រៀនសូត្រនិងធ្វើតាមអ៊ំ៖ នគរបាលស្រុកកូវង៉ាងបម្រើប្រជាជនយ៉ាងដិតដល់

ផ្តល់អត្តសញ្ញាណបណ្ណដល់អ្នកមានវ័យចាស់។ រូបថត​៖ ឌិញកាញ់

                 កូវង៉ាងជាស្រុកមានជនរួមជាតិខ្មែររស់នៅច្រើន ប្រមាណ៣៦%នៃចំនួនប្រជាជនក្នុងទូទាំងស្រុក។ ស្ថានភាពសេដ្ឋកិច្ច នយោបាយ វប្បធម៌ សង្គមលើភូមិសាស្រ្តនាបណ្តាឆ្នាំកន្លង ទោះបីមានភាពវិវឌ្ឍន៍យ៉ាងសកម្មជីវភាពសម្ភារ​ វប្បធម៌ ស្មារតីរបស់ប្រជាជនជាសន្សឹមៗបានលើកកម្ពស់ក៏ដោយ ប៉ុន្តែនៅតែមានភូមិ ឃុំមួយចំនួននៅលំបាកខ្លាំង ជាពិសេសកន្លែងដែលមានជនរួមជាតិខ្មែររស់នៅច្រើន​ លក្ខណៈធ្វើដំណើរទៅមកក៏នៅមានការលំបាកច្រើន។ល។ ឆាប់យល់បានពីបណ្តាការលំបាកខាងលើ សាខាបក្សកងតម្រួតគ្រប់គ្រងរដ្ឋបាលអំពីសណ្តាប់ធ្នាប់សង្គមនគរបាលស្រុកកូវង៉ាងបាន កសាងផែនការអនុវត្តទម្រង់«លើកកម្ពស់ការងារកែប្រែរដ្ឋបាល-បម្រើប្រជាជនយ៉ាងដិតដល់» ជាមួយខ្លឹមសារ «ចាត់តាំងផ្តល់ជូនអត្តសញ្ញាណបណ្ណជូនតាយាយចាស់ជរា ជំងឺតម្កាត់ គ្រួសារគោលនយោបាយ និងបណ្តាតំបន់ជ្រៅ តំបន់ឆ្ងាយ»សំដៅឆ្លើយតបសំណូមពរ បំណងប្រាថ្នារបស់ប្រជាជន។

                 លោកវរសេនីយ៍ទោឡឹមថាញ់ចូវ ប្រធានកងតម្រួតគ្រប់គ្រងរដ្ឋបាលអំពីសណ្តាប់ធ្នាប់សង្គមនគរបាលស្រុកកូវង៉ាងបានឱ្យដឹង៖ កែប្រែរដ្ឋបាលជាភារកិច្ចសំខាន់ ជាភាពទម្លុះទម្លាយដើម្បីលើកកម្ពស់គុណភាព ប្រសិទ្ធភាពការងារ រួមចំណែកកសាងកងកម្លាំងនគរបាលរៀបរយ រវៀសរវៃ ទំនើបជាបណ្តើរៗ។ ជាមួយស្មារតី «ដើម្បីបម្រើប្រជាជន» រយៈពេល ៥ឆ្នាំអនុវត្តទម្រង់« ចាត់តាំងផ្តល់ជូនអត្តសញ្ញា ណបណ្ណដល់យាយតាចាស់ជរា មានជំងឺតម្កាត់  គ្រួសារគោលនយោបាយ និងបណ្តាឃុំតំបន់ជ្រៅ តំបន់ជនរួមជាតិខ្មែរ»សម្រេចបានលទ្ធផលយ៉ាងសកម្ម។ សរុបអត្តសញ្ញាណបណ្ណដែលបានផ្តល់ជូនចំនួន ៤.០៦០ ច្បាប់ មានកម្មាភិបាល យុទ្ធជន ១.២០០ លើកនាក់ចូលរួម។ ក្នុងនោះ ផ្តល់ជូននៅនឹងគ្រួសារដល់យាយតាចាស់ជរា មានជំងឺតម្កាត់ចំនួន ១.២៥៤ ករណី ផ្តល់ជូននៅតាមបណ្តាឃុំតំបន់ជ្រៅ តំបន់ជនរួមជាតិខ្មែរគឺ ១.០៥១ ច្បាប់ ផ្តល់ជូននៅតាមបណ្តាសាលារៀនដល់សិស្សានុសិស្សចំនួន ៧៥៣ ច្បាប់។ ផ្តល់ជូនក្នុងថ្ងៃសៅរ៍រៀងរាល់សប្តាហ៍ចំនួន ១.០០២ ច្បាប់។ ករណីទាំងអស់ដែលបានផ្តល់ជូននៅផ្ទាល់គ្រួសារសម្រាប់យាយតាមានជំងឺតម្កាត់សុទ្ធតែគ្មានគិតគូរប្រាក់បង់ប្រចាំនិងប្រាក់រូប(សំណុំលិខិតនីមួយៗគឺ ២០.០០០ ដុង)។ សរុបប្រាក់ប្រិតសំចៃជូនប្រជាជនចំនួន ៨១,២ លានដុង។ មិនបង្អង់ត្រឹមតែចំពោះប្រសិទ្ធភាពសេដ្ឋកិច្ច សង្គមឡើយ ចំណុចលេចធ្លោសកម្មរបស់ទម្រង់គឺបង្រួញពេលវេលាផ្តល់អត្តសញ្ញាណនៅថ្ងៃធ្វើការពី ៥-៧ ថ្ងៃ(តាមកំណត់គឺ ១៥ ថ្ងៃធ្វើការ)។

                បង្កលក្ខណៈធានាឲ្យពលករគ្រប់រូបសុទ្ធតែមានលិខិតស្នាមទៅមក ស្នាក់នៅ ងាយស្រួលក្នុងបណ្តាទំនាក់ទំនងឯកជនតាមការកំណត់របស់ច្បាប់ បំផុតគឺ យាយតាដែលទទួលបណ្តារបបគោលនយោបាយរបស់រដ្ឋបានទាន់ពេល គ្រប់គ្រាន់ម៉្លោះហើយបានប្រជាជនគាំទ្រ៕               

ឌិញកាញ់-សម្បត្តិ