ក្រុមប្រឹក្សាប្រជាជនខេត្តចេញផ្សាយសេចក្តីសម្រេចចិត្ត៖

កាលពីថ្ងៃទី ២៩ មិថុនា ឆ្នាំ ២០២១ លោកគឹមង៉ុកថាយ អនុលេខាប្រចាំការបក្សខេត្ត ប្រធានក្រុមប្រឹក្សាប្រជាជនខេត្តបានចុះហត្ថលេខាចេញផ្សាយសេចក្តីសម្រេចចិត្តលេខ ១៣/NQ-HĐND កំណត់កម្រិតឧបត្ថម្ភប្រចាំខែឱ្យតួនាទីប្រធាន អនុប្រធានក្រុមប្រជាការពារនៅលើភូមិសាស្ត្រខេត្តត្រាវិញដែលបានអនុវត្តចំពោះក្រុមប្រជាការពារដែលបានបង្កើតនៅនឹងបណ្តាតំបន់ប្រជាជនស្នាក់នៅ តំបន់ប្រជាជនរស់នៅចលនា។ល។ ធ្វើសកម្មភាពឧបត្ថម្ភការងារបង្ការ និងពន្លត់អគ្គិភ័យ។ សេចក្តីសម្រេចចិត្តមានសុពលភាពចាប់ពីថ្ងៃទី ០៩ កក្កដាឆ្នាំ ២០២១ ជំនួសឱ្យសម្រេចចិត្តលេខ ២២/២០១៥/NQ-HĐND ថ្ងៃទី ០៩ ធ្នូ ឆ្នាំ ២០១៥ របស់ក្រុមប្រឹក្សាប្រជាជនខេត្តត្រាវិញនីតិកាលទី ៩។

ជាក់ស្តែងនោះគឺ ប្រធានក្រុមប្រជាការពារបានទទួលឧបត្ថម្ភកម្រិតក្នុងមួយខែស្មើនឹងមេគុណ ០,២ នៃកម្រិតប្រាក់ខែទាបបំផុតតំបន់។ អនុប្រធានក្រុមប្រជាការពារបានទទួលឧបត្ថម្ភកម្រិតក្នុងមួយខែស្មើនឹងមេគុណ ០,១៥ នៃកម្រិតប្រាក់ខែទាបបំផុតតំបន់។ ថវិកាអនុវត្តរបបគោលនយោបាយចំពោះប្រធាន អនុប្រធានក្រុមការពារបានអនុវត្តតាមថវិកាជាធរមាន៕

 *កំណត់កម្រិតឧបត្ថម្ភអនុវត្តគោលនយោបាយពង្រីកអប់រំកុមារពន្លក

កាលពីថ្ងៃទី ២៩ មិថុនា ឆ្នាំ ២០២១ លោកគឹមង៉ុកថាយ អនុលេខាប្រចាំការបក្សខេត្ត ប្រធានក្រុមប្រឹក្សាប្រជាជនខេត្តបានចុះហត្ថលេខាចេញផ្សាយសេចក្តីសម្រេចចិត្តលេខ ១០/២០២១/NQ-HĐND “បានកំណត់កម្រិតឧបត្ថម្ភអនុវត្តគោលនយោបាយពង្រីកអប់រំកុមារពន្លកនៅលើភូមិសាស្ត្រខេត្ត”។ សេចក្តីសម្រេចចិត្តមានសុពលភាពចាប់ពីថ្ងៃទី ០៩ កក្កដាឆ្នាំ ២០២១។

មុខសញ្ញាអនុវត្តតាមសេចក្តីសម្រេចចិត្តលេខ ១០ នេះគឺកុមារកំពុងរៀននៅបណ្តាមូលដ្ឋានអប់រំកុមារពន្លកសាលាឯកជនដែលបានស្ថាប័នមានសមត្ថកិច្ចផ្តល់ច្បាប់បង្កើត និងធ្វើសកម្មភាពត្រឹមត្រូវតាមការកំណត់ ដែល មានឪពុកម្តាយឬអ្នកថែទាំ ចិញ្ចឹមកុមារគឺជាពលករ អ្នកពលកម្មកំពុងធ្វើការនៅនឹងបណ្តាតំបន់ឧស្សាហកម្មនឹងបានអាជីវកម្មចុះកិច្ចសន្យាពលកម្មតាមសេចក្តីកំណត់។ កម្រិតឧបត្ថម្ភក្នុងកុមារម្នាក់ក្នុងមួយខែ ១៨០.០០០ ដុង (គិតតាមខែរៀនជាក់ស្តែង ប៉ុន្តែមិនលើសពី ០៩ ខែក្នុងមួយឆ្នាំសិក្សា)។

គ្រូបង្រៀនកុមារពន្លកកំពុងបំពេញការងារនៅនឹងបណ្តាមូលដ្ឋានអប់រំកុមារពន្លករបស់សាលាឯកជនដែលបានស្ថាប័នមានសមត្ថកិច្ចផ្តល់ច្បាប់បង្កើត និងធ្វើសកម្មភាពត្រឹមត្រូវតាមការកំណត់នៅលើភូមិសាស្ត្រដែលមានតំបន់ឧស្សាហកម្មត្រូវធានាបណ្តាលក្ខណៈដូចជា៖ មានកម្រិតវិជ្ជាគ្រប់សម្បទាបណ្តុះបណ្តាល តួនាទីគ្រូបង្រៀនកុមារពន្លកតាមការកំណត់ មានកិច្ចសន្យាត្រឹមត្រូវតាមច្បាប់ ថែទាំកុមារ អប់រំកុមារនៅ កុមារថ្នាក់ពន្លកពី ៣០% ជាកូនរបស់ពលករ អ្នកពលកម្មធ្វើការនៅនឹងតំបន់ឧស្សាហកម្ម។ កម្រិតឧបត្ថម្ភគ្រូបង្រៀនក្នុងម្នាក់ក្នុងមួយខែ ៨០០.០០០ ដុង។ រយៈពេលឧបត្ថម្ភបានគិតតាមចំនួនខែបង្រៀនជាក់ស្តែងក្នុងឆ្នាំ។ កម្រិតឧបត្ថម្ភនេះក្រៅពីប្រាក់ខែព្រមព្រៀងរវាងម្ចាស់មូលដ្ឋានជាមួយនឹងគ្រូបង្រៀន និងមិនបានគិតចូលក្នុងការបង់ទទួលរបបគាំពារសង្គម គាំពារសុខាភិបាល គាំពារដាច់អាជីពឡើយ៕

​ *កំណត់កម្រិតប្រមូលប្រាក់សាលាចំពោះអប់រំកុមារពន្លក និងចំណេះទូទៅសាលារដ្ឋឆ្នាំសិក្សា ២០២១-២០២២

ក៏ក្នុងថ្ងៃនេះដែរ ក្រុមប្រឹក្សាប្រជាជនខេត្ត បាន​ចេញផ្សាយសេចក្តីសម្រេចចិត្តលេខ ១១/២០២១/NQ-HĐND បានកំណត់កម្រិត​ប្រមូលប្រាក់សាលាចំពោះអប់រំកុមារពន្លក និងចំណេះទូទៅសាលារដ្ឋឆ្នាំសិក្សា  ២០២១-២០២២។ សេចក្តីសម្រេចចិត្ត​មានសុពលភាពចាប់ពីថ្ងៃទី ០៩ កក្កដាឆ្នាំ ២០២១។

ជាក់ស្តែងនោះគឺ កម្រិតប្រាក់ការសាលាក្នុងមួយខែ ៣២.០០០ ដុង ចំពោះសិស្សកុមារពន្លក អនុវិទ្យាល័យ វិទ្យាល័យតំបន់ជនបទ (បណ្តាឃុំ) និងក្នុងមួយខែ ៦៤.០០០ ដុងចំពោះកុមារពន្លក អនុវិទ្យាល័យ វិទ្យាល័យតំបន់ទីក្រុង (បណ្តាសង្កាត់ ទីប្រជុំជន)។

ការលើកលែងប្រាក់សាលា ឧបត្ថម្ភប្រាក់ចំណាយការរៀនសូត្រ និងរចនាបទប្រមូលប្រើប្រាស់សាលាចំពោះមូលដ្ឋានអប់រំរបស់ប្រព័ន្ធអប់រំជាតិបន្តនឹងបានអនុវត្តតាមសេចក្តីកំណត់នៅសេចក្តីសម្រេចចិត្តលេខ ៨៥/២០១៥/NĐ-CP ចុះថ្ងៃទី ០២ តុលាឆ្នាំ ២០១៥ បានកំណត់អំពីរចនាបទប្រមូលគ្រប់គ្រងប្រាក់សាលាចំពោះមូលដ្ឋានអប់រំកុមារពន្លករបស់ប្រព័ន្ធអប់រំជាតិ និងគោលនយោបាយលើក លែង បន្ថយប្រាក់សាលា ឧបត្ថម្ភប្រាក់ចំណាយរៀនសូត្រ តាំងពីឆ្នាំសិក្សា ២០១៥-២០១៦ មកដល់ឆ្នាំសិក្សា ២០២០-២០២១៕

រតនា