កូវង៉ាង៖ ប្តេជ្ញាចិត្តកសាងសម្រេចស្រុកជនបទថ្មី

     បច្ចុប្បន្ន ស្រុកកូវង៉ាង មានឃុំ (១៣/១៣) បានទទួលស្គាល់សម្រេចលក្ខឋានជនបទថ្មី ១០០%  ហើយមានឃុំចំនួន ០៣សម្រេចលក្ខឋានជនបទថ្មីលើកកម្ពស់គឺឃុំហ៊ីបម៉ីដុង ម៉ីឡុងបាក់ មីឡុងណាម ដំណាក់កាលឆ្នាំ ២០១៦-២០២០។ ឆ្លងតាម​ការពិនិត្យផ្ទៀងផ្ទាត់យោងទៅតាមកន្សោមលក្ខឋានជាតិ ស្តីពីការកសាងជនបទថ្មីលើកកម្ពស់ដំណាក់កាលឆ្នាំ ២០២១-២០២៥ ឃុំមីឡុងបាក់ វាយតម្លៃដោយខ្លួនឯង​  សម្រេច ១៥/១៩ ឃុំលក្ខឋាន ឃុំហ៊ីបម៉ីដុងសម្រេច ១៥/១៩​ លក្ខឋាន ឃុំម៉ីឡុងណាម សម្រេច ១១/១៩ លក្ខឋាន បណ្តាលក្ខឋានដែលមិនទាន់សម្រេចដូចជា ផ្លូវគមនាគមន៍ អប់រំ សុខាភិបាល រៀបចំការផលិតកម្មនិងអភិវឌ្ឍសេដ្ឋកិច្ចជនបទ។ល។​​ ចំពោះឃុំជនបទថ្មីក្រៅពីនោះ​ មានឃុំ ០២ អនុវត្ត​សម្រេច ១៩/១៩ លក្ខឋាននិងមាន​ឃុំចំនួន ០៨ មិនទាន់សម្រេចពី ០១-០២លក្ខឋាន។​ បណ្តាឃុំភាគច្រើនមិនទាន់សម្រេចលក្ខឋានដូចជា៖ គ្រួសារក្រីក្រ សុខាភិបាល រៀបចំការផលិត និងពង្រីកសេដ្ឋកិច្ចជនបទ។ ល។

ច្រកចូលកាន់ស្រុកកូវង៉ាងបានកសាងសមរម្យ។

      ដើម្បីកសាងសម្រេចស្រុកជនបទថ្មីនៅចុងឆ្នាំ ២០២២ សមមិត្ត ត្រឹងធីគឹមជុង សមាជិកាគណៈកម្មាធិការបក្សខេត្ត លេខាគណៈកម្មាធិការបក្សស្រុកកូវង៉ាង បានឲ្យដឹង៖ តាមសេចក្តីចង្អុលការរបស់គណៈកម្មាធិការប្រជាជនខេត្ត ស្រុកកូវង៉ាង កំពុងផ្តុំកម្លាំងចង្អុលការឃុំឲ្យផ្សព្វផ្សាយព្រមៗគ្នាបណ្តាវិធីសាស្រ្ត ដើម្បីអភិវឌ្ឍទាំងស្រុងវិស័យសេដ្ឋកិច្ច សង្គមកិច្ច យកចិត្តទុកដាក់តម្លាភាពរបស់មូលដ្ឋាន ឆ្លៀតយកប្រភពទុនរបស់ខេត្ត មជ្ឈិមកសាងសម្រេចប្រព័ន្ធហេដ្ឋារចនាសម្ព័ន្ធ ពិនិត្យជានិច្ច វាយតម្លៃ និងពិនិត្យវាយតម្លៃ លើកកម្ពស់សកម្មភាពចង្អុលការ បញ្ជាការ។ ដើម្បីអនុវត្តសម្រេចគោលដៅដាក់ចេញចាប់ពីពេលនេះដល់ចុងឆ្នាំ ២០២២ ស្រុកកូវង៉ាងចង្អុលការឲ្យការិយាល័យ គណៈ ផ្នែក ស្ថាប័ន និងមូលដ្ឋានក្នុងស្រុក ម្ចាស់ការ​ប្តេជ្ញាចិត្ត ច្នៃប្រតិដ្ឋ ផ្តុំកម្លាំងទៅលើវិធីសាស្រ្ត៖ បន្តជំរុញសកម្មភាពផ្សព្វផ្សាយ ចលនាដោយបណ្តារូបភាពសម្បូរបែប ជំរុញមាំការផ្លាស់ប្ដូររចនាសម្ព័ន្ធផ្នែកកសិកម្មតាមទិសដៅទាន់សម័យ ដើម្បីលើកកម្ពស់ តម្លៃផលិតផលកសិកម្ម ជំរុញ ការអនុវត្តវិទ្យាសាស្រ្តបច្ចេកវិជ្ជានិងអភិវឌ្ឍឆាប់រហ័ស អនុវត្តបែបបទផលិតកម្ម VietGAP ទំនាក់ទំនងជាមួយគ្នានិងកសិកម្មអនុវត្តមានប្រសិទ្ធភាពកម្មវិធី ឃុំនីមួយៗត្រូវមានផលិតផល(OCOP)​មួយប្រភេទ ប្រមូលប្រភពកម្លាំង ដើម្បីកសាងហេដ្ឋារចនាសម្ព័ន្ធ សង្គមកិច្ចតំបន់ជនបទ ពិសេសគឺប្រព័ន្ធផ្លូវគមនាគមន៍ ធារាសាស្រ្ត អគ្គិសនី ទឹកប្រើប្រាស់និងអនាម័យបរិស្ថានជនបទ អភិវឌ្ឍបណ្តាញសាលារៀន ដំណាក់សុខាភិបាល ប្រព័ន្ធប្រៃសណីយ៍ទូរគមនាគមន៍ ។

      ពិសេស ​ស្រុកប្រមូលផ្តុំអនុវត្តលក្ខឋានចំនួន៥/៩ដែលមិនទាន់កសាងសម្រេចដូចជា លក្ខឋានស្ដីពីផ្លូវគមនាគមន៍ សុខាភិបាល វប្បធម៌ អប់រំ សេដ្ឋកិច្ច​ បរិស្ថាន។ ចំពោះលក្ខឋានស្ដីពីផ្លូវគមនាគមន៍បច្ចុប្បន្ន ស្រុកបានដេញថ្លៃ ដើម្បីជម្រើសអង្គភាពដំណើរការសាងសង់។​ លក្ខឋានអំពីសុខាភិបាល វប្បធម៌ អប់រំ មជ្ឈមណ្ឌលវប្បធម៌ កីឡាសម្រេចបទដ្ឋាន មានសកម្មភាពវប្បធម៌ កីឡាជាច្រើនបានតភ្ជាប់ជាមួយឃុំនានា មជ្ឈមណ្ឌលវប្បធម៌ ព័ត៌មាននិងកីឡាស្រុកដំណើរការសាងសង់បាន៤០%។​​ កន្លែងសកម្មភាពវប្បធម៌កីឡាដំណើរការសាងសង់បាន១០% វិសាលដ្ឋានស្រុកកសាងបាន៣០%។​ លក្ខឋានអំពីសេដ្ឋកិច្ច​មានតំបន់ឧស្សាហកម្ម ឬកន្សោមឧស្សាហកម្មបានវិនិយោគហេដ្ឋានរចនាសម្ព័ន្ធបច្ចេកទេស ឬកន្សោមផ្នែកជនបទ ស្រុកកំពុងបន្តការដាស់តឿនអ្នកវិនិយោគផ្សព្វផ្សាយដំណើរការអនុវត្តវិនិយោគហេដ្ឋាកន្សោមឧស្សាហកម្ម។

     ទន្ទឹមនឹងនោះ​ ស្រុកនៅទាំងប្រមូលផ្តុំផ្សព្វផ្សាយកម្មវិធីទឹកស្អាត និងអនាម័យបរិស្ថានជនបទទៀតផង។ រៀបចំបានល្អការប្រមូលរួចវិនិច្ឆ័យសំរាម ទឹកប្រើប្រាស់​និងចិញ្ចឹមសត្វ គ្រប់គ្រងនិងការពារនិរន្តរភាពធនធានដី ទឹក បង្កើនបណ្តាសកម្មភាពការពារបរិស្ថាន បៃតង ស្អាតល្អ។ មានគោលនយោបាយទាក់ទាញ អំពាវនាវបណ្ដាអាជីវកម្ម វិនិយោគទុនទៅក្នុងវិស័យច្នៃកសិផល ​វិស័យក្រៅកសិកម្ម ដើម្បីបង្កការងារធ្វើជូនពលករជនបទ។​  យកចិត្តទុក​បណ្តុះបណ្តាលបំពាក់បំប៉នជូនកងជួរកម្មាភិបាលដែលបំពេញការងារកសាងជនបទថ្មី តាមលំដាប់ថ្នាក់។ ពិសេស គឺនៅថ្នាក់ឃុំ ភូមិ ដើម្បីលើកកម្ពស់ប្រសិទ្ធភាពសកម្មភាពធ្វើសេនាធិការ ស្នើបណ្តាបែបបទ គោលនយោបាយច្នៃប្រតិដ្ឋ ភាពទម្លុះទម្លាយសមស្របជាមួយនឹងលក្ខណពិសេស​របស់មូលដ្ឋាន៕

អត្ថបទ ‑រូបថត៖ សុខា