ឆ្នាំ ២០២៤៖ ខិតខំបង្កើន GRDP សម្រេច ៨,៥% ប្រៀបនឹងឆ្នាំ ២០២៣

          ចូលរួមអង្គសន្និបាតមានសមមិត្ត ឡេថាញ់បិញ សមាជិកគណៈអចិន្ត្រៃយ៍ បក្សខេត្ត អនុប្រធានគណៈកម្មាធិការប្រជាជនខេត្ត សមមិត្តង្វៀងក្វិញធៀង សមាជិកគណៈប្រតិបត្តិការបក្សខេត្ត អនុប្រធានគណៈកម្មាធិការប្រជាជនខេត្ត រួមជាមួយតំណាងបណ្តាមន្ទីរ ផ្នែកខេត្ត គណៈកម្មាធិការប្រជាជនបណ្តាស្រុក ទីផ្សាររួមខេត្ត ទីក្រុង។

សមមិត្តឡេវ៉ាំងហាំង មានប្រសាសន៍ចង្អុលការក្នុងអង្គសន្និបាត។ រូបថត៖ ទ្រឿងអង

        កាលពីថ្ងៃទី ១១ ខែធ្នូ ឆ្នាំ ២០២៣ ប្រធានគណៈកម្មាធិការប្រជាជនខេត្ត ឡេវ៉ាំងហាំង បានចុះហត្ថលេខាសេចក្តីសម្រេចចិត្តលេខ ១៨៨៩/QĐ-UBND របស់គណៈកម្មាធិការប្រជាជនខេត្តស្តីពីការប្រគល់ផែនការពង្រីកសេដ្ឋកិច្ច-សង្គម និងគម្រោងថវិការដ្ឋឆ្នាំ ២០២៤។ ស្ថិតលើមូលដ្ឋាននោះ ចំណាយថវិការដ្ឋឆ្នាំ ២០២៤ ចំនួន ១០.៨១៥ ពាន់លានដុង ប្រមូលចំនួន ១០.៧៦៤ ពាន់លានដុង និងដាក់ចេញកម្រិតផែនការ ២៣ យ៉ាង លើ ០៤ វិស័យ៖ សេដ្ឋកិច្ច ០៧ កម្រិតផែនការ សង្គម ១០ កម្រិតផែនការ បរិស្ថាន ០៣ កម្រិតផែនការ ការពារជាតិ សន្តិសុខ ០៣​ កម្រិតផែនការ។

        នៅក្នុងអង្គសន្និបាត បណ្តាតំណាងបានបំពេញយោបល់ អំពីប្រភពទុនអនុវត្តឆ្នាំ ២០២៤។ បណ្តាស្ថាប័ន អង្គភាពក្រោយពេលទទួលកម្រិតផែនការដែលប្រគល់ឲ្យ ត្រូវម្ចាស់ការកសាងផែនការឲ្យសមស្របជាមួយស្ថានភាពរបស់ផ្នែក និងមូលដ្ឋាន។ល។

        សមមិត្តឡេវ៉ាំងហាំង ប្រធានគណៈកម្មាធិការប្រជាជនខេត្ត វាយតម្លៃខ្ពស់ចំពោះបណ្តាមន្ទីរ ផ្នែក មូលដ្ឋាន ប្រជាជនក្នុងខេត្តបានខិតខំអនុវត្តសម្រេច សារវន្ត ២៣/២៣ កម្រិតផែនការ ដាក់ចេញក្នុងឆ្នាំ ២០២៣។ ក្នុងឆ្នាំ ២០២៤ ប្រធានគណៈកម្មាធិការប្រជាជនខេត្ត ឡេវ៉ាំងហាំង ចង្អុលការ គប្បីផ្តុំកម្លាំងផ្សព្វផ្សាយអនុវត្តសេចក្តីសម្រេចចិត្តរបស់គណៈកម្មាធិការបក្សខេត្ត ក្រុមប្រឹក្សាប្រជាជនខេត្តស្តីពីភារកិច្ចពង្រីកសេដ្ឋកិច្ច-សង្គមភ្ជាប់ជាមួយការអនុវត្តន៍ សេចក្តីសម្រេចចិត្តមហាសន្និបាតបក្ខភាគខេត្តលើកទី ១១ សេចក្តីសម្រេចចិត្តរបស់ក្រុមប្រឹក្សាប្រជាជនខេត្តស្តីពីភារកិច្ចពង្រីកសេដ្ឋកិច្ច-សង្គមក្នុងរយៈកាល ០៥ ឆ្នាំ (២០២១-២០២៥) ជាពិសេសគឺអនុវត្តភារកិច្ចសំខាន់ ០៦ យ៉ាង ភារកិច្ចទម្លុះទម្លាយទៅមុខ ០៣ យ៉ាង និងបណ្តាវិធីសាស្រ្តដាក់ចេញ ជាក់ស្តែង។

        បន្តផ្សព្វផ្សាយអនុវត្តយ៉ាងប្តូរផ្តាច់ និងមានប្រសិទ្ធភាពបណ្តាសេចក្តីសម្រេចចិត្តដែលបានផ្សព្វផ្សាយរបស់ក្រុមប្រឹក្សាប្រជាជនខេត្តស្តីពីបណ្តាគោលនយោបាយពង្រីកសេដ្ឋកិច្ច-សង្គម ជាពិសេសគឺគោលនយោបាយរចនាសម្ព័ន្ធផលិតកសិកម្ម អនុវត្តបណ្តាកម្មវិធីគោលដៅជាតិ អាទិភាពឧបត្ថម្ភវិនិយោគ ឧបត្ថម្ភអាជីវកម្ម សហករណ៍។ បន្តអាទិភាពជំរុញការបង្កើនសេដ្ឋកិច្ច ជំរុញពាណិជ្ជកម្ម ចងសម្ព័ន្ធផ្គត់ផ្គង់ បើកទូលាយទីផ្សារនីហរ័ណ។ ផ្សព្វផ្សាយមានប្រសិទ្ធភាពបណ្តាសកម្មភាពកិច្ចការបរទេស សមាហរណកម្មអន្តរជាតិ។

        ជាមួយបណ្តាលទ្ធផលសម្រេចបានក្នុងការអនុវត្តន៍សេចក្តីសម្រេចចិត្តឆ្នាំ ២០២៣ ប្រធានគណៈកម្មាធិការប្រជាជនខេត្តជឿជាក់ថា ក្នុងឆ្នាំ ២០២៤ ខេត្តនឹងអនុវត្តសម្រេច និងសម្រេចលើសពីបណ្តាកម្រិតផែនការសេចក្តីសម្រេចចិត្តដែលបានដាក់ចេញ៕

ប្រែសម្រួល៖ តឹងង៉ុក