជីមិញចំនួន ១៦.៨០០ ម្ជុលសម្រាប់ចាក់ម្ជុលទី ២។        ឆ្លងតាមរយៈនោះ ខេត្តផ្សព្វផ្សាយបាន ០៨ លើក និងលើក Vero Cell Sinopharm។ គិតមកទល់ពេលនេះ ខេត្តចាក់សម្រេចជាង ៨៥%នៃចំនួនវ៉ាក់សាំងដែលបានផ្តល់ជូន។ តាមការគ្រោងទុក ដល់ថ្ងៃទី ២៦ ខែសីហានឹងចាក់បានរួចរាល់។
     តាមប្រសាសន៍របស់លោកវេជ្ជបណ្ឌិត គាងសុខា សមាជិកគណៈកម្មាធិការបក្សខេត្ត នាយកមន្ទីរសុខាភិបាល៖ អាសន្នរោគកូវីដ-១៩ កំពុង រាលដាលយ៉ាងរហ័ស ស្មុគស្មាញនៅតាមប្រទេសជាច្រើនក៏ដូចជានៅវៀតណាម បច្ចុប្បន្នមិនទាន់ មានថ្នាំព្យាបាលយ៉ាងមានប្រសិទ្ធភាពនៅឡើយ។ ទោះជាដូច្នោះក៏ដោយមានវ៉ាក់សាំងបង្ការជំងឺ និងបានចាក់វ៉ាក់សាំងគឺជាដំណោះស្រាយមួយក្នុងចំណោមដំណោះស្រាយមានប្រសិទ្ធភាពសំដៅកាត់បន្ថយការឆ្លងរាលដាលនៃអាសន្នរោគ ធានាការបង្ការជំងឺយូរអង្វែង។ បើទុកជាជួបលំបាកយ៉ាងច្រើនអំពីធនធានមនុស្ស ពីព្រោះការបង្ការ ទប់ស្កាត់អាសន្នរោគផង និងអនុវត្តការចាក់វ៉ាក់សាំងផងក៏ដោយ ប៉ុន្តែផ្នែកសុខាភិបាល បត់បែងកងកម្លាំងឱ្យបានសមស្របជំរុញល្បឿន ដើម្បីចាក់ឱ្យអស់វ៉ាក់សាំង។
     គណៈចង្អុលកាបង្ការ ទប់ស្កាត់អាសន្នរោគខេត្តបានចង្អុលការដល់មន្ទីរសុខាភិបាលបង្កើន ការចាក់វ៉ាក់សាំងជូនបណ្តាមុខសញ្ញា ក្រៅពីបណ្តាមុខសញ្ញាអាទិភាពចាក់មុន ដើម្បីបម្រើដល់ការងារ បង្ការទប់ស្កាត់អាសន្នរោគនៅទាំងអនុវត្តការចាក់ វ៉ាក់សាំងជូនទូទាំងប្រជាជននៅភូមិសាស្រ្តមួយ ចំនួនដែលមានបាតុភាពខ្ពស់ កើតមានអ្នកជំងឺ ក្រៅសហគមន៍។ ទន្ទឹមនឹងនោះ ចង្អុលការចាក់វ៉ាក់សាំងជូនកម្មករពលករនៅតាមបណ្តាអាជីវកម្មលើភូមិសាស្រ្តខេត្ត និងអាទិភាពឱ្យបណ្តាអាជីវកម្មដែលមានចំនួនកម្មករពលករច្រើន ដើម្បីឆាប់បានស្តារការផលិតធ្វើអាជីវកម្មឡើងវិញ។ល។ ផែនការរបស់ខេត្ត ដល់ចុងឆ្នាំ ២០២១ នឹងមានប្រជាជនក្នុងអំឡុងអាយុជាង ៥០% បាន ចាក់វ៉ាក់សាំង ២ ម្ជុល រួចខិតខំអនុវត្តគោលដៅ មានប្រជាជន ៧០% គ្រប់អាយុពី ១៨ ឆ្នាំ ឡើងទៅបានចាក់វ៉ាក់សាំង ២ ម្ជុលដើម្បីសម្រេចបានការលើកលែងកើតជំងឺក្នុងសហគមន៍ និងទប់ស្កាត់ បំបាត់បានអាសន្នរោគកូវីដ-១៩ មាន ប្រសិទ្ធភាពយូរអង្វែង។ បច្ចុប្បន្នមានប្រជាជន ចំនួន ៨.៧៨៤ នាក់បានចាក់វាក់សាំងម្ជុលទី ២។
     ខេត្តត្រាវិញ កំពុងផ្តុំអនុវត្តការបង្ការ ទប់ស្កាត់អាសន្នរោគលើលក្ខខណ្ឌ “បង្ការសកម្ម ឆាប់រកឃើញ ធ្វើចត្តាឡីស័ករហ័ស ព្យាបាលមានប្រសិទ្ធភាព វិនិច្ឆ័យរួចរាល់ ឆាប់បានលំនឹងស្ថានភាព”។ ទន្ទឹមនឹងនោះ ជំរុញមាំការអនុវត្តន៍ “៥K + វ៉ាក់ សាំង+បច្ចេកវិទ្យា” ក្នុងការងារ បង្ការទប់ស្កាត់ អាសន្នរោគកូវីដ ១៩។ ក្នុងនោះ ការអនុវត្តន៍ “៥K” បានផ្សព្វផ្សាយយ៉ាងច្រើន និងប្រជាជនអនុវត្តប្រតិបត្តិល្អ។ ថ្វីត្បិតតែដូច្នោះក៏ដោយ គប្បីបន្តការផ្សព្វផ្សាយជួយឱ្យប្រជាជនពាក់របាំងមុខត្រូវ របៀប កម្ចាត់មេរោគជាញឹកញយ រក្សាចម្ងាយសុវត្ថិភាពតាមការព្រមាន ជាពិសេសយកចិត្តទុកដាក់ផ្តល់ដំណឹងសុខាភិបាលពេលធ្វើដំណើរ។ ជំរុញឱ្យមនុស្សគ្រប់រូបតម្លើង “បញ្ជីសុខភាពអេឡិកត្រូនិក” ដើម្បីងាយស្រួលក្នុងការអនុវត្តន៍បច្ចេកវិទ្យាបញ្ចូលស្ថានភាពអាសន្នរោគ និងគ្រប់គ្រងការចាក់ថ្នាំ។
     ការអនុវត្តន៍ “បញ្ជីសុខភាពអេឡិកត្រូនិក”គឺអនុវត្តលើខឿនគ្រឹះឧបករណ៍អេឡិកត្រូនិករបស់ក្រសួងសុខាភិបាលសហ ការជាមួយក្រសួងឃោសនាការនិងព័ត៌មាន និងសម្ព័ន្ធទូរគមនាគមន៍ Viettel អនុវត្តជួយឲ្យប្រជាជនដឹង និងគ្រប់គ្រង ព័ត៌មានដោយខ្លួនឯង តាមដានការចាក់ថ្នាំ។ ឆ្លង​តាមរយៈនោះ ជួយដល់ប្រជាជនគ្រប់រូបម្ចាស់ ការក្នុងការបង្ការជំងឺ និងថែទាំសុខភាព។ ជាពិសេស ក្នុងពេលវេលាបច្ចុប្បន្ន “បញ្ជីសុខភាពអេ ឡិកត្រូនិក” ជួយឱ្យប្រជាជនចុះឈ្មោះចាក់វ៉ាក់ស៊ីនផ្ទាល់ឆ្លងតាមរយៈផ្នែកទន់ ក្នុងនោះមានការផ្តល់ដំណឹងសុខាភិបាល បញ្ជាក់ការយល់ព្រមចាក់បង្ការអាសន្នរោគកូវីដ-១៩ លើផ្នែកទន់អេឡិចត្រូនិកពេលដែលចាក់វ៉ាក់សាំងបាន ២ ម្ជុល។ ដោយឡែក បុគ្គលិកសុខាភិបាលស្រង់យកព័ត៌មានអំពីការចាក់វ៉ាក់សាំងបង្ការអាសន្នរោគកូវីដ ១៩ ពីអ្នកផ្តល់ដំណឹងដើម្បីជួយឧបត្ថម្ភបានទាន់ ពេលខណៈដែលមានសំណូមពរ។ គិតមកទល់ ថ្ងៃទី ១៩ ខែសីហា ខេត្តត្រាវិញ បានតម្លើង “បញ្ជីសុខភាពអេឡិកត្រូនិក”បានចំនួន ១០.២៣៩ ច្បាប់។
     រួមជាមួយបណ្តាវិធានការបង្ការ ទប់ស្កាត់អាសន្នរោគ ការបង្កើនចាក់វ៉ាក់សាំងនិងអនុវត្តបច្ចេក វិទ្យាគឺជាការចាំបាច់ដើម្បីគ្រប់គ្រងបានល្អ រកឃើញជំងឺបានឆាប់ រហ័សជាង អនុវត្តដាច់អហង្ការការងារបង្ការ ទប់ស្កាត់អាសន្នរោគ។ ជឿជាក់ថាជាមួយការរួមដៃរបស់បណ្តាផ្នែកគ្រប់លំដាប់ថ្នាក់ និងទូទាំងប្រជាជន អាសន្នរោគកូវីដ-១៩ នឹងឆាប់រលត់រលាយទៅ នាំមកវិញជីវភាពលំនឹង ក្សេមក្សាន្តដល់ប្រជាជនគ្រប់រូប៕     

ប្រែសម្រួល៖ ថាច់សម្បត្តិ