ខេត្តត្រាវិញសម្រេចភារកិច្ចកសាងជនបទថ្មីឆ្នាំ ២០២៤

          ស្តូប “ប្រជាជនទាំងមូលក្រោកឡើង សាមគ្គីបង្កើតស្នាដៃ” (នៅសង្កាត់ទី ៨ ទីក្រុងត្រាវិញ)។ រូបថត៖បាធី

   *បញ្ជាក់ការអនុវត្តន៍កម្មវិធីគោលដៅជាតិកសាងជនបទថ្មីគឺជាឱកាសដ៏ធំដើម្បីជួយខេត្តត្រាវិញមានកម្លាំងកំហែងមាំមួនដើម្បីផ្លាស់ប្តូរទិដ្ឋភាពជនបទយ៉ាងសកម្ម និងលើកកម្ពស់ជីវភាពជូនប្រជាជន ដូច្នោះគណៈប្រតិបត្តិការ​បក្ខភាគ​ខេត្តត្រាវិញជ្រោងខ្ពស់ស្មារតីប្តេជ្ញាចិត្ត ប្រមូលផ្តុំរាល់ប្រភពធនធាន​ដើម្បីអនុវត្ត។

    គណៈកម្មាធិការបក្សខេត្តត្រាវិញចង្អុលការយ៉ាងជិតដិត សំណូមពរបណ្តា​ថ្នាក់ផ្នែក មូលដ្ឋានក្នុងខេត្តអនុវត្តតាមគោលលំនាំទៅក្នុងការកសាងជនបទ​ថ្មីគឺជា“គំនិតបក្សទឹកចិត្តប្រជាជន”“រដ្ឋនិងប្រជាជនរួមគ្នាធ្វើប្រជាជនត្រួត​ពិនិត្យ ប្រជាជនទទួលផល”ប្តេជ្ញាចិត្តអនុវត្តសម្រេចគោលដៅលើកស្ទួយ​ខេត្តត្រាវិញសម្រេចភារកិច្ចកសាងជនបទថ្មីមុនឆ្នាំ ២០២៥។

    ឆ្លងកាត់អស់រយៈកាល ១៤ ឆ្នាំកន្លង ខេត្តត្រាវិញកេណ្ឌប្រមូលបណ្តាប្រភព​ធន​ធានពីមជ្ឈិម មូលដ្ឋាន ទុនគួបផ្សំពីបណ្តាកម្មវិធី គម្រោងការនៅ​លើភូមិ​សាស្ត្រ ប្រភពឥណទាន អាជីវកម្ម ប្រជាជន។ល។ ជាមួយនឹងចំនួនទឹក​ប្រាក់ជាង ២៧.៤១៤ ពាន់លានដុង ដើម្បីអនុវត្តកម្មវិធីកសាងជនបទថ្មី។ ជាមួយនឹងការប្តេជ្ញាចិត្តរបស់គណៈកម្មាធិការបក្ស រដ្ឋអំណាចមូលដ្ឋានគ្រប់​លំដាប់ថ្នាក់ រួមជាមួយនឹងការខិតខំឈានឡើងរបស់ប្រជាជន គិតមកដល់​ពេលនេះខេត្តត្រាវិញសារវន្តអនុវត្តសម្រេចបាន ៨/៨ ខ្លឹមសារ សម្រេច​ភារកិច្ចកសាងជនបទថ្មីតាមសេចក្តីសម្រេចចិត្តលេខ ៣២១/QĐ-TTg ចុះថ្ងៃទី ០៨/៣/២០២៥ របស់នាយករដ្ឋមន្ត្រីនៃរដ្ឋាភិបាល។  

    ក្នុងទូទាំងខេត្តត្រាវិញមាន ៨៦/៨៥ ឃុំសម្រេចលក្ខឋានជនបទថ្មី មាន ៥១ ឃុំសម្រេចលក្ខឋានជនបទថ្មីលើកកម្ពស់ មាន ៩ ឃុំសម្រេចលក្ខឋានជនបទថ្មីខ្នាតគំរូ មាន ៩/៩ ស្រុក ទីផ្សាររួមខេត្ត ទីក្រុងបាននាយករដ្ឋមន្ត្រីនៃរដ្ឋាភិបាលទទួលស្គាល់សម្រេចលក្ខឋាននិងសម្រេចភារកិច្ចកសាងជនបទថ្មី។កម្មវិធីគោលដៅជាតិកសាងជនបទថ្មីញ៉ាំងឱ្យទិដ្ឋភាពតំបន់ជនបទ ហេដ្ឋារចនាសម្ព័ន្ធមូលដ្ឋាន ហេដ្ឋារចនាសម្ព័ន្ធសេដ្ឋកិច្ច-សង្គមបានសុក្រឹត ជាពិសេសគឺប្រព័ន្ធផ្លូវគមនាគមន៍ជនបទ ផ្លូវគមនាគមន៍វាលស្រែ ប្រព័ន្ធសាលារៀន មូលដ្ឋានសម្ភារវប្បធម៌ និងបណ្តាសំណង់ផលប្រយោជន៍សាធារណៈតែងបានវិនិយោគ សាងសង់ត្រឹមត្រូវ។ បច្ចុប្បន្ន ប្រភពចំណូលគិតជាមធ្យមក្នុងមនុស្សម្នាក់នៅតំបន់ជនបទកើនទ្វេ ៤ ដង ប្រៀបជាមួយនឹងឆ្នាំ ២០១០។ អត្រាគ្រួសារក្រីក្រកាត់បន្ថយចុះយ៉ាងរហ័សនៅតែ ០,៨៧% ឆ្នាំ​២០២៤។ ចន្លោះអភិវឌ្ឍន៍រវាងជនបទ-ទីក្រុងសន្សឹមៗនឹងបានបង្រួញមក គ្រួសារមានកម្រិតជីវភាពមធ្យម គ្រាន់បើ អ្នកមាននៅលើភូមិសាស្ត្រខេត្តតែងបានកើនឡើងតាមឆ្នាំ។ជាពិសេសគឺ ឆ្នាំ​២០២៤ ថ្វីត្បិតស្ថិតក្នុងលក្ខណៈលំបាកក្តី ប៉ុន្តែត្រាវិញអនុវត្តសម្រេចនិងសម្រេចលើស ២៦/២៧ ភាគ កម្រិត រចនាសម្ព័ន្ធសេដ្ឋកិច្ចបង្វែរចំទិស សម្ទុះកំណើន (GRDP) សម្រេច ១០,០៤% ចំណាត់ថ្នាក់ទី ៨ ក្នុងទូទាំងតំបន់វាលទំនាបទន្លេគឺវឡុង តម្លៃ GRDP គិតជាមធ្យមក្នុងមនុស្សម្នាក់ក្នុងមួយឆ្នាំសម្រេចបាន ៩៤,៣៧ លានដុង។

    ឆ្នាំ ២០២៥ ខេត្តត្រាវិញដាក់ចេញគោលដៅមានបន្ថែមយ៉ាងតិចណាស់ត្រូវ​មាន​ស្រុកមួយ និង ៦ ឃុំសម្រេចលក្ខឋានជនបទថ្មីលើកកម្ពស់ មាន ៥ ឃុំសម្រេចលក្ខឋានជនបទថ្មីខ្នាតគំរូ បង្កើប្រភពចំណូលជាមធ្យមក្នុងមនុស្ស​ម្នាក់នៅ​តំបន់ជនបទសម្រេច ៧១,៥ លានដុងក្នុងមួយឆ្នាំ អត្រាគ្រួសារក្រីក្រពហុសណ្ឋានតាមលក្ខឋានជនបទថ្មីនៅក្រោម ០,៥%។ ដំណាក់កាល ២០២៥-២០៣០ ខេត្តមានបន្ថែមយ៉ាងតិចបំផុតមាន ២ ស្រុក សម្រេចលក្ខឋានជនបទថ្មីលើកកម្ពស់ មាន ៧០% ឃុំសម្រេចលក្ខឋានជនបទថ្មីលើកកម្ពស់ ក្នុងនោះមាន ៤០% ឃុំសម្រេចលក្ខឋានជនបទថ្មីខ្នាតគំរូ។ ប្រភពចំណូលគិតជាមធ្យមក្នុងមនុស្សម្នាក់នៅជនបទកើនខ្ពស់ទ្វេ ១,៥ ដង ប្រៀបជាមួយនឹងឆ្នាំ​២០២៥ និងគ្មាននៅគ្រួសារក្រីក្រតាមលក្ខឋានជនបទថ្មីឡើយ៕ កាសែតអនឡាយន៍