កម្មាភិបាលរណសិរ្សត្រូវអនុវត្តល្អតាមឥរិយាបថ “គោរពប្រជាជន ស្និទ្ធស្នាលជាមួយប្រជាជន រៀនសូត្រពីប្រជាជន មានស្មារតី ទទួលបន្ទុកចំពោះប្រជាជន”

បណ្តាតំណាងចូលរួមអង្គសន្និបាតនៅខេត្តត្រាវិញ។ ថាញ់ញ៉ា

នៅខេត្តត្រាវិញ មានលោកថាច់យឺ សមាជិកគណៈប្រតិភូនៃប្រធានគណៈកម្មាធិការមជ្ឈិមរណសិរ្សមាតុភូមិវៀតណាម និងបណ្តាតំណាងជាសមាជិកគណៈកម្មាធិការរណសិរ្សមាតុភូមិវៀតណាមខេត្តជាជនជាតិភាគតិច។

នៅក្នុងវគ្គហ្វឹកហាត់នេះ បណ្តាតំណាងបានរៀនសូត្រឯកទេសបទស្តីពីការងារជនជាតិរបស់គណៈកម្មាធិការរណសិរ្សមាតុភូមិវៀតណាមក្នុងដំណាក់កាលថ្មី បណ្តាគោលការណ៍ គោលមាគ៌ា គោលនយោបាយ ច្បាប់របស់បក្ស និងរដ្ឋស្តីពីបញ្ហាជនជាតិ បណ្តាភារកិច្ចក្នុងការចលនាជនជាតិភាគតិច គោលលំនាំ វិធីសាស្រ្តក្នុងការងារជនជាតិរបស់គណៈកម្មាធិការរណសិរ្សមាតុភូមិវៀតណាម។

ដើម្បីអនុវត្តល្អចលនាជនជាតិភាគតិចក្នុងស្ថានភាពបច្ចុប្បន្ននេះ កម្មាភិបាលរណសិរ្សគប្បីអនុវត្តល្អឥរិយាបថ “គោរពប្រជាជន ស្និទ្ធស្នាលជាមួយប្រជាជន រៀនសូត្រពីប្រជាជនមានស្មារតីទទួលបន្ទុកចំពោះប្រជាជន” “អស់ពីចិត្តក្នុងការងារប្រជាជនស្រឡាញ់ មានស្មារតីទទួលបន្ទុកក្នុងការងារប្រជាជនរាប់អានមានក្រឹត្យវិន័យម៉ឹងម៉ាត់ប្រជាជនតែងគោរព រវៀសរវៃក្នុងការងារជាទីពំនឹងរបស់ប្រជាជន”។ គណៈកម្មាធិការរណសិរ្សមាតុភូមិវៀតណាមបង្កើនការត្រួតពិនិត្យ វិវេចនាសង្គមក្នុងការអនុវត្តន៍បណ្តាគោលនយោបាយជនជាតិ អំពាវនាវប្រជាជនសាមគ្គីបណ្តាជនជាតិដើម្បីបំបាត់ទម្លាប់ចាស់គំរឹល សកម្មក្នុងការពង្រឹងនិងពង្រីកបណ្តាតម្លៃប្រវេណី និងអត្តសញ្ញាណវប្បធម៌ដ៏ល្អរបស់ជនជាតិ។ កសាងប្រព័ន្ធនយោបាយនៅមូលដ្ឋានឲ្យរឹងមាំ គ្រប់លទ្ធភាព ប្រិយភាពដឹកនាំ អំពាវនាវមហាជនរួមកម្លាំងសាមគ្គីអនុវត្តទិសដៅពង្រីកសេដ្ឋកិច្ច វប្បធម៌​ សង្គម​ រក្សាខ្ជាប់សន្តិសុខមាតុភូមិ។ ពង្រីកតួនាទីរបស់បណ្តាជនជាតិក្នុងការកសាងគោលជំហរប្រយុទ្ធដើម្បីប្រជាជនទាំងមូលចូលរួមការពារប្រទេស រក្សាខ្ជាប់សន្តិសុខប្រជាជន ការពារព្រំដែនបានរឹងមាំ។ ឯកទេសបទអនុវត្តរបស់រណសិរ្សមាតុភូមិវៀតណាមស្តីពីការអនុវត្តន៍សេចក្តីសម្រេចចិត្តមហាសន្និបាតតំណាងទូទាំងប្រទេសលើក ទី ១៣ របស់បក្ស។

អង្គសន្និបាតបានលើកឡើងនូវភារកិច្ចសំខាន់ៗ និងវិធីសាស្រ្តបង្កើនតួនាទីជាបង្គោលស្នឹងរបស់រណសិរ្សមាតុភូមិវៀតណាមក្នុងការងារផ្សព្វផ្សាយ ចលនាអំពាវនាវប្រជាជនគ្រប់លំដាប់ថ្នាក់ ពង្រឹងនិងបង្កើនក្តីជំនឿរបស់ប្រជាជនចំពោះបក្ស រដ្ឋ និងរបបសង្គមនិយម។ បង្កើនការឯកភាពសង្គមដើម្បីពង្រីកកម្លាំងធ្លុងមហាសាមគ្គីទូទាំងប្រជាជាតិ ជំរុញស្មារតីអ្នកដែលមានឆន្ទៈមោះមុតក្នុងការកសាងមាតុភូមិឲ្យបានរុងរឿងដើម្បីប្រជាជនមានសុភមង្គល។ បន្តការផ្លាស់ថ្មី បង្កើនគុណភាពនិងជំរុញមាំបណ្តាចលនាប្រឡងប្រណាំងស្នេហាជាតិចលនាប្រជាជនប្រឡងប្រណាំងក្នុងការរៀនសូត្រ ច្នៃប្រតិដ្ឋពង្រីកសក្តានុពល និងប្រភពកម្លាំងរបស់ប្រជាជនដើម្បីជាថាមពលជំរុញសេដ្ឋកិច្ចឲ្យរីកចម្រើនយ៉ាងឆាប់រហ័ស និងស្ថិរភាពជូនប្រទេស។

ក្រៅពីនោះ សន្និបាតបានផ្សព្វផ្សាយសេចក្តីសម្រេចចិត្តលេខ ១៧១៩/QĐ/TTg ចុះថ្ងៃទី ១៤ តុលា ឆ្នាំ ២០២១ ស្តីពីផ្តល់សច្ចាប័នកម្មវិធីទិសដៅជាតិស្តីពីពង្រីកសេដ្ឋកិច្ចសង្គមតំបន់ជនជាតិភាគតិច និងតំបន់ភ្នំ៕

ប្រែសម្រួល៖ សុជា