កងទ័ពការពារព្រំដែនខេត្តត្រាវិញចាត់តាំងពិធីជួបជុំអ្នកកាសែតដើមឆ្នាំ

      នាឱកាសអនុស្សាវរីយ៍ឆ្នាំទី ៦៤ ទិវាប្រវេណីកងទ័ពការពារព្រំដែន (០៣ ខែមីនា ឆ្នាំ ១៩៥៩-០៣ ខែមីនា ឆ្នាំ ២០២៣) ឆ្នាំទី ៣៤ ទិវាព្រំដែនទូទាំងប្រជាជន (០៣ ខែមីនា ឆ្នាំ ១៩៥៩-០៣ ខែមីនា ឆ្នាំ ២០២៣) អំណរនិទាឃរដូវគ្វីម៉ាវឆ្នាំ ២០២៣។​ កាលពីថ្ងៃទី ២៧ ខែកុម្ភៈ គណៈកម្មាធិការបក្សនៃគណៈបញ្ជាការដ្ឋានកងទ័ពការពារព្រំដែនខេត្តត្រាវិញចាត់តាំងពិធីជួបជុំអ្នកកាសែតដើមឆ្នាំ ២០២៣។

វរសេនីយ៍ឯកដូហ៊ឺវឡុកជូនបាច់ផ្កាអំណរគុណដល់ថ្នាក់ដឹកនាំគណៈឃោសនាអប់រំបក្សខេត្ត និងបណ្តាស្ថាប័នកាសែត

ផ្នែកខេត្ត។

     គិតតាំងពីឆ្នាំ ២០២១ មកដល់ពេលនេះ គណៈបញ្ជាការដ្ឋានកងទ័ពការពារព្រំដែនខេត្ត និងស្ថានីយវិទ្យុ-ទូរទស្សន៍សហការអនុវត្តមាតិកាឯកទេស “ដើម្បីបុព្វហេតុអធិបតេយ្យភាពសន្តិសុខព្រំដែន”បាន ១៤២ លើក ជាមួយនឹងចំណុះម៉ោង ២.០២០ នាទី ដោយមានរាប់រយដំណឹង អត្ថបទ បទពិពណ៌នា។ ចំពោះកាសែតត្រាវិញ ឆ្លងអស់រយៈកាល ១២ ឆ្នាំ អង្គភាពទាំងពីរបានសហការអនុវត្ត និងចេញផ្សាយឯកទេសទំព័រ “ដើម្បីបុព្វហេតុអធិបតេយ្យភាពសន្តិសុខព្រំដែន” បាន ២៨៣ លើក“ ចេញផ្សាយក្នុងមួយខែពីរលេខ។ ខ្លឹមសារបណ្តាឯកទេសទំព័រ មាតិកាឯកទេសបានផ្សព្វផ្សាយ ឆ្លុះបញ្ចាំងលើគ្រប់វិស័យ ប្រសិទ្ធភាពបណ្តាសកម្មភាពស្តីពីការកសាងអង្គភាព ត្រៀមប្រយុទ្ធ តស៊ូបង្ការប្រឆាំងឧក្រឹដ្ឋជន រត់គយ បន្លំពាណិជ្ជកម្ម ចូលរួមក្នុងការបង្ការទប់ស្កាត់អាសន្នរោគជំងឺកូវីដ-១៩ ចូលរួមកសាង ពង្រឹង ពង្រីកសេដ្ឋកិច្ច-សង្គមបង្កើនការការពារ-សន្តិសុខតំបន់ព្រំដែនរបស់ខេត្ត។ ឆ្លងតាមការផ្សព្វផ្សាយ ពង្រីកបានការយល់ដឹង បន្ទុករបស់កម្មាភិបាល យុទ្ធជន និងប្រជាជនក្នុងការងារការពារអធិបតេយ្យភាព រួមចំណែកកសាងខឿនព្រំដែនទូទាំងប្រជាជនពីមួយថ្ងៃទៅមួយថ្ងៃកាន់តែរឹងមាំ។

     ស្ថិតក្នុងពិធីជួបជុំនេះ ថ្នាក់ដឹកនាំគណៈបញ្ជាការដ្ឋានកងទ័ពការពារព្រំដែនខេត្តត្រាវិញ និងបណ្តាស្ថាប័នកាសែតបានផ្តោះប្តូរយោបល់ពិភាក្សាធ្វើឱ្យច្បាស់បន្ថែមបណ្តាលទ្ធផលលេចធ្លោក្នុងការងារសហការផ្សព្វផ្សាយនាពេលខាងមុខ។

    មានយោបល់ក្នុងពិធីជួបជុំនេះ សមមិត្តលឺកុងតៅ អនុប្រធានគណៈឃោសនាអប់រំបក្សខេត្តវាយតម្លៃខ្ពស់សកម្មភាពជួបជុំកាសែតដើមឆ្នាំរបស់គណៈកម្មាធិការបក្សកងទ័ពការពារព្រំដែនខេត្ត សកម្មភាពបានវាយតម្លៃទាន់ពេល និងបូកសរុបលើកឡើងនូវបណ្តាភាពងាយស្រួលក៏ដូចជាការលំបាកក្នុងការផ្សព្វផ្សាយរវាងបណ្តាស្ថាប័ន អង្គភាព។ ទន្ទឹមនឹងនោះវាយតម្លៃខ្ពស់ពីលទ្ធផលសហការរវាងកងទ័ពការពារព្រំដែន និងបណ្តាស្ថាប័នកាសែត និងបណ្តាលទ្ធផលដែលសម្រេចបាននាពេលកន្លង។ ការចូលរួម សហការហ្មត់ចត់ក៏ដូចជាស្មារតី ភារកិច្ចរវាងបណ្តាស្ថាប័ន អង្គភាពជាមួយនឹងការងារផ្សព្វផ្សាយអំពីសកម្មភាពរបស់កងកម្លាំងកងទ័ពការពារព្រំដែនត្រាវិញក្នុងរយៈពេលកន្លង។

     ដើម្បីទុកឱ្យការងារសហការផ្សព្វផ្សាយសម្រេចបានលទ្ធផលល្អជាងទៀត សមមិត្តអនុប្រធានគណៈឃោសនាអប់រំបក្សខេត្តសំណូមពរកងទ័ពការពារព្រំដែនខេត្តត្រាវិញគប្បីកសាងកងជួរអ្នកយកសារព័ត៌មាន សហការីដើម្បីក្តាប់ខ្ជាប់ និងផ្សព្វផ្សាយទាន់ពេលបណ្តាករណីរឿង កិច្ចការនៅលើភូមិសាស្រ្តព្រំដែនសមុទ្រ។ ស្ថាប័នគណៈឃោសនាអប់រំបក្សខេត្តបន្តចង្អុលការ កំណត់ទិសដៅការងារផ្សព្វផ្សាយជូនបណ្តាស្ថាប័នកាសែតក្នុងខេត្ត និងរួមសហចរជាមួយនឹងបណ្តាស្ថាប័នកាសែតក្នុងខេត្ត មជ្ឈិមប្រចាំការលើភូមិសាស្ត្រដើម្បីរួមគ្នាអនុវត្តល្អការងារផ្សព្វផ្សាយអំពីសកម្មភាពរបស់កងកម្លាំងកងទ័ពការពារព្រំដែនខេត្តពីមួយថ្ងៃកាន់តែមានប្រសិទ្ធភាពជាង។

      ស្ថិតក្នុងពិធីជួបជុំនេះ គណៈបញ្ជាការដ្ឋានកងទ័ពការពារព្រំដែនខេត្តស្ងើចសរសើរដល់សមូហភាព ០៣ កន្លែង និងបុគ្គល ០៥ នាក់ដែលមានស្នាដៃឆ្នើមក្នុងការងារសហការផ្សព្វផ្សាយ៕​

ប្រែសម្រួល៖ រតនា