គណៈកម្មាធិការរណសិរ្សមាតុភូមិវៀតណាមស្រុកកូវង៉ាងផ្សព្វផ្សាយកម្មវិធីសហការ និងឯកភាពសកម្មភាពឆ្នាំ ២០២៣

            គណៈកម្មាធិការរណសិរ្សមាតុភូមិវៀតណាមស្រុកកូវង៉ាង (នីតិកាលទី ៩) អាណត្តិកាល ២០១៩-២០២៤ ទើបចាត់តាំងសន្និបាតលើកទី ១១ បូកសរុបការងាររណសិរ្សឆ្នាំ ២០២២ និងផ្សព្វផ្សាយកម្មវិធីសហការឯកភាពសកម្ម​ភាពសម្រាប់ឆ្នាំ ២០២៣។

ថ្នាក់ដឹកនាំគណៈកម្មាធិការរណសិរ្សមាតុភូមិវៀតណាមស្រុកជូនលិខិតសរសើរដល់បណ្តាសមូហភាព និងបុគ្គល។

រូបថត៖ ឌិញកាញ់

            ឆ្នាំ ២០២២ រណសិរ្សមាតុភូមិវៀតណាមស្រុកកូវង៉ាង និងបណ្តាអង្គការចាត់តាំងជាសមាជិកបានផ្តុំកម្លាំងផ្លាស់ថ្មីខ្លឹមសារ វិធានការ លើកកម្ពស់ប្រសិទ្ធភាពការងារផ្សព្វផ្សាយចលនាប្រជាជនគ្រប់ជាន់ស្រទាប់។ ជាលទ្ធផលមានការវិវឌ្ឍន៍ច្រើនលើវិស័យមួយចំនួន បានរួមចំណែកក្នុងការពង្រីកសេដ្ឋកិច្ច លំនឹងជីវភាពប្រជាជន។ ចូលរួមអនុវត្តល្អការងារផ្សព្វផ្សាយ និងចលនាអំណោយឧបត្ថម្ភដល់អ្នកដែលជួបការលំបាកក្នុងជីវភាពអាស្រ័យដោយរងឥទ្ធិពលអាក្រក់ពីមហាសន្នរោគកូវីដ-១៩។ អនុវត្តល្អការងារផ្សព្វផ្សាយបោះឆ្នោតប្រធានគណៈកម្មការប្រជាជនភូមិ អនុសង្កាត់និងបោះឆ្នោតជ្រើសរើសសមាជិកគណៈអធិការកិច្ចប្រជាជនឃុំ ទីប្រជុំជន អាណត្តិកាល ២០២២-២០២៥។ អនុវត្តល្អបែបបទប្រជាធិបតេយ្យ ពង្រីកសិទ្ធិធ្វើម្ចាស់របស់ប្រជាជន កសាងបក្ស កសាងរដ្ឋអំណាចស្អាតស្អំរឹងមាំ។ ស្រុកបានចាត់តាំងសម្រេច “ទិវាមហាសាមគ្គីទូទាំងជនជាតិ” នៅតំបន់អាសយជនសម្រេច ១០០%។ នាឱកាសនេះ រណសិរ្សមាតុភូមិឃុំ ទីប្រជុំជនចលនាកសាងផ្ទះមហាសាមគ្គីថ្មីបាន ៣៩ ខ្នង ជាមួយថវិកា ១,៣ ពាន់លានដុង។ ចលនាបណ្ដាផ្នែកគ្រប់លំដាប់ថ្នាក់ បណ្តាអង្គការចាត់តាំងសាសនា សប្បុរសជនចូលរួមឧបត្ថម្ភអំណោយជាង ១២.៥០០ ចំណែកដល់គ្រួសារគោលនយោបាយ កម្មាភិបាលចូលនិវត្តន៍ អំណរជន្មាយុលោកតា លោកយាយមានវ័យចាស់ ។ល។ ជាមួយទឹកប្រាក់ជាង ០២ ពាន់លានដុង។ ម្ចាស់ការចាត់តាំងយកយោបល់វាយតម្លៃការពេញចិត្តរបស់ប្រជាជនអំពីលទ្ធផលកសាងស្រុកជនបទថ្មីសម្រេច ៩៥% តាមសេចក្តីកំណត់។ ចលនាបង្កមូលនិធិដើម្បីអ្នកក្រីក្របានជិត ៣៣០ លានដុង។ តាមរយៈការត្រួតពិនិត្យ វាយតម្លៃការងាររណសិរ្សនៅមូលដ្ឋានចុងឆ្នាំ ២០២២ មាន១២/១៥ ឃុំ ទីប្រជុំជនសម្រេចល្អភារកិច្ច ០៣/១៥ ឃុំ ទីប្រជុំជនសម្រេចឆ្នើមភារកិច្ច។ មាន គណៈការងាររណសិរ្សភូមិ ១៤/៩៧ កន្លែងសម្រេចឆ្នើមភារកិច្ច គណៈការងាររណសិរ្សភូមិ ៨២/៩៧ កន្លែងសម្រេចល្អភារកិច្ច។

            នាឱកាសនេះ ប្រធានគណៈកម្មាធិការរណសិរ្សមាតុភូមិវៀណាមស្រុកបានជូនលិខិតសរសើរសមូហភាព ១៧ កន្លែង និងបុគ្គល ៣៦ រូបដែលមានស្នាដៃឆ្នើមក្នុងការងាររណសិរ្សមាតុភូមិឆ្នាំ ២០២២៕

ឌិញកាញ់-តឹងង៉ុក