ឃុំដូងស្វឹង -រៀនសូត្រ និងធ្វើតាមអ៊ំហូក្នុងការពង្រីកសេដ្ឋកិច្ច

     ចូលរួមជ្រោមជ្រែងក្នុងចលនារៀងសូត្រ និងធ្វើតាមសតិអារម្មណ៍ សីលធម៌ ឥរិយាបថ ហូជីមិញ កសិករនៅភូមិជ្រៃគោកទាញយកផលពីដីល្បាប់ ដីនៅទំនេរ ... ជាង ២ ហិកតាដើម្បីចិញ្ចឹមគ្រំទទួលបានលទ្ធផលសេដ្ឋកិច្ចខ្ពស់។

     លោកហាវ៉ាំងថាញ់ ប្រធានគណៈកម្មការប្រជាជនភូមិជ្រៃគោកបានចែករំលែកថា ៖ ឆ្លងតាមចលនារៀនសូត្រ និងធ្វើតាមសតិអារម្មណ៍ សីលធម៌ ឥរិយាបថហូជីមិញ ខ្ញុំក៏បានសកម្មបំផុសចលនាបក្ខជន និងប្រជាជននៅក្នុងភូមិឲ្យរៀនសូត្រតាម និងអនុវត្តវិទ្យាសាស្រ្តបច្ចេកទេសជឿនលឿនក្នុងការផលិត បង្វែរដីផលិតមិនសូវមានផលដើម្បីបង្កើនប្រភពចំណូលជូនគ្រួសារ។​ ដោយឃើញថាមូលដ្ឋានមានសក្តានុពលក្នុងការចិញ្ចឹមគ្រំ   នៅឆ្នាំ២០១៧ កាលនោះខ្ញុំនៅជាលេខាសាខាសម្ព័ន្ធយុវជនភូមិខ្ញុំបានប្រមូលផ្តុំសមាជិកយុវជន និងប្រជាជនក្នុងភូមិបង្កើតក្រុមសហការ “ចិញ្ចឹមគ្រំពាណិជ្ជផល” ដោយមានសមាជិកចំនួន ១១ នាក់។ ចាប់ផ្តើមអនុវត្តទម្រង់នេះ ក្រុមវិនិយោគទុនចិញ្ចឹមគ្រំ ០៣ លានក្បាល សមាជិកម្នាក់ៗ​ វិនិយោគទុន ១៥ លានដុង ក្រោយពេលថែទាំ ១៥ ខែ សមាជិកម្នាក់ៗ ទទួលបានប្រាក់ចំណេញ ៤៥ លានដុង។តាំង​ពី​ពេល​នោះ​មក ទម្រង់ចិញ្ចឹមគ្រំ​បាន​ប្រជាជនគាំទ្រ  និងរក្សាខ្ជាប់មកដល់​បច្ចុប្បន្ននេះ។  សព្វថ្ងៃ ក្នុង​ភូមិ​មានគ្រួសារ​ជិត ២០​ គ្រួ​បង្វែរពីដី​ល្បាប់ ដីទំនេរមក​ចិញ្ចឹមគ្រំ។ គ្រួសារនីមួយៗចិញ្ចឹមពី ៥០០ ‑ ២.០០០ ម៉ែត្រ ។  បច្ចុប្បន្នតម្លៃ​គ្រំក្នុង​មួយ​គីឡូក្រាម ២៥.០០០ ​ដុង​ ហើយបានឈ្មួញមក​ប្រមូលទិញ​ដល់​ផ្ទះ។ដើម្បីបង្កលក្ខណៈឲ្យគ្រួសារក្រីក្រដែលខ្វះដើមទុន ឆ្នាំ ២០២០ ការិយាល័យកសិកម្ម និងអភិវឌ្ឍន៍ជនបទស្រុក ដោះស្រាយឱ្យបុលទុនដោយឥតគិតប្រាក់ការក្នុងរយៈកាល ០២ ឆ្នាំ។  គ្រួសារនីមួយៗ បានបុល ០៥ លានដុង។  គិតមក​ដល់​ពេល​នេះ គ្រួសារទាំងនោះបានសងដើមទុនរួចស្រេចមុន​ពេល​កំណត់។

បងស្រីដងធីចាញ់ (ខាងឆ្វេង) កំពុងប្រមូលផលគ្រំ។

     អាស្រ័យបង្វែរពីដីល្បាប់ជាង ០,៥ កុងមកចិញ្ចឹមគ្រំ គ្រួសារបងស្រីដងធីចាញ់ (ជនជាតិខ្មែរ) បានរួចផុតពីភាពក្រីក្រកាលពីចុងឆ្នាំ ២០២០។ បងចាញ់សំណេះសំណាលដោយរីករាយថា៖ គ្រួសារខ្ញុំប្រកបរបរស៊ីឈ្នូលបើកម៉ូតូឌុបតាំងពីមុនមក។ ដោយឃើញក្នុងភូមិមានទម្រង់ក្រុមសហការចិញ្ចឹមគ្រំ ហើយបានរដ្ឋដោះស្រាយឱ្យបុលទុនសម្រាប់ទិញពូជ ដូច្នេះនៅដើមឆ្នាំ ២០២០ គ្រួសារខ្ញុំក៏ធ្វើតាម។ ផលប្រយោជន៍នៃការចិញ្ចឹមគ្រំនេះគឺ​ មិនបង់ប្រាក់ទិញចំណី និងងាយស្រួលក្នុងការថែទាំ ប៉ុន្តែត្រូវធានាប្រភពទឹកស្អាត មានប្រព័ន្ធសំណាញ់ព័ន្ធជុំវិញ និងប្រព័ន្ធលូបង្ហូតទឹកល្អ ជួយឱ្យគ្រំធំធាត់ល្អ។ ឆ្នាំ ២០២២ ទន្ទឹមនឹងជំរុញមាំការរៀនសូត្រ និងធ្វើតាមសតិអារម្មណ៍ សីលធម៌ ឥរិយាបថ ហូជីមិញ ក្នុងការពង្រីកសេដ្ឋកិច្ច ឃុំក៏បានបំផុសចលនាកម្មាភិបាល បក្ខជន និងប្រជាជនឲ្យយកចិត្តទុកដាក់អនុវត្តទម្រង់ “ប៉ិនប្រសប់ការងារប្រជាចលនា” លើគ្រប់វិស័យ។ ជាពិសេស បណ្តាវិស័យពង្រីកសេដ្ឋកិច្ច​ និង ការផ្លាស់ប្តូររចនាសម្ព័ន្ធផលិតបន្តបានជំរុញមាំ។

     លោក ត្រឹមក្វើយទ្រុង អនុប្រធានគណៈកម្មាធិការប្រជាជនឃុំដូងស្វឹងបានឲ្យដឹងថា៖ អនុវត្តតាមការរៀនសូត្រ និងធ្វើតាមសតិអារម្មណ៍ សីលធម៌ ឥរិយាបថហូជីមិញ ឃុំដូងស្វឹងបន្តចលនាប្រជាជនឲ្យផ្លាស់ប្តូររចនាសម្ព័ន្ធផលិត សមស្របតាមលក្ខណៈនៃការពង្រីកសេដ្ឋកិច្ច។ លេចធ្លោគឺទម្រង់ក្រុមសហការ "ចិញ្ចឹមគ្រំពាណិជ្ជផល" របស់ភូមិជ្រៃគោកនាំមកលទ្ធផលសេដ្ឋកិច្ចខ្ពស់ ហើយឃុំកំពុងបង្កើតក្រុមសហការចិញ្ចឹមគ្រំបន្ថែមមួយកន្លែងទៀតនៅភូមិផ្សារ  ទម្រង់ដាំបន្លែសុវត្ថិភាពក្នុងផ្ទះសំណាញ់នៅភូមិបាយ៉ាម (បេ) និងទម្រង់បង្វែរដីស្រែមិនសូវមានផលមកដាំដំណាំនៅភូមិបាយ៉ាម (អា)។ល។ផ្តើមពីនោះមានកសិករខ្មែរជាច្រើនបានរួចផុតពីភាពក្រីក្រ ហើយឈានឡើងធូរធាអាស្រ័យរៀនសូត្រតាមអ៊ំហូ ក្នុងការផ្លាស់ប្តូរផលិត ដូចជាកសិករថាច់ចំរុង នៅភូមិបាយ៉ាម (អា)​ បង្វែរផ្ទៃដីចម្ការចម្រុះ ០,២ ហិកតាមកដាំខ្ញី។ កសិករ គឹមង៉ុកទ្រុង នៅភូមិបាយ៉ាម (បេ)​ បង្វែរផ្ទៃដីចម្ការចម្រុះ ០,១ ហិកតាមកដាំត្របែកពូជតៃវ៉ាន់ចំនួន ៥០ ដើម និងខ្នុរថៃចំនួន ១៥ ដើម។ល។

កសិករភូមិប៉ាញីកំពុងប្រមូលផលគ្រំ។

     ទន្ទឹមនឹងការបង្កលក្ខណៈឲ្យគ្រួសារក្រីក្រ គ្រួសារជិតក្រ និងគ្រួសារមាមីងខ្មែរ មានលក្ខណៈពង្រីកសេដ្ឋកិច្ច ការរៀនសូត្រនិងធ្វើតាមគំរូអ៊ំក៏បានឃុំដូងស្វឹងអនុវត្តមានប្រសិទ្ធភាពតាមរយៈការបំផុសចលនា ឧបត្ថម្ភដល់គ្រួសារដែលគ្មានលក្ខណៈ និងខ្វះមធ្យោបាយផលិតដូចជា៖ បង្កលក្ខណៈឲ្យបុលទុនពីធនាគារគោលនយោបាយសង្គម ទៅទស្សនាទម្រង់ផលិតមានប្រសិទ្ធភាព ផ្ទេរជូនវិទ្យាសាស្រ្តបច្ចេកទេស។ល។ ដើម្បីលើកទឹកចិត្តប្រជាជនឲ្យបង្កើនការផលិត និងធ្វើអាជីវកម្មដើម្បីរួចផុតពីភាពក្រីក្រចីរភាព៕

​​​​​​​​​​​​​​​​​​​​​​​​                                                                         អត្ថបទនិងរូបថត​:សុខា