ក្រុមប្រឹក្សាប្រជាជនខេត្ត៖ ត្រួតពិនិត្យការអនុវត្តន៍គម្រោងការឧបត្ថម្ភលំនៅឋានជូនគ្រួសារអ្នកមានគុណចំពោះបដិវត្តន៍

អនុវត្តតាមសេចក្តីសម្រេចចិត្តលេខ ២៤ គណៈកម្មាធិការប្រជាជនខេត្តផ្តល់សច្ចាប័នឧបត្ថម្ភលំនៅឋានចំនួន ១.៩៤៣ ខ្នង (សាងសង់ថ្មី ៨៤៣ ខ្នង ជួសជុល ១.១០០ ខ្នង) សព្វថ្ងៃកំពុងផ្សព្វផ្សាយសាងសង់បាន ១.៧៧៧/១.៩៤៣ ខ្នង។ គិតមកដល់ពេលនេះ មាន ១.៧២០/១.៩៤៣ គ្រួសារអ្នកមានសគុណចំពោះបដិវត្តន៍បានឧបត្ថម្ភលំនៅឋាន (សាងសង់ថ្មី ៧០៣ ខ្នង ជួសជុល ១.០១៧ ខ្នង) សម្រេចបាន ៨៨,៥២% ជាមួយនឹងថវិកាសរុបរួម ៦៨,៦៥ ពាន់លានដុង។ ក្នុងដំណាក់កាលអនុវត្តការឧបត្ថម្ភកសាងលំនៅឋាន មូលដ្ឋានមួយចំនួនជួបជំពាក់វាក់វិនបញ្ហាមួយចំនួនដូចជា៖ ម្ចាស់គ្រួសារទៅធ្វើការរកទទួលទាននៅទីឆ្ងាយមិនទាន់ទាក់ទងបានគ្រួសារគ្មានដីកសាងលំនៅឋាន គ្រួសារមួយចំនួនគ្មានប្រាក់បដិភាគបានជាមិនបានទទួលការឧបត្ថម្ភ មានគ្រួសារខ្លះសូមបង្កើនកម្រិតឧបត្ថម្ភ និងមានករណីខ្លះទទួលផលប៉ុន្តែត្រូវស្លាប់ សូបបង្វែរឱ្យញាតិក្នុងគ្រួសារទទួលផលវិញ។

លោកង្វៀងវ៉ាំងឃីមមានយោបល់ក្នុងពិធីត្រួតពិនិត្យនៅស្រុកថ្កូវ។ រូបថត៖ ង៉ុកស្វង

តំណាងចូលរួមក្នុងពិធីត្រួតពិនិត្យបានផ្តោះប្តូរយោបល់ដោះស្រាយការទុក្ខលំបាកដើម្បីថែទាំដល់គ្រួសារគោលនយោបាយដែលជួបការលំបាកអំពីលំនៅឋានបានទាន់ពេល។ អនុវត្តគុណធម៌ “ផឹកទឹកនឹកប្រភព” លោក គាងក្វឹង អនុប្រធានក្រុមប្រឹក្សាប្រជាជនខេត្តបានសង្កត់ធ្ងន់ថា៖ ថ្វីត្បិតក្នុងដំណាក់កាលផ្សព្វផ្សាយដោះស្រាយបញ្ហាលំបាកមួយចំនួន ប៉ុន្តែផ្នែកមុខជំនាញ និងមូលដ្ឋានតែងខិតខំដោះស្រាយអនុវត្តល្អគោលនយោបាយថែទាំដល់គ្រួសារគោលនយោបាយ ឆ្លើយតបសំណូមពរ បង្កភាពព្រមព្រៀងក្នុងប្រជាជន។ មន្ទីរស្ថាបនាសហការជាមួយនឹងបណ្តាមូលដ្ឋានខិតខំផ្សព្វផ្សាយអនុវត្តគម្រោងការបានត្រឹមត្រូវតាមសំណូមពរអំពីពេលវេលា ធានាតម្លាភាព  ប្រជាធិបតេយ្យ អនុវត្តការជម្រះទូទាត់ត្រឹមត្រូវតាមសេចក្តីកំណត់។

លទ្ធផលធ្វើការ លោកង្វៀងវ៉ាំងឃីម ប្រធានគណៈកម្មការវប្បធម៌-សង្គម របស់ក្រុមប្រឹក្សាប្រជាជនខេត្តសង្កត់ធ្ងន់ថា៖ ក្នុងដំណាក់កាលអនុវត្តការឧបត្ថម្ភលំនៅឋានជូនគ្រួសារគោលនយោបាយថ្វីត្បិតជួបការលំបាកមួយចំនួនពិតមែន ប៉ុន្តែក៏មានការខិតខំ អនុវត្តមានប្រសិទ្ធភាពគម្រោងការ មានឯកសារចង្អុលការជាច្រើនបានចង្អុលការអនុវត្ត គិតមកដល់ពេលនេះមានអត្រា ៨៨,៥២% គ្រួសារមុខសញ្ញារបស់សេចក្តីសម្រេចចិត្តលេខ ៣៤ ទទួល បានការឧបត្ថម្ភ។ អំឡុងពេលខាងមុខនេះ មន្ទីរស្ថាបនាស្រាវជ្រាវវិធីសាស្ត្រដោះស្រាយថែទាំដល់គ្រួសារគោលនយោបាយឱ្យបានទាន់ពេល (មិនគប្បីដោះស្រាយចំពោះករណីគ្រួសារមិនព្រមទទួលថវិកាជួសជុល សំណូមពរឱ្យគ្រួសារកសាងថ្មី)។ ចំពោះករណីមិនរំសាយបាន មន្ទីរស្ថាបនា និងបណ្តាមូលដ្ឋានគប្បីរបាយការណ៍ជូនគណៈកម្មាធិការប្រជាជនខេត្តពេលដែលបញ្ចប់គម្រោងការ។ បណ្តាមូលដ្ឋានចង្អុលការអនុវត្តសម្រេចផែនការដែលនៅរាំងស្ទះក្នុងសេចក្តីសម្រេចចិត្តលេខ ៣៤ ទន្ទឹមនឹងនោះ អនុវត្តល្អបណ្តាគោលនយោបាយថែទាំដល់អ្នកមានសគុណចាប់ពីពេលនេះដល់ឆ្នាំ ២០២៥៕

  មុននោះក្រុមប្រតិភូការងារត្រួតពិនិត្យរបស់ក្រុមប្រឹក្សាប្រជាជនខេត្តបានធ្វើការត្រួតពិនិត្យខ្លឹមសារដូចបានពោលមកខាងលើនៅនឹងគណៈកម្មាធិការប្រជាជនស្រុកថ្កូវ និងឃុំហាមតឹង គីមស៊ើង ស្រុកថ្កូវ។

ចាប់ពីឆ្នាំ ២០២១ មកដល់ពេលនេះស្រុកថ្កូវផ្សព្វផ្សាយកសាងសម្រេច និងប្រគល់ជូនបាន ២១៣ ខ្នងតាមសេចក្តីសម្រេចចិត្តលេខ ៣៤ សម្រេចជាង ៩១% នៃចំនួនផ្ទះដែលបានផ្តល់សច្ចាប័ន។ ក្នុងនោះ កសាងថ្មី ៦៤ ខ្នង ជួសជុល ១៤៩ ខ្នង ជាមួយនឹងថវិកាសរុបរួមជាង ៦,៩ ពាន់លានដុង កំពុងផ្សព្វផ្សាយ កសាងបន្ថែម ០៤ ខ្នងទៀត។ ថ្នាក់ដឹកនាំគណៈកម្មាធិការប្រជាជនស្រុកថ្កូវបានឱ្យដឹងថា៖ សព្វថ្ងៃនៅ ១៦ ខ្នងមិនទាន់ទទួលថវិកាសម្រាប់កសាងលំនៅឋាន។ ក្នុងនោះមានមុខសញ្ញា ០៥ នាក់ទទួលផលប៉ុន្តែត្រូវស្លាប់ ០៣ គ្រួសារគ្មានដីកសាងលំនៅឋាន មាន ០៣ គ្រួសារសូមបង្វែរពីការជួសជុលទៅជាកសាងថ្មីវិញ មាន ០៣ គ្រួសារមិនព្រមទទួលថវិកា មាន ០១ គ្រួសារមានដីស្រះប៉ុន្តែមិនទាន់បានពង្រាប និង ០១ គ្រួសារគ្មានវត្តមាននៅនឹងមូលដ្ឋាន។

ស្ថិតក្នុងពិធីត្រួតពិនិត្យនេះ ថ្នាក់ដឹកនាំគណៈកម្មាធិការប្រជាជនស្រុកថ្កូវសំណើស្នើដល់គណៈកម្មាធិការប្រជាជនខេត្តពិនិត្យឧបត្ថម្ភថវិកាកសាងលំនៅឋានជូនញាតិរបស់ ០៥ មុខសញ្ញាដែលបានទទួលផលប៉ុន្តែត្រូវស្លាប់វិញ៕                  

ប្រែសម្រួល៖ រតនា