ការយកចិត្តទុកដាក់របស់ថ្នាក់ដឹកនាំខេត្តចំពោះសមាគមអ្នកកាសែត និងសារព័ត៌មានខេត្តត្រាវិញ

សមមិត្តង្វៀងត្រុងងៀ លេខាមជ្ឈិមបក្ស ប្រធានគណៈឃោសនាអប់រំមជ្ឈិមបក្ស (កណ្តាល) និងសមមិត្តឡេក្វឹកមិញ សមាជិកគណៈប្រតិបត្តិការមជ្ឈិមបក្ស អនុប្រធានគណៈឃោសនាអប់រំមជ្ឈិមបក្ស ប្រធានសមាគមអ្នកាសែតវៀតណាម ( ទី ២ ខាងស្តាំ) សួរសុខទុក្ខ និងថតរូបអនុស្សាវរីយ៍ជាមួយនឹងអ្នកកាសែតត្រាវិញ បេនត្រែ វិញឡុង ក្នុងសមោសរកាសែតទូទាំងប្រទេស។

    ចាប់ពីពេលបង្កើតឡើងរហូតមកទល់ពេលនេះ សារព័ត៌មានបដិវត្តន៍វៀតណាមតែងទទួលបានការដឹកនាំដាច់អហង្ការ និងទាំងស្រុងរបស់បកក្សកុម្មុយនិស្តវៀតណាម បម្រើបុព្វហេតុតស៊ូរំដោះវណ្ណ រំដោះជន​ជាតិ កសាង និងការពារមាតុប្រទេសវៀតណាមសង្គមនិយម។ លោកប្រធានហូជីមិញ និងអ្នកដឹកនាំបុព្វបុរសរបស់បក្ស សំខាន់គឺជាគំរូដែលលេចឡើងក្នុងការប្រើប្រាស់យ៉ាងលម្អិត និងមានប្រសិទ្ធភាពសារព័ត៌​មានដូចជាឧបករណ៍យ៉ាងសំខាន់ក្នុងការតស៊ូរំដោះវណ្ណ រំដោះជន​ជាតិ។

   នៅខេត្តតា្រវិញ សារព័ត៌មាន(កាសែតត្រាវិញ សា្ថនីយវិទ្យុ-ទូរទស្សន៍ត្រាវិញ។ល។) និងអង្គការចាត់តាំងរបស់បណ្ដាអ្នកធ្វើកាសែត-សមាគមអ្នកកាសែតខេត្តក៏តែងទទួលបានការយកចិត្តទុកដាក់ចង្អុលការរបស់គណៈកម្មាធិការបក្សខេត្ត គណៈកម្មាធិការប្រជាជនខេត្ត និងរបស់បណ្ដាសមមិត្តថ្នាក់ដឹកនាំ ជាពិសេសក្នុងបណ្ដាឆ្នាំដំបូងទើបបង្កើតខេត្ត។

សមមិតិ ឡឹមមិញដាំង អនុលេខាបក្សខេត្ត អញ្ជើញមកសួរសុខទុក្ខអ្នកកាសែត។ ស៊ើងត្វៀង

   ថ្ងៃទី ២៦/១២/១៩៩១ នៅក្នុងសម័យប្រជុំលើកទី ១០ រដ្ឋសភានីតិកាលទី ៨ ប្រទេសសាធារណរដ្ឋសង្គមនិយមវៀតណាម ចេញសេចក្ដីសម្រេចចិត្តស្ដីពីការចែកខេត្តគឺវឡុងទៅជាពីរខេត្ត យកឈ្មោះជាខេត្តវិញឡុង និងខេត្តត្រាវិញ។ ក្រោយពេលមានគោលការណ៍បង្កើតខេត្តឡើងវិញ ថ្ងៃទី ១៦/៣/១៩៩២ គណៈអចិន្ត្រៃយ៍នៃគណៈកម្មាធិការបក្សខេត្តគឺវឡុងចេញផ្សាយសេចក្ដីសម្រេចចិត្តលេខ ៧០៣-QĐ/TU “ស្ដីពីការចង្អុលការតែងតាំងថ្នាក់ដឹកនាំកាសែតត្រាវិញ”។ បន្ទាប់មក នៅថ្ងៃទី ១៩/៣/១៩៩២ គណៈចាត់តាំងនៃគណៈកម្មាធិការបក្សខេត្តគឺវឡុងចេញផ្សាយសេចក្ដី​សម្រេចចិត្តលេខ ២២/QĐ-TU “ស្ដីពីការបែងចែកកងកម្លាំងកម្មាភិបាល បុគ្គលិកសម្រាប់បណ្ដាផ្នែកប្រព័ន្ធបក្ស អង្គការចាត់តាំងមហាជនខេត្តវិញឡុង និងត្រា​វិញ”។ តាមសេចក្ដីសម្រេចចិត្ត កាសែត្រាវិញមានអ្នកយកសារព័ត៌មាន បុគ្គលិកចំនួន ១៥ រូប។ ដល់ថ្ងៃទី ០១/៦/១៩៩២ គណៈកម្មាធិការបក្សខេត្តតា្រវិញចេញផ្សាយសេចក្ដីសម្រេចចិត្តលេខ ៣៥-QĐ/TU “ស្ដីពីការតែងតាំងគណៈរៀបរៀងកាសែតត្រាវិញ” រួមមានបណ្ដាសមមិត្ត៖ ឡេមិញខាញ់ អតីតនាយិការងស្ថានីយ៍វិទ្យុ-ទូរទស្សន៍ត្រាវិញរក្សាតំណែងជាអគ្គនិពន្ធនាយិកាស្ដីទី។ បណ្ដាសមមិត្ត៖ ង៉ូថាញ់ហ្វា ហ្វិញភឿកឡុងរក្សាតំណែងជាអគ្គនិពន្ធនាយករង។ សមមិត្តផាមវ៉ាំងហឿង អគ្គនិពន្ធនាយកកាសែតត្រាវិញបានបញ្ជូនទៅស្ថានីយវិទ្យុ -ទូរទស្សន៍រក្សាតំណែងជានាយកស្ថានីយ។

   ស្ថានីយវិទ្យុ-ទូរទស្សន៍ត្រាវិញបានបង្កើតឡើងតាមសេចក្ដីសម្រេចចិត្តលេខ ៤៤៩/QĐ-UBT ចុះថ្ងៃទី ៣១/១០/១៩៩២ របស់គណៈកម្មាធិការប្រជាជនខេត្តត្រាវិញ។ ទោះជាដូច្នោះក៏ដោយរយៈពេលមុននោះ ចាប់ពីដើមខែឧសភា ឆ្នាំ ១៩៩២ ការចាត់តាំងធ្វើសកម្មភាពរបស់ស្ថានីយវិទ្យុ-ទូរ​ទស្សន៍ត្រាវិញបានបង្កើតឡើង អាស្រ័យសមមិត្ត ២ រូបគឺ ឡេមិញខាញ់ និងហិ្វញខាង ជានាយិកា-នាយករង    (មិនទាន់តែងតាំងនាយក) រួមជាមួយសមមិត្តកម្មាភិបាល អ្នកយកព័ត៌មាន អ្នកបច្ចេកទេស អ្នកផ្សាយសំឡេងចំនួន ១៨ រូប រីឯឧបករណ៍សម្ភារមានភាពសាមញ្ញបង្គួរ។ ពេលវេលាផ្សាយដំបូងបង្អស់នៅថ្ងៃទី ០១ ខែឧសភាឆ្នាំ ១៩៩២។

សមមិត្ត ឡឹមមិញដាំង  (ទី ១ ខាងស្តាំ) អនុលេខាបក្សខេត្ត ទស្សនាកាសែត អំណរបុណ្យតេតគ្វីម៉ាវនៅស្ថាប័នសែតត្រាវិញ។ រូបថត៖ សុជា

   សមាគមអ្នកកាសែតត្រាវិញបានបង្កើតឡើងតាមសេចក្ដីសម្រេចចិត្តលេខ ៥១/QĐ-UBT ចុះថ្ងៃទី ១៣/៥/១៩៩២ របស់គណៈកម្មាធិការប្រជាជនខេត្តត្រាវិញគណៈប្រតិបត្តិបណ្ដោះអាសន្នរួមមានសមមិត្ត ៥ រូប។ អ្នកកាសែត ផាមជីហឿង នាយកស្ថានីយវិទ្យុ-ទូរទស្សន៍ខេត្តជាលេខាធិការ អ្នកកាសែត ឡេមិញខាញ់ អគ្គនិពន្ធនាយិកាកាសែតត្រាវិញ ជាលេខាធិការិនីរង។ ដូច្នេះ តាំងតែពីបណ្ដាថ្ងៃបង្កើតខេត្តដំបូង បណ្ដាស្ថាប័នសារព័ត៌មាន និងសមាគមអ្នកកាសែតខេត្តបានបង្កើតឡើង ធ្វើសកម្មភាពបានឆាប់រហ័ស។

   ក្នុងបណ្ដាថ្ងៃធ្វើសកម្មភាពដំបូងរបស់បណ្ដាស្ថាប័នសារព័ត៌មាន និងសមាគមអ្នកកាសែត ក្នុងលក្ខណៈដ៏លំបាក ខ្វះខាតអំពីទីស្នាក់ការធ្វើការ មូលដ្ឋានសម្ភារ ឧបករណ៍ និងកងជួរថ្នាក់ដឹកនាំ អ្នកយកសារព័ត៌មាន អ្នករៀបរៀង។ល។ ប៉ុន្តែបានការយកចិត្តទុកដាក់ដឹកនាំ ជំរុញទឹកចិត្ត និងបង្កលក្ខណៈរបស់គណៈកម្មាធិការបក្សខេត្ត គណៈកម្មាធិការបប្រជាជនខេត្ត ជាពិសេសគឺការយកចិត្តទុកដាក់ផ្ទាល់របស់បណ្ដាសមមិត្តថ្នាក់ដឹកនាំខេត្តបានជួយឱ្យបណ្ដាស្ថាប័នសារព័ត៌មាន និងសមាគមអ្នកកាសែតឆ្លងកាត់បានបណ្ដាការលំបាក សាកល្បង ខិតខំសម្រេចភារកិច្ចដែលបានប្រគល់ជូន។

   បង្កើតខេត្តជាថ្មីបានរយៈពេលជាង ០១ ខែ សមាគមអ្នកកាសែតខេត្ត ចាត់តាំងការជួបជុំបណ្ដាអ្នកធ្វើកាសែតក្នុងខេត្តនាឱកាសអនុស្សាវរីយ៍ឆ្នាំទី ៦៧ ទិវាសារព័ត៌មានបដិវត្តន៍វៀតណាម(២១/៦/១៩២៥-២១/៦/១៩៩២)។ បើទុកជាមានការមមាញឹកជាមួយបណ្ដាការងាររបស់ខេត្តមួយដែលទើបបង្កើតក៏ដោយ ប៉ុន្តែសមមិត្តប៊ូយក្វាងហ្វី លេខាគណៈកម្មាធិការបក្សខេត្ត បានឆ្លៀតពេលអញ្ជើញទៅចូលរួមជាមួយសមាគមអ្នកកាសែតខេត្ត និងថ្លែងយោបល់ក្នុងពិធីជួបជុំ។ នេះជាកិត្តិយស និងជាការជំរុញស្មារតីមួយចំពោះសមាគមអ្នកកាសែត និងបណ្ដាអ្នកធ្វើកាសែតរបស់ខេត្ត។ តមកទៀត នៅថ្ងៃទី ២៥/៨/១៩៩៣ សមមិត្តលេខាគណៈកម្មាធិការបក្សខេត្ត រួមជាមួយគណៈ ផ្នែកមួយចំនួនអញ្ជើញទៅធ្វើការផ្ទាល់ជាមួយគណៈរៀបរៀង និងកម្មាភិបាល អ្នកយកសារព័ត៌មានកាសែតត្រាវិញ។ នៅក្នុងជំនួបធ្វើការ លេខាគណៈកម្មាធិការបក្សខេត្តចង្អុលការកាសែតត្រាវិញរៀបចំឡើងវិញការងារបោះពុម្ព ចេញផ្សាយ។ ទន្ទឹមនឹងនោះ ផ្ដុំកែប្រែខ្លឹមសារ និងរូបភាពកាសែតទាំងពីរភាសាសកល និងភាសាខ្មែរ ឆ្លើយតបសំណូមពរកាន់តែបានល្អប្រសើរជាងទៀតតាមតម្រូវការរបស់មិត្តអ្នកអាន ខ្លឹមសារប្រកបដោយភាពរស់រវើក ជាក់ស្ដែង ស៊ីជម្រៅទៅក្នុងជីវភាព ត្រូវមានទស្សនៈកំណត់ទិសដៅច្បាស់លាស់ត្រូវតាមស្មារតីសារាចរលេខ ០៧-CT/TU ចុះថ្ងៃទី ២៥/៨/១៩៩៣ របស់គណៈអចិន្ត្រៃយ៍នៃគណៈកម្មាធិការបក្សខេត្ត។

អ្នកកាសែតកំពុងបំពេញការងារ។

   ក្នុងបណ្ដាថ្ងៃដំបូងទើបបង្កើតខេត្ត ប្រភពថវិការបស់ខេត្តនៅជួបលំបាកយ៉ាងច្រើន ប៉ុន្តែថ្នាក់ដឹកនាំគណៈកម្មាធិការបក្សខេត្ត គណៈកម្មាធិការប្រជាជនខេត្តនៅតែយកចិត្តទុកដាក់លៃលកប្រភពថវិកាសម្រាប់ស្ថានីយវិទ្យុ-ទូរទស្សន៍ខេត្តវិនិយោគមូលដ្ឋានសម្ភារ ទិញឧបករណ៍សម្ភារ។

   ចំពោះសមាគមអ្នកកាសែតខេត្ត ក្រោយពេលអស់អាណត្តិកាល ខេត្តបានបង្កលក្ខណៈដើម្បីសមាគមចាត់តាំងមហាសន្និបាត។ នៅក្នុងមហាសន្និបាត សមាគមអ្នកកាសែតខេត្តត្រាវិញលើកទី ៣ អាណត្តិកាល ១៩៩៤-១៩៩៩ បានចាត់តាំងនៅក្នុងខែកញ្ញា ឆ្នាំ ១៩៩៤ សមមិត្ត ត្រឹងក្វាងទៀង សមាជិកអចិន្ត្រៃយ៍នៃគណៈកម្មាធិការបក្សខេត្តអញ្ជើញចូលរួម និងថ្លែងយោបល់ចង្អុលការ។ បន្តមកទៀត បណ្ដា មហាសន្និបាតលើកទី ៤ (អាណត្តិកាល ១៩៩៩-២០០៤) មហាសន្និបាតលើកទី ៥ (អាណត្តិកាល ២០០៥-២០១០) និងបណ្ដាអាណត្តិកាលបន្តបន្ទាប់ទៀត ថ្នាក់ដឹកនាំគណៈកម្មាធិការបក្សខេត្តតែងអញ្ជើញចូលរួម និងថ្លែងយោបល់ចង្អុលការ។

   ក្រៅពីការចូលរួម ចង្អុលការមហាសន្និបាតសមាគមអ្នកកាសែតខេត្តដោយផ្ទាល់ គណៈកម្មាធិការបក្សខេត្តបានចេញផ្សាយបណ្ដាឯកសារបទដ្ឋានចង្អុលការចំពោះកាសែត ស្ថានីយវិទ្យុ-ទូរទស្សន៍ ចំពោះសមាគមអ្នកកាសែត។ អញ្ជើញទៅធ្វើការផ្ទាល់ជាមួយកាសែត ស្ថានីយវិទ្យុ-ទូរទស្សន៍ ឬរៀបចំពេលវេលាស្ដាប់កាសែត ស្ថានីយវិទ្យុ-ទូរទស្សន៍របាយការណ៍ស្ថានភាពធ្វើសកម្មភាព បណ្ដាភាពលំបាក ងាយស្រួល ផ្ដល់យោបល់វិនិច្ឆ័យទាន់ពេល ដោះស្រាយបណ្ដាសំណើ សំណូមពររបស់កាសែត ស្ថានីយវិទ្យុ-ទូរទស្សន៍។ ឆ្លងតាមរយៈនោះ ពង្រីកបណ្ដាស្នាដៃដែលសម្រេចបាន រួមយោបល់កែប្រែ ជម្នះបណ្ដាភាពអន់ខ្សោយ ខ្វះចន្លោះក្នុងសកម្មភាពរបស់សមាគមអ្នកកាសែត របស់បណ្ដាស្ថាប័នសារព័ត៌មាន។ ជារៀងរាល់ឆ្នាំ ក្នុងឱកាសបុណ្យតេត និងឱកាសអនុស្សាវរីយ៍ទិវាអ្នកកាសែតវៀតណាម(២១/៦) គណៈកម្មាធិការបក្សខេត្ត គណៈកម្មាធិការប្រជាជនខេត្តតែងចាត់តាំងពិធីជួបជុំជាមួយអ្នកកាសែត ជាមួយបណ្ដាអ្នក​បំពេញការងារនៅតាមបណ្ដាស្ថាប័នសារព័ត៌មានរបស់ខេត្ត ដើម្បីជំរុញទឹកចិត្ត ស្ងើចសរសើរជូនរង្វាន់ ស្ដាប់ពីបំណង ប្រាថ្នារបស់សមាគម របស់ស្ថាប័នសារព័ត៌មាន និងបណ្ដាអ្នកធ្វើកាសែត អញ្ជើញទៅផ្ទាល់ស្ថាប័នសមាគម ស្ថាប័នកាសែត ស្ថានីយវិទ្យុ-ទូរទស្សន៍ដើម្បីសួរសុខទុក្ខ ប្រសិទ្ធពរ។

   ក្រៅពីការយកចិត្តទុកដាក់ផ្សព្វផ្សាយបណ្ដាឯកសារបទដ្ឋានចង្អុលការ អញ្ជើញទៅធ្វើការ​ផ្ទាល់ដើម្បីដឹកនាំ កំណត់ទិសដៅសម្រាប់សមាគមអ្នកកាសែត សមា្រប់ស្ថាប័នសារព័ត៌មាន ស្ថានីយវិទ្យុ-ទូរទស្សន៍ធ្វើសកម្មភាពត្រូវតាមគោលដៅ និងគោលបំណង។ ថ្នាក់ដឹកនាំខេត្តតែងបង្កលក្ខណៈឱ្យអ្នកយកសារព័ត៌មានកាសែត ស្ថានីយវិទ្យុ-ទូរទស្សន៍ចូលរួមបណ្ដាពិធីប្រជុំរបស់គណៈកម្មាធិការបក្សខេត្ត គណៈកម្មាធិការប្រជាជនខេត្ត និងអមដំណើរជាមួយបណ្ដាសមមិត្តថ្នាក់ដឹកនាំទៅបំពេញសកម្មភាពនៅមូលដ្ឋាន ឬក៏ឆ្លើយបទសម្ភាសរបស់អ្នកយកសារព័ត៌មានកាសែត ស្ថានីយវិទ្យុ-ទូរទស្សន៍។ល។ ជួយឱ្យអ្នកយកសារព័ត៌មានក្ដាប់សកម្មភាពរបស់ថ្នាក់ដឹកនាំនៃគណៈកម្មាធិការបក្សខេត្ត គណៈកម្មាធិការប្រជាជនខេត្ត បណ្ដាមន្ទីរ ផ្នែក ស្រុក ទីផ្សាររួមមខេត្ត បណ្ដាសកម្មភាពផលិត-ធ្វើអាជីវកម្មរបស់ប្រជាជន របស់អាជីវកម្មបានទាន់ពេល ដើម្បីសរសេរដំណឹង អត្ថបទ។ល។ ជាពិសេស បណ្ដាសមមិត្តថ្នាក់ដឹកនាំខេត្តក៏តែងសរសេរអត្ថបទជូនស្ថាប័នកាសែតផងដែរ។ ជាតួយ៉ាងក្នុងគំរូទាំងនោះគឺសមមិត្តប៊ូយក្វាងហ្វី លេខាគណៈកម្មាធិការបក្សខេត្ត សមមិត្តត្រេវវ៉ាំងបែ (បែកឹង) សមាជិកអចិន្ត្រៃយ៍នៃគណៈកម្មាធិការបក្សខេត្ត ប្រធានស្ដីទីគណៈកម្មាធិការប្រជាជនខេត្ត(ដល់ខែកញ្ញាឆ្នាំ ១៩៩២ ជាអនុលេខាគណៈកម្មាធិការបក្សខេត្ត ប្រធានគណៈកម្មាធិការប្រជាជនខេត្ត) សមមិត្ត ត្រឹងក្វាងទៀង (ណឹមចៀង) សមាជិកអចិន្ត្រៃយ៍នៃគណៈកម្មាធិការបក្ស(ដល់ឆ្នាំ ១៩៩៦ ជាអនុលេខាគណៈកម្មាធិការបក្សខេត្ត) សមមិត្ត ង្វៀងថាញ់ផុង ប្រធានគណៈឃោសនាអប់រំនៃគណៈកម្មាធិការបក្សខេត្ត (ដល់ខែសីហា ឆ្នាំ ១៩៩២ ជាប្រធានគណៈ)។ល។

   នៅក្នុងលេខចេញផ្សាយដំបូង(ចេញផ្សាយថ្ងៃទី ១១/៥/១៩៨២) សមមិត្តត្រេវវ៉ាំងបែ មានអត្ថបទ “រំពឹងគិតពីថ្ងៃស្អែកលើទឹកដីត្រាវិញ”។ អត្ថបទបានលើកឡើងពីបណ្ដាសមិទ្ធផលរបស់ខេត្តត្រាវិញសម្រេចបានក្រោយរយៈពេល ១៦ ឆ្នាំតាំងពីពេលខេត្តត្រាវិញ និងវិញឡុងបានរួមបញ្ចូលទៅជាខេត្តគឺវឡុង បណ្ដាការលំបាក សាកល្បងរបស់ខេត្តត្រាវិញ ពេលបានបង្កើតសាឡើងវិញ និងបណ្ដាការកំណត់ទិសដៅដើម្បីត្រាវិញរីកចម្រើននាពេលអនាគត។ ក្រៅពីអត្ថបទសម្រាប់លេខដំបូង សមមិត្តត្រេវវ៉ាំងបែ នៅទាំងមានអត្ថបទជាច្រើនបានចុះផ្សាយលើកាសែតត្រាវិញដូចជា៖ “បណ្ដាកម្មវិធីអាទិភាពលំនឹង និងអភិវឌ្ឍ” (កាសែតនិទាឃរដូវ ១៩៩៣) អត្ថបទ “បញ្ហាអម្បាលម៉ានស្ដីពីកសិកម្ម ជនបទត្រាវិញ” (កាសែតថ្ងៃ ១៩/៧/១៩៩៣) អត្ថបទ “ខិតខំបំបែរខេត្តក្រទៅជាខេត្តមាន” (លេខកាសែតនិទាឃរដូវ ១៩៩៤) អត្ថបទ “ខិតខំជម្នះលំបាក នាំយកខេត្តយើងចូលក្នុងសម័យកាលរីកចម្រើនថ្មីរបស់ប្រទេសជាតិ” (កាសែតថ្ងៃ ២២/១២/១៩៩៤) ។ល។

   ក្នុងបណ្ដាសមមិត្តថ្នាក់ដឹកនាំខេត្ត សមមិត្តប៊ូយក្វាងហ្វី លេខាគណៈកម្មាធិការបក្សខេត្តជាមួយនាមនិពន្ធ ប៊ូយញ៉ឹក ជាអ្នកមានអត្ថបទច្រើនបំផុតសម្រាប់កាសែតដូចជា៖ អត្ថបទ “ពង្រីកប្រវេណីកិញ-ខ្មែរដើម្បីបុព្វ​ហេតុប្រជាជនស្ដុកស្ដម្ភ ប្រទេសជាតិមាំមួន” (កាសែតថ្ងៃទី ១១/៩/១៩៩២) អត្ថបទ “ត្រឡប់មកត្រាវិញ” (កាសែតនិទាឃរដូវ ១៩៩៣) អត្ថបទ “ទៅកំពង់ជ្រៃនឹកសមមិត្តគាងសាង” (កាសែតរដូវកាល ខែមេសា ប្រធានបទសន្តិសុខសណ្ដាប់ធ្នាប់) អត្ថបទ “បដិវត្តន៍ជាបុព្វហេតុរបស់មហាជន” (កាសែតថ្ងៃទី ០៦/៩/១៩៩៣) អត្ថបទ “ត្រាវិញឈានចូលនិទាឃរដូវ ១៩៩៤”(កាសែតនិទាឃរដូវ ១៩៩៤)។ល។ រួចមិនត្រឹមតែក្នុងបណ្ដាឆ្នាំដំបូងទើបបង្កើតឡើយ ព្រមទាំងក្នុងទូទាំងដំណាក់កាលធ្វើសកម្មភាពជាមួយមុខតំណែងលេខាគណៈកម្មាធិការបក្សខេត្ត ឬក៏ពេលផ្ទេរបញ្ជូនទៅបំពេញការងារនៅខេត្តកាម៉ៅ គណៈចង្អុលកាតីណាមបូ ឬក៏ចូលនិវត្តន៍ក៏ដោយ សមមិត្តនៅតែបន្តសរសេរអត្ថបទជាច្រើនជូនកាសែតត្រាវិញរហូតមកទល់សព្វថ្ងៃ។ ជាពិសេសក្នុងអាណត្តិកាលទី ៦ (២០១១-២០១៦)របស់សមាគមអ្នកកាសែតខេត្ត សមមិត្តចូលរួមសមាគមជាមួយឋានៈជាប្រធានកិត្តិយស។

   សមមិត្តត្រឹងក្វាងទៀង (ណឹមចៀង)​ ជាមួយបណ្ដាអត្ថបទ៖ “ផ្លាស់ថ្មី រៀបចំបក្សសំណូមពរចាំបាច់មួយ” (និទាឃរដូវឆ្នាំ ១៩៩៣) អត្ថបទ “គប្បីសក្ដិសមជាអង្គការចាត់តាំងនយោបាយ ជាសាលារៀនសង្គមនិយមរបស់វណ្ណកម្មករ” កាសែតថ្ងៃទី ១៤/៦/១៩៩៣)។

   សមមិត្តង្វៀងថាញ់ផុង(ហាយផុង) ក៏ដូចជាអត្ថបទជាច្រើនលើកាសែត្រាវិញ ដូចជា៖ អត្ថបទ “កំណត់ទិសដៅការងារសតិអារម្មណ៍វប្បធម៌ឆ្នាំ ១៩៩៣” (កាសែតថ្ងៃទី ១០/៥/១៩៩៣) “រំលឹកឡើងវិញប្រវេណីថ្ងៃមុន បង្កើនបន្ទុកថ្ងៃនេះ” (កាសែតថ្ងៃទី ២៥/៨/១៩៩៤) អត្ថបទ “ត្រាវិញជាមួយចង្វាក់រាំឡាំថូន” (កាសែតថ្ងៃទី ១១/៤/១៩៩៤) អត្ថបទ “ត្រាវិញបន្តលើកកម្ពស់ជីវភាពវប្បធម៌ក្នុងជនរួមជាតិខ្មែរ” (កាសែតលេខ ២៩/៩/១៩៩៤)។ល។

   អាស្រ័យការយកចិត្តទុកដាក់ ការជំរុញទឹកចិត្ត ការក្រើនរំលឹកទាន់ពេលរបស់បណ្ដាសមមិត្តថ្នាក់ដឹកនាំគណៈកម្មាធិការបក្សខេត្ត គណៈកម្មាធិការប្រជាជនខេត្តចំពោះសមាគមអ្នកកាសែត ជាពិសេសគឺការចូលរួមសរសេរ​អត្ថបទជាលក្ខណៈកំណត់ទិសដៅ បានជួយឱ្យបណ្ដាស្ថាប័នសារព័ត៌មានរបស់ខេត្តជម្នះបានបណ្ដាការលំបាក សាកល្បងក្នុងបណ្ដាឆ្នាំដំបូងដែលទើបបង្កើតខេត្ត អនុវត្តល្អសមត្ថកិច្ច ភារកិច្ចដែលបានប្រគល់ជូនគឺការផ្សព្វផ្សាយគោលការណ៍ គោលមាគ៌ា គោលនយោបាយ ក្រឹត្យច្បាប់របស់បក្ស និងរដ្ឋ ភារកិច្ចនយោបាយរបស់មូលដ្ឋាន ផ្សព្វផ្សាយកត្តាថ្មី គំរូល្អ ជំរុញឱ្យប្រជាជនអនុវត្តភារកិច្ចនយោបាយ សេដ្ឋកិច្ច វប្បធម៌សង្គមរបស់ខេត្ត បម្រើល្អភារកិច្ចនយោបាយរបស់មូលដ្ឋាន។

    សព្វថ្ងៃនេះ ក្នុងលក្ខណៈសម្ភារស្មារតី ឧបករណ៍ របបគោលនយោបាយល្អជាង សកម្មភាពរបស់សមាគមអ្នកកាសែត របស់បណ្ដាស្ថាប័នសារព័ត៌មានមានភាពងាយស្រួលជាងមុន ក្នុងការអនុវត្តន៍សមត្ថកិច្ច ភារកិច្ចបានប្រគល់ជូន។ ទោះជាដូច្នោះក៏ដោយ សកម្មភាពរបស់សមាគមអ្នកកាសែត របស់ស្ថាប័នសារព័ត៌មានខេត្តយើងក៏ត្រូវប្រឈមមុខជាមួយភាពលំបាក សាកល្បងច្រើន។ សាកល្បងដំបូងបង្អស់គឺបណ្ដាខឿនគ្រឹះបច្ចេកវិទ្យា សារព័ត៌មានប្រវេណីត្រូវប្រជែងយ៉ាងពេញទំហឹងជាមួយបណ្ដាញសង្គម។ សាកល្បងទីពីរគឺដំណឹងក្លែងក្លាយពេញពាស ភារកិច្ចរបស់សារព័ត៌មានមិនត្រឹមតែជាការខិតខំ​ចុះផ្សាយព័ត៌មានពិតឡើយ នៅទាំងត្រូវរកឃើញ និងបកអាក្រាតដំណឹងមិនពិត រួមចំណែកធ្វើឱ្យបរិសុទ្ធបរិស្ថានព័ត៌មាន។ សាកល្បងទីបីគឺការត្រិះរិះពីបច្ចេកវិទ្យា ទាមទារអ្នកធ្វើកាសែតគប្បីមានចំណេះដឹង និងចេះប្រើប្រាស់បច្ចេកវិទ្យាក្នុងការបំពេញសកម្មភាព។ សាកល្បងទីបួនគឺការផ្លាស់ថ្មីច្នៃប្រតិដ្ឋ សារព័ត៌មានត្រូវបង្កចេញបណ្ដាផលិតផលថ្មីដើម្បីទាក់ទាញអ្នកប្រើប្រាស់ រិះគិតចេញបណ្ដារូបភាពស្វាហាប់ គួបផ្សំច្នៃប្រតិដ្ឋរបស់មនុស្សជាមួយបច្ចេកវិទ្យាថ្មី(តាមឡេក្វឹកមិញ អគ្គនិពន្ធនាយកកាសែតញ៉ឹងយ៉ឹង)។ ទន្ទឹមនឹងនោះ ការសាកល្បងដ៏ធំមួយចំនួនចំពោះសារ​ព័ត៌មានបដិវត្តន៍ នោះគឺបណ្ដាសា្ថប័នសារព័ត៌មាន និងបណ្ដាអ្នកធ្វើកាសែតត្រូវម្ចាស់ការ និងសកម្មចូលរួមបណ្ដាការតស៊ូការពារ គ្រឹះស្ថានសតិអារម្មណ៍របស់បក្សនៅចំពោះមុខការប្រឆាំងបំផ្លាញយ៉ាងលម្អិត ប្ដូរផ្ដាច់របស់បណ្ដាអានុភាពអមិត្ត។ នៅចំពោះមុខការសាកល្បងនោះ ទាមទារបណ្ដាស្ថាប័នសារព័ត៌មាន និងបណ្ដាអ្នកធ្វើកាសែតក្នុងដំណាក់កាលបំពេញសកម្មភាពត្រូវអនុវត្តម៉ឺងម៉ាត់ត្រូវតាមសិទ្ធិ និងកាតព្វកិច្ចរបស់អ្នកកាសែតបានកំណត់ត្រង់មាត្រាទី ២៥ ច្បាប់សារព័ត៌មាន(ឆ្នាំ ២០១៦) ក្នុងនោះគប្បីយកចិត្តទុកដាក់៖ ព័ត៌មានពិតអំពីស្ថានភាពប្រទេសជាតិ និងពិភពលោក ស្ថានភាពមូលដ្ឋានសមស្របជាមួយផលប្រយោជន៍របស់ប្រទេសជាតិ របស់បក្ខភាគ និងប្រជាជនខេត្តខ្លួន។ លាតត្រដាងយោបល់ ក្ដីប្រាថ្នាសក្ដិសមរបស់ប្រជាជន។ ការពារទស្សនៈ គោលមាគ៌ា គោលការណ៍របស់បក្ស គោលនយោបាយ ច្បាប់របស់រដ្ឋ។ រកឃើញ ផ្សព្វផ្សាយ និងការពារកត្តាសកម្ម។ តស៊ូបង្ការ ប្រឆាំងបណ្ដាសតិអារម្មណ៍ អំពើខុសបំពាន។ អនុវត្តម៉ឺងម៉ាត់ការកំណត់ ១០ យ៉ាងស្ដីពីសីលធម៌អាជីពសម្រាប់អ្នកធ្វើកាសែតវៀតណាម។ ស្មោះត្រង់ជាមួយបុព្វហេតុកសាង និងការពារមាតុភូមិវៀតណាមសង្គមនិយមក្រោមការដឹកនាំរបស់បក្សកុម្មុយនិស្តវៀតណាម ដើម្បីផលប្រយោជន៍របស់ប្រទេសជាតិ ដើម្បីសុភមង្គលរបស់ប្រជាជន រួមចំណែកលើកកម្ពស់ប្រជាប្រិយភាព កិត្យានុភាពរបស់វៀតណាមលើឆាកអន្តរជាតិ។

   ក្រៅពីការខិតខំរបស់សមាគមអ្នកកាសែត បណ្ដាស្ថាប័នសារព័ត៌មាន កងជួរបណ្ដាអ្នកធ្វើកាសែតក៏សែនត្រូវការដល់ការយកចិត្តទុកដាក់ចង្អុលការរបស់គណៈកម្មាធិការបក្សខេត្ត គណៈកម្មាធិការប្រជាជនខេត្ត គណៈឃោសនាអប់រំនៃគណៈកម្មាធិការបក្សខេត្ត មន្ទីរព័ត៌មាន និងឃោសនាការ ជាពិសេសគឺបណ្ដាសមមិត្តថ្នាក់ដឹកនាំខេត្តផ្ទាល់ដូចបណ្ដាសមមិត្តថ្នាក់ដឹកនាំខេត្តកាលពីមុនបានអនុវត្ត។ ពីព្រោះនោះជាប្រភពកម្លាំងជំរុញស្មារតី ជាថាមពលធំធេងដើម្បីឱ្យសមាគមអ្នកកាសែត បណ្ដាស្ថាប័នសារព័ត៌មាន និងកងជួរបណ្ដាអ្នកធ្វើកាសែតសម្រេចភារកិច្ចដែលបានប្រគល់ជូន៕

ត្រឹងបិញត្រុង-ថាច់សម្បត្តិ