ជូនពោងសុវត្ថិភាពចំនួន ៥០០ គូដល់សិស្ស

09/09/2022 08:15

កាលពីថ្ងៃទី ៥ ខែកញ្ញា ស្ថិតនៅសាលាអនុវិទ្យាល័យ ហ៊ីបថាញ់ ទីផ្សាររួមខេត្តយ្វៀងហាយ សម្ព័ន្ធពលករខេត្តត្រាវិញ ធនាគារពាណិជ្ជកម្មភាគហ៊ុនវិនិយោគ និងអភិវឌ្ឍន៍វៀតណាម (BIDV) សាខាខេត្តត្រាវិញ សហការជាមួយរដ្ឋអំណាចមូលដ្ឋាន និងគណៈចាងហ្វាងសាលាចាត់តាំងពិធីជូនពោងសុវត្ថិភាពដល់សិស្សានុសិស្សចំនួន ១០០ នាក់របស់សាលាក្នុងឆ្នាំសិក្សា ២០២២-២០២៣។ ពោងសុវត្ថិភាពនេះគឺជាសម្ពៀតធម្មតាសម្រាប់ដាក់សៀវភៅ សម្ភារឧបករណ៍រៀនសូត្រផង ហើយ បានភ្ជាប់បន្ថែមកៅស៊ូសំឡីតូចមានសមត្ថកិច្ច ដូចជា «ពោងសង្គ្រោះជីវិត» ពេលដែលមានគ្រោះថ្នាក់កើតឡើងផង។

ជូនពោងសុវត្ថិភាពដល់សិស្សានុសិស្ស។ 

តាមថ្នាក់ដឹកនាំ BIDV បានឲ្យដឹងថា៖ ក្នុងឆ្នាំសិក្សា ២០២២-២០២៣ នេះផ្នែកនឹងជូនពោងសុវត្ថិភាពចំនួន ៥០០ គូដល់សិស្សានុសិស្សនៅលើភូមិសាស្រ្តខេត្តត្រាវិញរួមមាន៖ ទីផ្សាររួមខេត្តយ្វៀងហាយ ២០០ គូ ស្រុកថ្កូវ កូវកែ កាងឡុង ស្រុកនីមួយៗចំនួន ១០០ គូ។ នេះជាសកម្មភាពដែលមានអត្ថន័យសំដែងនូវការយកចិត្តទុកដាក់ ការចែករំលែករបស់ BIDV ក្នុងបណ្តាសកម្មភាពស្ម័គ្រចិត្តដើម្បីផល ប្រយោជន៍សហគមន៍ សម្រាប់ជួយឱ្យប្អូនៗ ទៅសាលាបានងាយស្រួលនិងធានាសុវត្ថិភាព។ បណ្តាឧបករណ៍ពោងសុវត្ថិភាពទាំងនេះរួមចំណែកកាត់បន្ថយគ្រោះថ្នាក់លង់ទឹកដល់សិស្សានុសិស្ស ញុាំងឱ្យប្អូនៗរៀនសូត្របាន នឹងនរអារម្មណ៍សប្បាយរីករាយនិងសុវត្ថិភាព៕ ប្រែសម្រួល៖ រតនា