គណៈកម្មាធិការបក្ស-បញ្ជាការដ្ឋានយោធភូមិភាគលេខ ៩ ជួបសំណេះ សំណាលជាមួយនឹងបណ្តាស្ថាប័នកាសែតដើមនិទាឃរដូវឆ្នាំ ២០២៣

គណៈកម្មាធិការបក្ស-បញ្ជាការដ្ឋានយោធភូមិភាគលេខ ៩ ថតរូបជាមួយនឹងបណ្តាស្ថាប័នកាសែត។

កាលពីថ្ងៃទី ៧ ខែមីនា គណៈកម្មាធិការបក្ស-បញ្ជាការដ្ឋានយោធភូមិភាគលេខ ៩ ចាត់តាំងពីធីជួបសំណេះសំណាលជាមួយនឹងបណ្តាស្ថាប័នកាសែតដើមនិទាឃរដូវគ្វីម៉ាវឆ្នាំ ២០២៣។
ថ្លែងយោបល់ក្នុងពិធីជួបជុំនេះ ឧត្តមសេនីយ៍ ត្រីហូវុាំងថាយ ស្នងការនយោបាយយោធភូមិភាគលេខ ៩ បានកំណត់ត្រា និងថ្លែងអំណរគុណចំពោះកងជួរអ្នកយកសារព័ត៌មាន គណៈរៀបរៀងបណ្តាស្ថាប័នសារព័ត៌មាន កាសែត របស់មជ្ឈិម និងមូលដ្ឋាននៅលើភូមិសាស្ត្រដែលមានការរួមវិភាគទានជាច្រើនក្នុងការងារផ្សព្វផ្សាយ កំណត់ទិសដៅសតិអារម្មណ៍ជាមួយនឹងកងកម្លាំងប្រដាប់អាវុធយោធភូមិភាគរួមចំណែកសាយភាយរូបភាព តម្លៃវប្បធម៌ អត្តចរិត “កងទ័ពអ៊ំហូ” ក្នុងសម័យថ្មី។  ការខិតខំ បញ្ចេញកម្លាំងរបស់កងជួរអ្នកយកសារព័ត៌មាន គណៈរៀបរៀងកាសែតរួមចំណែកបញ្ជូនគោលការណ៍ គោលមាគ៌ា គោលនយោបាយ ក្រឹត្យ ច្បាប់របស់បក្ស រដ្ឋទៅក្នុងជីវភាព និងជំរុញទឹកចិត្តកម្មាភិបាល យុទ្ធជនលំនឹងចិត្តក្តាប់ខ្ជាប់កាំ ភ្លើងព្រំដែន កោះសមុទ្រ ការពាររឹងមាំអធិបតេយ្យ ភាពដែនដីតំបន់ប៉ូលខាងត្បូងរបស់មាតុភូមិ។ ទន្ទឹមនឹងនោះ កំណត់ទិសដៅមតិសង្គម ពង្រឹង ជំនឿរបស់ប្រជាជនជាមួយនឹងកងទ័ព និងកងកម្លាំងប្រដាប់អាវុធយោធភូមិភាគលេខ ៩។ 
ឧត្តមសេនីយ៍ត្រីហូវុាំងថាយបានឱ្យដឹងបន្ថែមថា៖ កន្លងហើយ បណ្តាស្ថាប័នសារព័ត៌មានកាសែតឆ្លុះបញ្ចាំងទាន់ពេលសកម្មភាពជាក់ស្តែង របស់យោធភូមិភាគលេខ ៩ ពិសេសគឺក្នុងការ អនុវត្តន៍ភារកិច្ចហ្វឹកហាត់ ត្រៀមប្រយុទ្ធ ការងារ កសាងបក្ស ការងារនយោបាយ កសាងរៀបរយ លត់ដំក្រឹត្យវិន័យ ការងារភ័ស្តុភារ បច្ចេកទេសចូលរួមសង្គ្រោះ បង្ការប្រឆាំង ជម្នះផលវិបាក ធម្មជាតិការងារស្វែងរកប្រមូលអដ្ឋិធាតុយុទ្ធជន ពលី នៅប្រទេសកម្ពុជា ការពារគ្រឹះស្ថានសតិ អារម្មណ៍របស់បក្ស តស៊ូប្រឆាំងបណ្តាឧបាយកល និងកលល្បិចខុសឆ្គង ឃោសនាមូលបង្កាច់ របស់បណ្តាអានុភាពជាអមិត្ត។ល។ រួមចំណែក ធ្វើលំនឹងមតិសង្គមជំរុញទឹកចិត្តប្រជាជនពង្រីកសេដ្ឋកិច្ច-សង្គម។ ឆ្លងតាមនេះរួមចំណែកទប់ស្កាត់ ទាន់ពេលបណ្តាព័ត៌មានក្លែងបន្លំ បង្កឱ្យចិត្តសាស្ត្រ ជ្រួលច្របល់ក្នុងកងកម្លាំងប្រដាប់អាវុធ និងប្រជាជន។ 
ស្ថិតក្នុងពិធីជួបជុំនេះ បញ្ជាការដ្ឋានយោធភូមិភាគលេខ ៩ បានជូនប័ណ្ណសរសើរដល់ សមូហភាព និងបុគ្គល ១០ កន្លែង-រូបដែលមាន ស្នាដៃឆ្នើមក្នុងការងារផ្សព្វផ្សាយបណ្តាសកម្ម ភាពយោធា ការពារជាតិរបស់កងកម្លាំងប្រដាប់អាវុធយោធភូមិភាគលេខ ៩ ឆ្នាំ ២០២២៕      ដំណឹង-រូបថត៖ រតនា