ឃុំង៉ូវឡាក៖ អនុវត្តល្អការងារត្រៀមបម្រុងឱ្យការបោះឆ្នោតតំណាងក្រុមប្រឹក្សា ប្រជាជនគ្រប់លំដាប់ថ្នាក់ អាណត្តិកាល ២០២១-២០២៦

លោកផាមវុាំងហុង ប្រធានគណៈកម្មការបោះឆ្នោតឃុំង៉ូវឡាកពិនិត្យបណ្តាខ្លឹមសារអនុវត្តជំហានបន្តទៀតសម្រាប់ការបោះឆ្នោត។​
      ឃុំបានអនុវត្តសម្រេចការទទួលសំណុំលិខិត ក្រោយម៉ោង ១៧ ថ្ងៃទី ១៤​ មីនា ឆ្នាំ ២០២១ ដោយមានបេក្ខជនចេញឈរឆ្នោតតំណាងក្រុមប្រឹក្សាប្រជាជនឃុំនីតិកាលទី ១២ អាណត្តិកាល ២០២១-២០២៦ ចំនួន ៥៦ នាក់ រួមមាន៖ តំណាងបុរសភេទចំនួន ៣៧ នាក់ ស្រូបយកអត្រា ៦៦,០៨% តំណាងជានារីភេទចំនួន ១៩ នាក់ ស្រូបយកអត្រា ៣៧,៩២% តំណាងវ័យក្មេង (អាយុក្រោមពី ៤០ ឆ្នាំ) ចំនួន ២៨ នាក់ ស្រូបយកអត្រា ៥០% តំណាងជាជនជាតិខ្មែរចំនួន ២៧ នាក់ ស្រូបយកអត្រា ៤៨,២១%  តំណាងក្រៅបក្សចំនួន ៨ នាក់ ស្រូបយកអត្រា ១៤,២% គ្មាន តំណាងចេញឈរឆ្នោតដោយខ្លួនឯង។ ទន្ទឹមនឹងនោះ ឃុំបានអនុវត្តសម្រេចនីតិវិធីយល់ព្រម ចំនួនមណ្ឌលបោះឆ្នោត ១៧ កន្លែង នៅក្រុមបោះឆ្នោតចំនួន ១៧ កន្លែង ដោយមានសមាជិកនៃក្រុមបោះឆ្នោតនីមួយៗចំនួន ៧ នាក់។
       លោក ផាមវុាំងហុង ប្រធានក្រុមប្រឹក្សាប្រជាជន ប្រធានគណៈកម្មការបោះឆ្នោតឃុំង៉ូវឡាក បានឱ្យដឹង៖ ក្រោយពេលទទួលបានបណ្តាសារលិខិតណែនាំរបស់ថ្នាក់លើស្តីពីការបោះឆ្នោត មូលដ្ឋាន សហការជាមួយរណសិរ្សឃុំ ចាត់តាំងការពិគ្រោះយោបល់បណ្តាជំហានចាត់តាំងការយកយោបល់ម្ចាស់ឆ្នោត ចំពោះបេក្ខជនចេញឈរឆ្នោត តំណាងក្រុមប្រឹក្សាប្រជាជនឃុំនៅ ១០/១០ ភូមិ លើភូមិសាស្រ្ត និងស្ថាប័នម្ចាស់ឆ្នោតទាំងអស់ សុទ្ធតែយល់ព្រមចំពោះបេក្ខជនចេញឈរឆ្នោត។ ដើម្បីប្រជាជនយល់ច្បាស់ពីការងារបោះឆ្នោត មូលដ្ឋានបានចាត់តាំងការផ្សព្វផ្សាយបានជាង ១០ លើក ដោយមានអ្នកចូលរួមចំនួន ៧២៥ នាក់។ ក្រោពីនោះ នៅទាំងចាត់តាំងផ្សព្វផ្សាយ  លើដំណាក់ផ្សាយសំឡេងរបស់ឃុំបាន ៧ លើកជាមួយបណ្តាខ្លឹមសារដូចជា៖ ផ្សព្វផ្សាយថ្ងៃបោះឆ្នោត តំណាងរដ្ឋសភានីតិកាលទី ១៥ និងតំណាងក្រុមប្រឹក្សាប្រជាជនគ្រប់លំដាប់ថ្នាក់ អាណត្តិកាល ២០២១-២០២៦ បណ្តាសេចក្តីសម្រេចបង្កើតគណៈកម្មការបោះឆ្នោតតំណាងក្រុមប្រឹក្សាប្រ​ជាជនឃុំង៉ូវឡាក​ នីតិកាលទី ៧ អាណត្តិកាល ២០២១-២០២៦។
       ជាមូលដ្ឋានដែលមានជនរួមជាតិខ្មែររស់នៅច្រើនកុះករ ម៉្លោះហើយគណៈកម្មការបោះឆ្នោត ក៏តែងសហការផ្សព្វផ្សាយគួបផ្សំជាមួយការប្រជុំប្រជាជន សហការជាមួយបណ្តាមូលដ្ឋានសាសនាលើភូមិសាស្រ្ តដើម្បីធ្វើការផ្សព្វផ្សាយជូនមាមីង។ ទង្វើនោះគឺសំដៅកាត់បន្ថយដល់កម្រិតទាបបំផុត អំពីអត្រាម្ចាស់ឆ្នោតមិនទៅបោះឆ្នោត និងអត្រាសន្លឹកឆ្នោតមិនស្របច្បាប់នៅតាមបណ្តា ក្រុមបោះឆ្នោត។
       អំពីរចនាបទសម្បទា កម្រិតវិជ្ជារបស់បេក្ខជន ចេញឈរឆ្នោតមានវិញ្ញាបនបត្រវិទ្យាល័យ និងជំនាញមហាវិទ្យាល័យកើនប្រមាណ ៣៥% បេក្ខជនចេញឈរឆ្នោតជាជនជាតិខ្មែរកើន ១៥% ប្រៀបជាមួយអាណត្តិកាលមុន។ លោក ផាមវុាំងហុង បានឱ្យដឹងបន្ថែមទៀតថា៖ រចនាមបទអំពីសម្បទា និងប្រជាប្រិយភាពរបស់តំណាងក្រុមប្រឹក្សាប្រជាជនឃុំគឺសមស្របជាមួយស្ថានភាពបច្ចុប្បន្ន ទន្ទឹមនឹងនោះ សមស្របជាមួយទឹកចិត្តបំណងប្រាថ្នារបស់ប្រជាជន ស័ក្តិសមជាតំណាងប្រកប ដោយសេចក្តីក្លៀវក្លា បង្កបានជាស្ពានតភ្ជាប់រវាង ស្ថាប័នរដ្ឋ និងប្រជាជននាំយកយោបល់ សំណើរបស់ម្ចាស់ឆ្នោតឡើងកាន់វេទិកាបណ្តាសម័យប្រជុំដោះស្រាយសិទ្ធិប្រយោជន៍ជូនប្រជាជន។
       ក្នុងការអនុវត្តន៍កិច្ចការដែលនៅសេសសល់អំពីការបោះឆ្នោត គណៈកម្មការបោះឆ្នោតនឹងបង្កើនការផ្សាយសំឡេងលើដំណាក់ផ្សាយសំឡេងរបស់ឃុំដោយតភ្ជាប់ទៅជាមួយបណ្តាឧគ្ឃោសនស័ព្ទ នៅតាមបណ្តាភូមិស្តីពីជីវប្រវិត្តិសង្ខេបរបស់បេក្ខ ជន ចេញឈរឆ្នោតម្នាក់ៗ ជូនដល់ម្ចាស់ឆ្នោតត្រៀមបម្រុងបណ្តាបដាផ្សព្វផ្សាយ សញ្ញាពេចន៍ ទន្ទឹមនឹងនោះ បិទប្រកាសបញ្ជីរាយនាមបេក្ខជនចេញឈរឆ្នោត បញ្ជីរាយនាមម្ចាស់ឆ្នោត ដើម្បីទទួលម្ចាស់ឆ្នោតប្រមាណ ១៦.០០០ នាក់មកបោះ ឆ្នោត៕ 

  អត្ថបទ-រូបថត៖ សម្បត្តិ