គណៈកម្មាធិការរណសិរ្សមាតុភូមិវៀតណាមគ្រប់ថ្នាក់៖ លើកកម្ពស់ប្រសិទ្ធភាពសកម្មភាពសាសនាក្នុងស្ថានភាពថ្មី

សមមិត្ត កឹមង៉ុកថាយ អនុលេខាប្រចាំការបក្សខេត្ត ជួបសំណេះសំណាលជាមួយព្រះសង្ឃនៅវត្តកំពង់។ រូបថត៖ ស៊ើងត្វៀង

     បច្ចុប្បន្ន ទូទាំងខេត្តមាន ០៩ សាសនា ដោយមានសមណស័ក្ដិ អ្នកមុខអ្នកការ បព្វជិតនិងបរិស័ទជាង ៥៩៦.០០០ អង្គនិងរូប ស្មើ ៥៩,១៥% ចំនួនប្រជាជនក្នុងខេត្ត។ ការងារសាសនាតែងបានយកចិត្តទុកដាក់ដឹកនាំចង្អុលការពីសំណាក់គណៈកម្មាធិការបក្ស រដ្ឋអំណាចមូលដ្ឋាន។ សកម្មភាពសាសនាក្នុងខេត្តស្ថេរភាព គោរពតាមច្បាប់រដ្ឋស្ដីពីការជំនឿសាសនា។ សមណស័ក្ដិ អ្នកមុខអ្នកការ បព្វជិតនិងបរិស័ទនៃ បណ្ដាសាសនាធ្វើសកម្មភាពតាមច្បាប់លក្ខន្តិកៈរបស់សមាគមសាសនា ស្ងប់ចិត្តក្នុងការរៀនសូត្រ ប្រតិបត្តិធម៌ វិន័យ ជឿជាក់និងប្រតិបត្តិតាមគោលការណ៍ គោលនយោបាយសាសនារបស់បក្សនិងរដ្ឋ។

     សមមិត្តឡេវ៉ាំងតិន ប្រធានគណៈសាសនាស្ថិតក្រោមឱវាទមន្ទីរមហាផ្ទៃឲ្យដឹងថា៖ ខេត្តត្រាវិញតែងយកចិត្តទុកដាក់បញ្ហាសេរីជំនឿ សាសនារបស់ប្រជាជន បង្កលក្ខ ណៈឲ្យបណ្ដាសាសនាធ្វើសកម្មភាពត្រូវតាមច្បាប់។ នៅក្នុងឱកាសបណ្ដាពិធីបុណ្យ សំខាន់ៗរបស់បណ្ដាសាសនា ថ្នាក់ដឹកនាំខេត្តតែងបង្កើតក្រុមប្រតិភូទៅសួរសុខទុក្ខ ប្រសិទ្ធពរនិងបង្កលក្ខណៈងាយស្រួលឲ្យបណ្ដាសាសនាចាត់តាំងបណ្ដាសកម្មភាព។

     ជាក់ស្ដែងក្នុងឆ្នាំ ២០២៣ គណៈកម្មាធិការរណសិរ្សមាតុភូមិវៀតណាមគ្រប់ថ្នាក់និងបណ្ដាអង្គការជាសមាជិកសហការផ្សព្វផ្សាយ ចលនាប្រជាជនគ្រប់ជាន់ស្រទាប់ បណ្ដាសាសនាលើកកម្ពស់ការយល់ដឹងអំពីគោលការណ៍របស់បក្ស គោលនយោបាយ ច្បាប់របស់រដ្ឋចំពោះសាសនាក្នុងស្ថានភាពថ្មី បំផុតគឺច្បាប់ជំនឿសាសនា ចូលរួមបណ្ដាចលនា ជំរុញមាំការអប់រំប្រពៃណីស្នេហាជាតិ។

     គណៈអចិន្រ្តៃយ៍គណៈកម្មាធិការរណសិរ្សមាតុភូមិវៀតណាមខេត្តចូលរួមជាមួយគណៈប្រតិភូថ្នាក់ដឹកនាំខេត្តទៅប្រសិទ្ធពរគណៈអភិបាលសមាគមពុទ្ធសាសនាវៀតណាមខេត្ត សមាគមព្រះសង្ឃសាមគ្គីស្នេហាជាតិខេត្តនាឱកាសបុណ្យវិសាខបូជា សួរសុខទុក្ខ ប្រគេនទេយ្យវត្ថុដល់បណ្ដាវត្តខ្មែរនាឱកាសបុណ្យចូលឆ្នាំថ្មី បុណ្យសែនដូនតា។ល។ គណៈអចិន្រ្តៃយ៍គណៈកម្មាធិការរណសិរ្សមាតុភូមិវៀតណាមគ្រប់ថ្នាក់ ធ្វើអធិបតី ធ្វើសេនាធិការជូនគណៈកម្មាធិការបក្ស សហការជាមួយបណ្ដាផ្នែកសមត្ថកិច្ចចាត់តាំងជួបសំណេះសំណាលជាមួយសមណស័ក្ដិ អ្នកមុខអ្នកការ បព្វជិតនៃបណ្ដាសាសនាដើម្បីក្ដាប់បំណងប្រាថ្នាស្របច្បាប់របស់សាសនា។

     សមមិត្តង្វៀងហ៊ុងកឿង អនុប្រធានគណៈកម្មាធិការរណសិរ្សមាតុភូមិវៀតណាមស្រុក ទីវកឹងឲ្យដឹងថា៖ ដើម្បីអនុវត្តល្អគោលនយោបាយសាសនា បណ្ដាសាសនាធ្វើការប្រជុំជីវភាពធម្មតាក្នុងក្របខ័ណ្ឌច្បាប់នោះ ក្នុងឆ្នាំ ២០២៣ នាឱកាសបុណ្យទានធំៗនៃបណ្ដាសាសនា គណៈអចិន្រ្តៃយ៍គណៈកម្មាធិការរណសិរ្សមាតុភូមិវៀតណាមស្រុករួមជាមួយបណ្ដាអង្គភាពប្រមុខបណ្ដាសាសនាដទៃបង្កើតគណៈប្រតិភូទៅកាន់បណ្ដាមូលដ្ឋានសាសនាប្រសិទ្ធពរ ជូនទេយ្យវត្ថុដើម្បីបង្កសាមគ្គីភាព ផ្សារភ្ជាប់រវាងបណ្ដាសា សនា។ ឆ្លងតាមរយៈនោះ លើកទឹកចិត្តសមណស័ក្ដិ អ្នកមុខអ្នកការ បព្វជិត បរិស័ទ អនុវត្តល្អគោលលំនាំរស់គោរពល្អសាសនា ថ្លៃថ្លាសង្គម។

     ផ្ដើមពីការលើកកម្ពស់ប្រសិទ្ធភាពសកម្មភាពសាសនាក៏ពង្រីកបានស្មារតីសាមគ្គីជន រួមជាតិបណ្ដាសាសនា។ ភាពវិវឌ្ឍន៍ដែលងាយឃើញបំផុតក្នុងបណ្ដាឆ្នាំកន្លងនោះជនរួមជាតិនៃបណ្ដាសាសនាបានចូលរួមយ៉ាងសកម្មបណ្ដាចលនាប្រឡងប្រណាំងស្នេហាជាតិ រួមបំពេញយ៉ាងច្រើនក្នុងការងារសប្បុរសធម៌សង្គម បន្ថយភាពក្រីក្រស្ថិរភាព គិតជាថវិកាសរុបជាង ៩២ ពាន់លានដុង។ តួយ៉ាងដូចជាវត្តលៀងបូវ (នៅស្រុកចូវ ថាញ់) និងវត្តឡុងហ្វា (នៅស្រុកថ្កូវ) ចិញ្ចឹមកុមារកំសត់ ពិការ កំព្រា អនាថា។ សកម្មភាពបើកបន្ទប់ពិនិត្យជំងឺជូនថ្នាំផ្នោរសប្បុរសធម៌របស់បណ្ដាមូលដ្ឋានសាសនាដើម្បីសម្រាលក្នុងការព្យាបាលជំងឺ។ល។ ជាពិសេស ជារៀងរាល់ឆ្នាំ បណ្ដាមូលដ្ឋានសាសនាតែងចូលរួមសកម្មភាពការពារបរិស្ថាន សង់ផ្ទះសាមគ្គីធម៌ ជូនអំណោយដល់គ្រួសា រក្រីក្រ សិស្សក្រីក្រសង្វាតរៀនសូត្រ។

     ជាមួយការយកចិត្តទុកដាក់របស់គណៈកម្មាធិការបក្ស រដ្ឋអំណាចអំពីការងារសាសនា ជនជាតិសកម្មភាពបណ្ដាសាសនាលើភូមិសាស្រ្តខេត្តតែងមានស្មារតីគោរពតាមច្បាប់ កាន់តែប្រសើរហើយចូលរួមជាមួយគណៈកម្មាធិការបក្ស រដ្ឋអំណាចមូលដ្ឋាននិងប្រជាជនកសាង ពង្រឹងធ្លុងមហាសាមគ្គីទូទាំងជនជាតិ កសាងជនបទថ្មី ទីក្រុងអារ្យធម៌ រួមចំណែកជំរុញការអភិវឌ្ឍន៍សេដ្ឋកិច្ច-សង្គម រក្សាខ្ជាប់សន្តិសុខនយោបាយ សណ្ដាប់ធ្នាប់ សុវត្ថិភាពសង្គមលើភូមិសាស្រ្តខេត្ត៕

ប្រែសម្រួល៖ ថាច់ហ្វាង