ឃុំជនបទថ្មីហ៊ុងហ្វា៖ វិនិយោគកសាងសំណង់ហេដ្ឋារចនាជាច្រើនដើម្បីបន្តភ្ជាប់តំបន់មូលដ្ឋានសង្រ្គាម

ដំណើរការកសាងផ្លូវជបបទ។ រូបថត៖ ថាច់ហ្វាង

        នៅបណ្ដាថ្ងៃបំណាច់ឆ្នាំ ២០២០ យើងខ្ញុំមានឱកាសបានវិលមកកាន់ឃុំជនបទថ្មីហ៊ុងហ្វា (បានទទួលស្គាល់ជាឃុំសម្រេចជនបទថ្មីកាលពីឆ្នាំ ២០១៧) រូបភាពដំដូងដែលយើងខ្ញុំកត់ត្រាបាននោះគឺការផ្លាស់ប្ដូរយ៉ាងច្រើននៅបណ្ដាភូមិមូលដ្ឋានសង្រ្គាមកាលពីមុននេះ។ ជាពិសេសគឺប្រព័ន្ធគមនាគមន៍បានបន្តភ្ជាប់ពីភូមិមួយទៅភូមិមួយ។

         លោកថាច់គី កើតឆ្នាំ ១៩៤៩ នៅភូមីកីយ៉ាឃុំហ៊ុងហ្វាជាយុទ្ធជនឈ្លបម្នាក់កាលពីមុនធ្លាប់ចូលរួមធ្វើសកម្មភាពនៅតំបន់មូលដ្ឋានសង្រ្គាមភូមិកីយ៉ាបានឲ្យដឹងថា៖ បណ្ដាឆ្នាំជិតៗនេះ ឃុំហ៊ុងហ្វាមានការផ្លាស់ថ្មីយ៉ាងច្រើន បំផុតគឺប្រព័ន្ធគមនាគមន៍។ រួមជាមួយនោះ ជីវភាពរបស់ប្រជាជនជាពិសេសមុខសញ្ញាគ្រួសារគោលនយោបាយ និងជនរួមជាតិខ្មែរមិនបង្អង់បានលើកកម្ពស់សេដ្ឋកិច្ចរីកចម្រើនរហ័ស បំផុតគឺបង្វែរផ្ទៃដីផលិតស្រូវមិនសូវមានផលមកដាំដូង ឈើហូបផ្លែ។ គ្រួសារគាត់មានផ្ទៃដីផលិតស្រូវជាង ០១ ហិកតា បច្ចុប្បន្នបានបង្វែរមកដាំដូង ក្នុងមួយខែៗផ្ដល់ប្រភពចំ ណូលពី ១២-១៥ លានដុង។

        គិតដល់ចុងឆ្នាំ ២០២០ ប្រភពចំណូលជាមធ្យមរបស់ប្រជាជនម្នាក់នៅលើភូមិសាស្រ្ដឃុំហ៊ុងហ្វាសម្រេច ៥០,៤ លានដុងក្នុងមួយឆ្នាំ (កើនជាង ១,៩ ដងបើប្រៀបជាមួយឆ្នាំ ២០១៥)។ អំពីការគិតគូរដល់គ្រួសារគោលនយោបាយ ទូទាំងឃុំបច្ចុប្បន្នមានអ្នកម្ដាយវៀតណាមវីរភាព ២៣ រូប (បច្ចុប្បន្ននៅរស់ ០៤ រូប)។ ដំណាក់កាល ២០១៥-២០២០ បានផ្សព្វផ្សាយសាងសង់ថ្មីផ្ទះឧបការគុណ ៦៦ ខ្នង កើនចំនួនមកទល់ពេលនេះ ទូទាំងឃុំមានផ្ទះឧបការគុណ ២៧១ ខ្នងបានសាងសង់ជូនគ្រួសារគោលនយោបាយ។ ក្រោយពេលបានវិនិយោគកសាងហេដ្ឋារចនាសម្ព័ន្ធដល់ចុងឆ្នាំ ២០២០ ឃុំហ៊ុងហ្វាមានផ្លូវគមនាគមន៍ ៤២,៨២០ គីឡូម៉ែត្របានកសាងដោយបេតុងនិងក្រាលកៅស៊ូ។ ដោយឡែកក្នុងឆ្នាំ ២០២០ បានវិនិយោគកសាងស្ពាន ០៣ ដោយបេតុងនិងផ្លូវកៅស៊ូ ០៣ ខ្សែ សរុបថវិកាជាង ៣០ ពាន់លានដុង។ ក្រៅពីនោះ ឃុំនៅទាំងបានមន្ទីរកសិកម្មនិងអភិវឌ្ឍន៍ជនបទវិនិយោគទុនកសាងដំណាក់ទឹកស្អាតប្រមូលផ្ដុំនៅនឹងឃុំ (ថាមពល ៥០ ម៉ែត្រត្រី គុណក្នុងមួយម៉ោង) សរុបទុនវិនិយោគ ១១ ពាន់លានដុង។ គិតមកទល់ពេលនេះ ទូទាំងឃុំមានផ្លូវគមនាគមន៍គ្រប់គ្រាន់ ងាយស្រួល ធ្វើដំណើរទាំងរដូវប្រាំងនិងវស្សា។

       លោកឡេវ៉ាំងដួ ប្រធានគណៈកម្មាធិការប្រជាជនឃុំហ៊ុងហ្វាបានឲ្យដឹង៖ ក្រោយពេលមូលដ្ឋានបានទទួលស្គាល់សម្រេចការកសាងជនបទថ្មី ចំពោះឃុំហ៊ុងហ្វាអំពីបញ្ហាបង្កើនប្រភពចំណូល ដោះស្រាយការងារធ្វើជូនប្រជាជនលើភូមិសាស្រ្ដតែងបានគណៈកម្មាធិការបក្ស រដ្ឋអំណាចមូលដ្ឋានយកចិត្តទុកដាក់យ៉ាងវិសេស។ អាស្រ័យលក្ខណៈជាឃុំកសិកម្ម (ភាគច្រើនផលិតស្រូវ) ដូច្នោះហើយដើម្បីនាំមកនូវតម្លៃសេដ្ឋកិច្ចខ្ពស់ជូនដល់អ្នកផលិត មូលដ្ឋានបានចលនាប្រជាជនឲ្យផ្លាស់ប្ដូររចនាសម្ព័ន្ធផលិត កំណត់សក្ដានុពលរបស់តំបន់នីមួយៗ និងកសាងបណ្ដាទម្រង់សេដ្ឋកិច្ចមានលទ្ធផលដើម្បីពង្រីកទូលាយ។

      ដល់ចុងឆ្នាំ ២០២០ កសិករក្នុងឃុំបានបង្វែរផ្ទៃដីដាំអំពៅទាំងអស់ (ជិត ៨០ ហិកតា) មកដាំបណ្ដាប្រភេទដំណាំផ្សេងផ្ដល់ប្រភពចំណូលខ្ពស់ជូនប្រជាជនខ្ពស់ជាងពី ០៤-០៥ ដងប្រៀបនឹងដាំអំពៅ។ បច្ចុប្បន្ន ទូទាំងឃុំមានចម្ការឈើហូបផ្លែ ៧៤៥ ហិកតា ជារៀងរាល់ឆ្នាំផ្ដល់បរិមាណផល ៤.៩៥១ តោន និងដូង ៦៤៥ ហិកតា បរិមាណផលផ្ដល់ ១៤,៣៥ លានផ្លែក្នុងមួយឆ្នាំ។ អំពីការពង្រីកសេដ្ឋកិច្ចសហការ មានសហករណ៍ ០២ កន្លែង ក្នុងវិស័យផលិតស្រូវនិងឈើហូបផ្លែ (សហករណ៍កសិកម្មហ៊ុងតៀង មានសមាជិក ១២០ នាក់ សហករណ៍ក្រូចត្លុងសម្បកខៀវហ៊ុងហ្វា មានសមាជិក ៥៤ នាក់) និងក្រុមសហការផលិតស្រូវ ១៦ ​ក្រុម ក្រុមចិញ្ចឹមជ្រូក ០១ ក្រុម និងក្រុមដាំដំណាំ ០១ ក្រុម។ លោកតាឡឹមញ៉ឹង នៅភូមិកិញ កើតឆ្នាំ ១៩២៨ បានឲ្យដឹង៖ បច្ចុប្បន្ន មូលដ្ឋានតែងយកចិត្តទុកដាក់ដល់ព្រឹទ្ធាចារ្យ ដូចបានថែទាំពិនិត្យព្យាបាលជំងឺដោយមិនគិតថ្លៃ។ បណ្ដាផ្នែកក៏តែងមកសួរសុខទុក្ខនិងលើកទឹកចិត្តដល់គ្រួសារក្នុងការផលិត ឧបត្ថម្ភទុនសម្រាប់ធ្វើសេដ្ឋកិច្ច។ល៕    

ប្រែសម្រួល៖ ថាច់ហ្វាង