គប្បីយកចិត្តទុកដាក់បញ្ហាមួយចំនួនពេលដែលប្រជាជនពីទីក្រុងហូជីមិញ និងខេត្តបិញយឿងវិលត្រឡប់មកខេត្តត្រាវិញ

   ដើម្បីធានាម្ចាស់ការក្នុងការសហការដឹកជញ្ជូនប្រជាជនពីទីក្រុងហូជីមិញ និងខេត្តបិញ យឿងវិលត្រឡប់មកខេត្តត្រាវិញតាមគោលបំណងនោះ ក៏ក្នុងថ្ងៃទី ២៨ កក្កដាឆ្នាំ ២០២១ គណៈអចិន្ត្រៃយ៍គណៈកម្មាធិការរណសិរ្សមាតុភូមិវៀតណាមខេត្តត្រាវិញបានចេញផ្សាយ សារលិខិតលេខ ៣៧១/MTTQ-BTT “ស្តីពីការទទួលយកពលកររបស់ខេត្តត្រាវិញវិលត្រឡប់មកពីទីក្រុងហូជីមិញ”។ ក្នុងនោះ សំណូមពរប្រធានគណៈចង្អុលការបង្ការទប់ស្កាត់ អាសន្នរោគជំងឺកូវីដ-១៩ និងប្រធានគណៈកម្មាធិការរណសិរ្សមាតុភូមិវៀតណាមស្រុក ទីផ្សាររួមខេត្ត ទីក្រុងក្នុងខេត្តម្ចាស់ការទាក់ទង ជាមួយនឹងគណៈទាក់ទងអ្នកមានស្រុកកំណើតរបស់បណ្តាស្រុក ទីផ្សាររួមខេត្ត ទីក្រុង នៅនឹងទីក្រុងហូជីមិញដើម្បីក្តាប់ចំនួនពលកររបស់មូលដ្ឋានដែលមានតម្រូវការវិលត្រឡប់មកខេត្តដើម្បីបង្ការរោគជំងឺ។ ទន្ទឹមនឹងនោះម្ចាស់ការវិធានការរៀបចំតំបន់ធ្វើចត្តាឡីស័កធានាបណ្តាលក្ខណៈចំបាច់តាមសំណូមពររបស់ការងារបង្ការរោគជំងឺ។ គប្បី យកចិត្តទុកដាក់ ពលករដែលមានស្រុកកំណើតនៅលើភូមិសាស្ត្ររបស់មូលដ្ឋានណាគឺមូលដ្ឋាននោះទទួលយក និងបែងចែកធ្វើចត្តាឡីស័ក។ ពិសេសគឺ ប្រជាជនពេលដែល បានវិលត្រឡប់មក គប្បីអនុវត្តតាមបណ្តាសេចក្តីកំណត់អំពីចត្តាឡីស័កប្រមូលផ្តុំ (មានប្រមូលថវិកា)។
     ទាក់ទងជាមួយនឹងគណៈទាក់ទងអ្នកមានស្រុកកំណើតត្រាវិញនៅទីក្រុងហូជីមិញ បានដឹងថា៖ មានមនុស្សជាច្រើនបានចុះឈ្មោះវិលត្រឡប់មកខេត្ត ប៉ុន្តែភាគច្រើនយល់ឃើញ ថាពេលបានវិលត្រឡប់មកបានធ្វើចត្តាឡីស័កនៅនឹងផ្ទះ។ ក្រោយពីបានស្តាប់ព័ត៌មាន ថាពេលបានវិលត្រឡប់មកខេត្តត្រាវិញ ត្រូវធ្វើចត្តាឡីស័កប្រមូលផ្តុំគឺភាគច្រើនមានការរអែង។ អាស្រ័យហេតុនោះ គណៈទាក់ទងអ្នកមានស្រុកកំណើតត្រាវិញនៅទីក្រុងហូជី មិញនៅតែជំរុញមាំការផ្សព្វផ្សាយ ចលនាប្រជា ជនឱ្យខិតខំអនុវត្តត្រឹមត្រូវតាមសំណូមពរនៃ ការបង្ការរោគជំងឺ ពិសេសគឺអនុសាសន៍  “៥K” ព្រមានប្រជាជនគប្បីពិចារណាថ្លឹងថ្លែងឱ្យម៉ត់ ចត់មុនពេលចុះឈ្មោះវិលត្រឡប់ទៅស្រុក ទន្ទឹមនឹងនោះ មិនគប្បីចុះឈ្មោះវិលទៅ​ស្រុកច្រើនគ្នាពេក ពីគ្រោះបច្ចុប្បន្ននេះបណ្តាល ឱ្យជះឥទ្ធិពលដល់ការងារបង្ការរោគជំងឺ៕                     រតនា