នៅបណ្តាថ្ងៃជិតដល់ទិវាបោះឆ្នោតតំណាងរដ្ឋសភា នីតិកាលទី ១៥ និងតំណាងក្រុមប្រឹក្សាប្រជាជនគ្រប់លំដាប់ថ្នាក់ អាណតិ្តកាល ២០២១-២០២៦ ម្ចាស់ឆ្នោត ទាំងអស់តែងដាក់ក្ដីជំនឿ មនោសញ្ចេតនា និងសង្ឃឹមទៅលើបណ្តាបេក្ខជនចេញឈរឆ្នោតពេលបានជាប់ឆ្នោត

ម្ចាស់ឆ្នោតថាច់ហឿង ​(ឈរកណ្តាល)។

    ម្ចាស់ឆ្នោត ថាច់ហឿង នៅឃុំតឹងហ្វា ស្រុកទីវកឹង៖ ទិវាបោះឆ្នោត ជាថ្ងៃដែលម្ចាស់ឆ្នោតយើង អនុវត្តសិទ្ធិធ្វើម្ចាស់របស់ខ្លួន។ ហេតុនោះហើយ មុនពេលបោះឆ្នោត យើងត្រូវតែពិនិត្យមើលឲ្យបានម៉ត់ចត់ ដើម្បីជ្រើសអ្នកដែលមានទាំងតម្រិះ វិជ្ជា និងសីលធម៌ ស័ក្តិសមនឹងជំនឿរបស់ប្រជាជន។ ខ្ញុំសង្ឃឹមថា បណ្តាបេក្ខជនដែលជាប់ឆ្នោត នឹងយកចិត្តទុកដាក់ដល់តំបន់ដែលមានជនរួមជាតិខែ្មររស់នៅច្រើនកុះករមានគោលនយោបាយ ឧបត្ថម្ភចំពោះសិស្សជនជាតិខ្មែរដែលជួបការលំបាកក្នុងជីវភាព លើកកម្ពស់ជីវភាពទាំងសម្ភារ និងស្មារតីជូនប្រជាជន ផ្តុំកម្លាំងកសាងហេដ្ឋា រចនាសម្ព័ន្ធ បម្រើការកសាង និងផ្លាស់ប្ដូរវិស័យ ជនបទនៅតំបន់ជ្រៅឆ្ងាយដាច់ស្រយាល។

     ម្ចាស់ឆ្នោត ថាច់ធីផល្លា នៅឃុំតឹងហ៊ុង ស្រុកទីវកឹង៖ ក្នុងការបោះឆ្នោតលើកនេះ ខ្ញុំសង្ឃឹមថា មានថ្នាក់ដឹកនាំជាច្រើនជានារីភេទបានជាប់ឆ្នោត។ សង្ឃឹមថាបណ្តាអ្នកតំណាងឲ្យប្រជាជន នឹងយកចិត្តទុកដាក់បំពាក់បំប៉ន បណ្តុះបណ្តាលពង្រីកតួនាទីរបស់នារី មានរបបឧបត្ថម្ភនារីនៅតំបន់ជ្រៅ តំបន់ជនរួមជាតិខ្មែរឲ្យបានអភិវឌ្ឍន៍លើ គ្រប់វិស័យដូចជា៖ អប់រំ វប្បធម៌ សេដ្ឋកិច្ច។ល។ ទន្ទឹមនឹងនោះ គប្បីយកចិត្តទុកដាក់ដល់បណ្តាគ្រួសារក្រីក្រ គ្រួសារជួបការលំបាកគ្មានការងារ ធ្វើ បណ្តានិស្សិតទើបរៀនចប់មិនទាន់រកបានការ ងារធ្វើនៅមូលដ្ឋាន។
     ម្ចាស់ឆ្នោត ថាច់ហួង នៅសង្កាត់លេខ ៨ ទី ក្រុងត្រាវិញ៖ ឆ្លងតាមការជួបសំណេះសំណាល ជាមួយម្ចាស់ឆ្នោត និងបណ្តាបេក្ខជនចេញឈរឆ្នោតតំណាងរដ្ឋសភានីតិកាលទី ១៥ (អង្គភាព បោះឆ្នោតលេខ ១) ដែលខ្ញុំបានចូលរួមមុននោះ ដំបូងបង្អស់ ខ្ញុំមានបំណងចង់ជួបសំណោះសំណាលផ្ទាល់ និងស្គាល់មុខបេក្ខជន ចង់ស្តាប់នូវ កម្មវិធីធ្វើសកម្មភាពរបស់បេក្ខជនចេញឈរឆ្នោត។ ក្រោយមកផ្សព្វផ្សាយបន្តដល់គ្រួសារ និងមាមីង ក្នុងសង្កាត់។ ខ្ញុំសែនរីករាយ ពេលឃើញក្នុងបញ្ជីរាយនាមជីវប្រវត្តិសង្ខេបរបស់បេក្ខជនចេញឈរឆ្នោត មានបេក្ខជនខ្លះមានវ័យក្មេង ប៉ុន្តែមានកម្រិតវិជ្ជាខ្ពស់ មានបេក្ខនារី បេក្ខជនជាជនរួមជាតិខ្មែរ បានចេញឈរឆ្នោតលើកនេះ។
     ម្ចាស់ឆ្នោតខេត្តត្រាវិញ កំពុងរងចាំអនុវត្តសិទ្ធិ ធ្វើម្ចាស់របស់ខ្លួន ក្នុងថ្ងៃបោះឆ្នោត ២៣ ឧសភា ឆ្នាំ ២០២១ ខាងមុខនេះ។ សង្ឃឹមថាបណ្តាបេក្ខ ជនដែលបានប្រជាជនជ្រើសរើស នឹងយកអស់ សមត្ថភាព បញ្ញា ការដកពិសោធន៍ជាក់ស្តែង ភារកិច្ចតួនាទីរបស់ខ្លួនបម្រើប្រជាជន និងស័ក្ត សមជាអ្នកតំណាងប្រជាជន៕               អត្ថបទ-រូបថត៖ សុខា