ឃុំឡុងសើុង៖ ប្រកាសសេចក្ដីសម្រេចចិត្តទទួលស្គាល់ឃុំជនបទថ្មី

ពិធីទទួលស្គាល់ឃុំឡុងសើុងសម្រេចលក្ខឋានជនបទថ្មីឆ្នាំ ២០២១។ រូបថត៖ ម៉ីញ៉ឹង

     ឡុងសើុងជាឃុំស្ថិតនៅតំបន់ឆ្ងាយដាច់ស្រយាលរបស់ស្រុកកូវង៉ាង មានគ្រួសារប្រជាជន ៣.១៧៨ គ្រួ ក្នុងនោះជនជាតិខ្មែរស្រូបយកអត្រា ៥០,២៩%។ ប្រជាជនក្នុងឃុំភាគច្រើន ប្រកបរបរផលិតកសិកម្ម សិប្បកម្ម ចិញ្ចឹមជល ផលនិងលក់ដូរតូចតាច។ រួមជាមួយការខិតខំនិងប្ដេជ្ញាចិត្តខ្ពស់របស់ទូទាំងប្រព័ន្ធនយោបាយនិងការព្រមព្រៀងរបស់ប្រជាជនគ្រប់ជាន់ ស្រទាប់ មកទល់ពេលនេះ ឃុំបានអនុវត្តសម្រេច ១៩/១៩ លក្ខឋានជនបទថ្មី។ ជីវភាពរបស់ប្រ ជាជនពីមួយថ្ងៃទៅមួយថ្ងៃកាន់តែរីកចម្រើន ដោយសារមានបណ្ដាផលិតផលកសិកម្ម ជលផល ចិញ្ចឹមសត្វសម្បូរបែប រួមចំណែកបង្កើន ប្រភពចំណូលមធ្យមរបស់មនុស្សម្នាក់ក្នុងមួយឆ្នាំ ២០២១ សម្រេចជាង ៥២ លានដុង គ្រួ សារក្រីក្របានកាត់បន្ថយនៅតែ ៦៦ គ្រួ ស្មើ ១,៩៣% នៃចំនួនគ្រួសារប្រជាជនក្នុងឃុំ។  គមនាគមន៍ជនបទភាគច្រើនបានក្រាលកៅស៊ូនិងផ្គត់ផ្គង់ឆ្លើយតបតម្រូវការធ្វើដំណើរទៅមកនិងដឹកជញ្ជូនមុខទំនិញរបស់ប្រជាជន លំនៅឋានរបស់ប្រជាជន ៩៤,៥% សម្រេចតាមសេចក្ដីកំណត់របស់ក្រសួងស្ថាបនា។
     ស្ថិតក្នុងពិធីនេះ ទទួលការផ្ទេរសិទ្ធិរបស់ប្រធានគណៈកម្មាធិការប្រជាជនខេត្ត ថ្នាក់ដឹកនាំគណៈកម្មាធិការប្រជាជនស្រុកកូវង៉ាងប្រ គល់ជូនបណ្ណទទួលស្គាល់ឃុំឡុងសើុងសម្រេចលក្ខឋានជនបទថ្មីឆ្នាំ ២០២១ និងជូនបណ្ណសរសើររបស់គណៈកម្មាធិការប្រជាជនខេត្ត ០៥ បណ្ណដល់បណ្ដាបុគ្គលមានស្នាដៃឆ្នើម ក្នុងការអនុវត្តន៍កម្មវិធីគោលដៅជាតិ កសាងជន បទថ្មីឆ្នាំ ២០២១។ នាឱកាសនេះ គណៈកម្មាធិការប្រជាជនស្រុក ឃុំជូនលិខិតសរសើរដល់សមូហភាព បុគ្គលមានស្នាដៃឆ្នើមក្នុងការកសាងឃុំជនបទថ្មី ៥៦ កន្លែងនិងរូប៕               ម៉ីញ៉ឹង-លឺវវ៉ូ