គណៈកម្មាធិការប្រជាជនខេត្ត៖ ចេញផ្សាយផែនការអនុវត្តកម្មវិធីជាតិឧបត្ថម្ភអាជីវកម្មលើកកម្ពស់ទិន្នផល និងគុណភាពផលិតផល មុខទំនិញដំណាក់កាល ២០២១ ២០២៥

គោលដៅសំដៅនាំយកទិន្នផលក្លាយជាកម្លាំងពង្រីកសំខាន់ក្នុងបណ្តាផ្នែក វិស័យ​ឆ្លងតាមរយៈការអនុវត្តន៍បណ្តាសមិទ្ធផលថ្មីនៃវិទ្យាសាស្រ្ត-បច្ចេកវិទ្យា អនុវត្តបណ្តាប្រ​ព័ន្ធ​គ្រប់គ្រង ឧបករណ៍កែច្នៃ ទិន្នផលជឿនលឿន គួបផ្សំជាមួយការសិក្សាស្រាវជ្រាវ បណ្តុះបណ្តាល បំពាក់បំប៉នប្រភពធនធានមនុស្ស​ សមស្របជាមួយនិន្នាការបដិវត្តន៍បច្ចេកវិទ្យាលើកទីបួន និង​និន្នាការពង្រីកសេដ្ឋកិច្ចបៃតង សេដ្ឋកិច្ចវិលទៅមកតាមលំដាប់លំដោយ ។ ទន្ទឹមនឹងនោះ ផ្សព្វផ្សាយបណ្តាភារកិច្ច វិទ្យាសាស្រ្ត និងបច្ចេកវិទ្យាគ្រប់ថ្នាក់ ឧបត្ថម្ភអាជីវកម្មក្នុងការស្រាវ​ជ្រាវ ផ្លាស់ថ្មី ផ្ទេរជូន និងអនុវត្តបច្ចេកវិទ្យាសំដៅលើកកម្ពស់ទិន្នផល ប្រសិទ្ធភាពពលកម្ម ក៏ដូចជាបណ្តាកត្តាចម្រុះផ្អែកលើខឿនវិទ្យាសាស្រ្ត-បច្ចេកវិទ្យា  និងផ្លាស់ថ្មីការច្នៃប្រតិដ្ឋ។ ឧបត្ថម្ភអាជីវកម្មលើកកម្ពស់ទិន្នផល  និងគុណភាពផលិតផលមុខទំនិញចម្បងរបស់ខេត្ត​លើមូលដ្ឋានអនុវត្តបណ្តាដំណោះស្រាយអំពីសម្បទា ស្តង់ដារបច្ចេកទេស ប្រព័ន្ធគ្រប់គ្រង​ជឿនលឿន ឧបករណ៍កែច្នៃរួមចំណែកលើកកម្ពស់សមាមាត្ររួមវិភាគទានទៅក្នុងសន្ទុះកំណើន​សេដ្ឋកិច្ចប្រសិទ្ធភាព និងកម្លាំងប្រជែងរបស់សេដ្ឋកិច្ច មូលដ្ឋាន។

តាមផែនការ ជារៀងរាល់ឆ្នាំចាត់តាំងសន្និបាតផ្សព្វផ្សាយ ០១ លើក ផ្សព្វផ្សាយយ៉ាងទូ​លំទូលាយអំពីបណ្តាប្រព័ន្ធគ្រប់គ្រង ឧបករណ៍កែច្នៃទិន្នផលគុណភាព ជាពិសេសគឺបណ្តា​ឧបករណ៍ ឧបត្ថម្ភសម្រាប់ការផលិត សេវាកម្មឈ្លាសវៃទៅក្នុងសកម្មភាពអាជីវកម្ម។ ជម្រុញ​ទឹកចិត្តឱ្យអាជីវកម្ម ០២ កន្លែងចូលរួមរង្វាន់គុណភាពជាតិ។ កសាងស្តង់ដារបច្ចេកទេសមូល​ដ្ឋាន ០១ កន្លែង។ល។ ដំណាក់កាល ២០២១‑២០២៥ បណ្តុះបណ្តាល បំពាក់បំប៉នចំ​ណេះដឹង លទ្ធភាព សម្រាប់កម្មាភិបាល និយោជិត បុគ្គលិកចំនួន ២៥០ នាក់របស់បណ្តា​ស្ថាប័ន អង្គការចាត់តាំង អង្គភាពនៃប្រព័ន្ធរដ្ឋបាលរដ្ឋ។ កម្មាភិបាលដឹកនាំ អ្នកគ្រប់គ្រង និងពលកររបស់អាជីវកម្មចំនួន  ៤០០ លើកនាក់។ គ្រូបង្រៀន និស្សិតសាលាមហាវិទ្យា​ល័យ មូលដ្ឋានអប់រំអាជីពចំនួន ២៥០ នាក់។ បណ្តុះបណ្តាល ទទួលស្គាល់បញ្ជាក់សម្រេចសម្បទាសម្រាប់​អ្នក​ជំនាញការ ១០ នាក់។ ឧបត្ថម្ភកសាង អនុវត្ត និងទទួលស្គាល់ប្រព័ន្ធគ្រប់គ្រងគុណភាព​ជឿនលឿនចំនួន ១៧ កន្លែង។ ឧបករណ៍កែច្នៃទិន្នផល និងគុណភាពចំនួន ១៣ គ្រឿង។ កសាងគម្រោងផែនការ “ឧបត្ថម្ភ ប្រឹក្សាយោបល់ ណែនាំ វាយតម្លៃអនុវត្តកសិកម្មល្អ (G.A.P) VietGAP អនុវត្តកសិកម្មសរីរាង្គ ទិន្នផលបៃតង។ល។”។ កសាងពិសោធ​បណ្តាភារកិច្ច​វិទ្យាសាស្រ្តដូចជា៖ ផ្សព្វផ្សាយបណ្តាដំណោះស្រាយលើក​កម្ពស់ទិន្នផល ទិន្នផលបៃតង ឆ្ពោះទៅដល់គោលដៅសេដ្ឋកិច្ចបៃតង សេដ្ឋកិច្ចរបត់ និងអភិវឌ្ឍស្ថិរភាព។ អនុវត្តបច្ចេកវិទ្យាព័ត៌មាន បច្ចេកវិទ្យាលេខផ្លាស់ប្តូរបង្កបង្កើត ភាវូបនីយកម្មទំនើប ធ្វើឱ្យប្រសើរបំផុតប្រព័ន្ធគ្រប់គ្រងអាជីវកម្ម។ អនុវត្តប្រព័ន្ធស្វែងរកច្រកចេញ​ប្រភពផលិតផលមុខទំនិញ បញ្ជាក់ទទួលស្គាល់ផលិតផលមុខទំនិញ បញ្ជាក់ទទួលស្គាល់​ប្រព័ន្ធគ្រប់គ្រងគុណភាព។ អនុវត្តការផលិតកសិកម្មល្អ បរិស្ថាន សុខភាពអាជីព សមស្រប​ជាមួយសម្បទាជាតិ អន្តរជាតិ ស្រាវជ្រាវ​ ផ្លាស់ថ្មី ផ្ទេរជូន និងអនុវត្តបច្ចេកវិទ្យាដើម្បី​លើកកម្ពស់ទិន្នផលគុណភាព៕         ​​                                                    

ប្រែសម្រួល៖ ថាច់សម្បត្តិ