កូវកែខិតខំកសាងសម្រេចលក្ខឋានស្រុកជនបទថ្មីកម្រិតខ្ពស់ក្នុងឆ្នាំ ២០២៣

     ក្នុងឆ្នាំ២០២២​ ស្រុកកូវកែផ្តុំកម្លាំងវិនិយោគទុនកសាងហេដ្ឋារចនាសម្ព័ន្ធសម្រាប់បម្រើការពង្រីកសេដ្ឋកិច្ច។  វិស័យវប្បធម៌ សង្គម​ មានភាពវិវឌ្ឍន៍យ៉ាងសកម្ម។ ស្រុកបានយកចិត្តទុកដាក់គិតគូរជីវភាពសម្ភារ ស្មារតីជូនប្រជាជន គិតគូរដល់គ្រួសារគោលនយោបាយ គ្រួសារមានសគុណចំពោះបដិវត្តន៍ អនុវត្តល្អគោលនយោ​បាយ​ធានាសុខុមាលភាពសង្គម។ល។ គិតដល់ចុងឆ្នាំ ២០២២ អត្រាគ្រួសារក្រីក្របានកាត់បន្ថយ​នៅត្រឹមតែ ០,៩៤%។ ទន្ទឹមនឹងនោះចលនាកសាងជនបទថ្មី ជនបទថ្មីកម្រិតខ្ពស់និងជនបទថ្មីខ្នាតគំរូពីមួយថ្ងៃទៅមួយថ្ងៃកាន់តែបានស៊ីជម្រៅនិងទាក់ទាញប្រជាជនចូលរួមជ្រោមជ្រែងយ៉ាងសកម្ម។​ ស្រុកផ្តុំកម្លាំងចង្អុលការឃុំចូវដៀងនិងហ្វាតឹង កសាងលក្ខឋានជនបទថ្មីកម្រិតខ្ពស់។ តាមការប៉ាន់ស្មានដំណាច់ឆ្នាំនេះ មានឃុំ ០២​     កសាងសម្រេចលក្ខឋានជនបទថ្មីកម្រិតខ្ពស់ ០១ ឃុំកសាងសម្រេចលក្ខឋានជនបទថ្មីខ្នាតគំរូ​ សម្រេច ១០០%​ បើប្រៀ​ប​នឹងសេចក្តីសម្រេចចិត្ត កើនចំនួនមកទល់ពេលនេះ ទូទាំងស្រុក មានភូមិ ៦១/៦១ សម្រេចលក្ខឋានជនបទថ្មី ក្នុងនោះមានភូមិចំនួន ២២​ សម្រេចលក្ខឋានជនបទថ្មីខ្នាតគំរូ មានឃុំចំនួន ០៨ សម្រេចជនបទថ្មីកម្រិតខ្ពស់ និងមានឃុំ ០១ សម្រេចលក្ខឋានជនបទថ្មីខ្នាតគំរូ ស្រុកកូវកែបានអនុវត្តសម្រេចលក្ខឋាន ស្រុកជនបទថ្មីនៅឆ្នាំ២០២១និងខិតខំអនុវត្តសម្រេចលក្ខឋានស្រុកជនបទថ្មីកម្រិតខ្ពស់នៅក្នុងឆ្នាំ ២០២៣។

ទិដ្ឋភាពផ្លូវគមនាគមន៍ជនបទនាឱកាសបុណ្យតេត។

     កិច្ចការពារប្រទេសសន្តិសុខបានរក្សាខ្ជាប់ សកម្មភាពរបស់ប្រព័ន្ធគោលនយោបាយពីមួយថ្ងៃទៅមួយថ្ងៃកាន់តែមានប្រសិទ្ធភាព ការងារកសាងរៀបចំបក្សពីមួយថ្ងៃទៅមួយថ្ងៃកាន់តែបានអនុវត្តល្អ។ ប្រជាជន សហគមន៍អាជីវកម្មជឿជាក់ទៅលើគោលមាគ៌ា ការដឹកនាំ បញ្ជាការរបស់បក្សនិងរដ្ឋ និង តែងពង្រឹកស្មារតីសាមគ្គីរួមកម្លាំងជាមួយបក្ខភាគ​រដ្ឋអំណាចកសាងស្រុកកូវកែឲ្យកាន់តែមានភាពសម្បូរ​​​​​​​​​​​​​​​​​​​​​​​​​សប្បាយ។

     ជាមួយនឹងគោលដៅប្តេជ្ញាកសាងស្រុកកូវកែសម្រេចលក្ខឋានស្រុកជនបទថ្មីកម្រិតខ្ពស់ ក្នុងឆ្នាំ២០២៣​ស្រុកនឹងផ្តុំកម្លាំងផ្សព្វផ្សាយបណ្តាកម្មវិធីទម្លុះទម្លាយឆ្ពោះទៅមុខ ជាពិសេស​ គឺអនុវត្តបណ្ដាសំណង់សំខាន់ៗដែលសេចក្តីសម្រេចមហាសន្និបាតបក្សគ្រប់លំដាប់ថ្នាក់អាណត្តិកាលឆ្នាំ២០២២-២០២៥ បានដាក់ចេញ បង្កើនការកែទម្រង់រដ្ឋបាល បង្កលក្ខណៈងាយស្រួលបំផុតជូនប្រជាជននិងសហគមន៍អាជីវកម្មក្នុងការផ្តើមអាជីពវិនិយោគទុនផលិត ធ្វើអាជីវកម្មលើភូមិសាស្រ្តស្រុក ពង្រឹងស្មារតីសាមគ្គីរួមកម្លាំងរបស់ប្រព័ន្ធនយោបាយក្នុងការចូលរួមកសាងស្រុកជនបទថ្មីកម្រិតខ្ពស់៕

ហ៊ឹងក្វៀង- សុខា