ក្រុមប្រឹក្សាប្រជាជនស្រុកថ្កូវអាណត្តិកាលទី ១២ ចាត់តាំងសម័យប្រជុំលើកទី ៤ សម័យប្រជុំឯកទេស

សប្តាហ៍កន្លង ក្រុមប្រឹក្សាប្រជាជនស្រុកថ្កូវ នីតិកាលទី ១២ អាណត្តិកាល ២០២១-២០២៦ ចាត់តាំងសម័យប្រជុំលើកទី ៤ សម័យប្រជុំឯកទេស។ លោកយឿងវ៉ាំងត្រេវ សមាជិកគណៈប្រតិបត្តិការបក្សខេត្ត លេខាបក្សស្រុក ប្រធានក្រុមប្រឹក្សាប្រជាជនស្រុក លោកង៉ូក្វឹកថាញ អនុប្រធានក្រុមប្រឹក្សាប្រជាជនស្រុកធ្វើជាអធិបតី ។

ពិធីបោះឆ្នោតតែងតាំងបេក្ខភាពថ្មី។ រូបថត៖ ខាក់លឿង

សម័យប្រជុំលើកនេះ ប្រធានគណៈកម្មាធិការប្រជាជនស្រុក និងថ្នាក់ដឹកនាំបណ្តាផ្នែកសមត្ថកិច្ចឆ្លងបណ្ដាសេចក្តីជម្រាប សេចក្តីព្រាង និងអនុម័តឆ្លងសេចក្តីសម្រេចចិត្តផ្តល់សច្ចាប័នគម្រោងការកសាងតំបន់ស្រុកថ្កូវដល់ឆ្នាំ ២០៤០ សេចក្តីសម្រេចចិត្តស្ដីពីការផ្តល់សច្ចាប័នវិនិយោគកសាងសំណង់សាធារណៈរយៈពេលមធ្យមពីឆ្នាំ ២០២១-២០២៥ លើភូមិសាស្រ្តស្រុក សេចក្តីសម្រេចចិត្តស្ដីពីការផ្តល់សច្ចាប័នវិធានការវិនិយោគអនុវត្តសម្រេចលក្ខឋានកសាងជនបទថ្មីលើភូមិសាស្រ្តស្រុក សេចក្តីសម្រេចចិត្តស្ដីពីការផ្តល់សច្ចាប័នបំពេញបន្ថែមគម្រោងថវិកា បំពេញបន្ថែមទិសដៅ និងកែតម្រូវគម្រោងថវិកាចំណាយឆ្នាំ ២០២២។ សម័យប្រជុំបានអនុម័តឆ្លងសេចក្តីជម្រាប សេចក្តីព្រាង និងអនុម័តឆ្លងសេចក្តីសម្រេចចិត្ត បពា្ឈប់ពីមុខតំណែងសមាជិកគណៈកម្មាធិការប្រជាជនស្រុកអាណត្តិកាល ២០២១-២០២៦ ចំពោះលោក កាវវ៉ាំងសឹម អតីតប្រធាននគរបាលស្រុកអាស្រ័យបានក្រសួងនគរបាលបញ្ជូនទៅបំពេញការងារនៅកន្លែងផ្សេង។ លោកឡឹមថាយហ្វា ប្រធានការិយាល័យនៃគណៈកម្មាធិការបក្សស្រុក អាស្រ័យបញ្ចប់ការឯកូបនីយកម្មការិយាល័យគណៈកម្មាធិកាបក្សស្រុកនិងការិយាល័យក្រុមប្រឹក្សាប្រជាជន និងគណៈកម្មាធិការប្រជាជនស្រុកចាប់តាំងពីថ្ងៃទី ០១ ខែមករា ឆ្នាំ ២០២២ ម្ល៉ោះហើយគ្មាននៅតំណែងជាប្រធានស្ថាប័នជំនាញស្ថិតក្រោមឱវាទគណៈកម្មាធិការប្រជាជនស្រុក។ ចំពោះ លោក ត្រឹងវ៉ាំងរ៉ឹង អតីតប្រធានការិយាល័យយុត្តិធម៌ អាស្រ័យចូលនិវត្តន៍។

ទន្ទឹមនឹងនោះបំពេញបន្ថែមសមាជិកគណៈកម្មាធិការប្រជាជនស្រុក ០២ រូប អាណត្តិកាល ២០២១-២០២៦ ចំពោះលោក យឿងវ៉ាំងបិញ ប្រធាននគរបាលស្រុក និងលោក លីថាញ់ទ្រុង ទទួលតំណែងជាប្រធានការិយាល័យក្រុមប្រឹក្សាប្រជាជន និងគណៈកម្មាធិការប្រជាជនស្រុក៕    

ខាក់លឿង-តឹងង៉ុក