បុណ្យតេតកងទ័ព-ប្រជាជនឆ្នាំ ២០២១៖ ឧបត្ថម្ភឃុំឡុងហ៊ីបកសាងជនបទថ្មី

ផ្លូវគមនាគមន៍នៅឃុំឡុងហ៊ីប។​ រូបចត៖ រតនា

   ឆ្នាំ ២០២១ គណៈចង្អុលការតេតកងទ័ព-ប្រជាជនខេត្តជ្រើសឃុំឡុងហ៊ីប ស្រុកថ្កូវ ជាមូលដ្ឋានចាត់តាំងបណ្តាសកម្មភាពបុណ្យតេតកងទ័ព-ប្រជាជន រួមចំណែកឲ្យឃុំឡុងហ៊ីបអនុវត្តសម្រេចបណ្តាលក្ខឋានការកសាងជនបទថ្មី។ ផ្សព្វផ្សាយកម្មវិធីតេតកងទ័ព-ប្រជាជន កងកម្លាំងប្រដាប់អាវុធរបស់ខេត្ត​ ស្រុកថ្កូវ អនុវត្តតាមគោលលំនាំ ៣​ រួម៖​ រួមហូបចុក​ រួមរស់នៅជាមួយ រួមធ្វើការ ក្នុងនោះធ្វើម្ចាស់ការគឺកងកម្លាំងយោធាមូលដ្ឋាន រួមជាមួយបណ្តាផ្នែក អង្ការមហាជន ធ្វើស្ពាន ផ្លូវ​ ជួសជុលផ្ទះ ជូនអំណោយដល់គ្រួសារគោលនយោបាយ។ល។ តេតកងទ័ព-ប្រជាជន ឈានមកដល់ ញ៉ាំងឲ្យទិដ្ឋភាពជនបទនៅឃុំឡុងហ៊ីបមានការវិវឌ្ឍន៍ថ្មី។ ប៉ុន្តែលទ្ធផលគួរកត់សំគាល់គឺកងទ័ពនិងប្រជាជនបន្តបង្កើនស្មារតីទទួលបន្ទុកការពាររក្សាភូមិ ស្ថានភាពសណ្ដាប់ធ្នាប់សុវត្ថិភាពសង្គមបានលំនឹង។

   ទោះបីមិនទាន់ដល់តេតតឹងសឺវឆ្នាំ ២០២១ ប៉ុន្តែកម្មវិធីតេតកងទ័ព-ប្រជាជនតែងបានផ្សព្វផ្សាយពីពាក់កណ្តាលឆ្នាំ ២០២០​ និងបានចេញទ័ពកសាងសំណង់ឲ្យបានឆាប់រហ័ស។​ មកដល់បច្ចុប្បន្ន តេតកងទ័ព-ប្រជាជនស្រុកថ្កូវបានបំផុសចលនាបណ្តាអង្គការចាត់តាំង បុគ្គល បណ្តាផ្នែកចូលរួមវិភាគទានកសាងបណ្តាសំណង់​ ការងារបានជាង ១៧ ពាន់លានដុង។ ដោយឡែកឃុំឡុងហ៊ីបមានការងារជាច្រើនបានផ្សព្វផ្សាយ ដូចជា៖ សាងសង់ផ្ទះ ២៤ ខ្នងជូនមុខសញ្ញាគោលនយោបាយ ចាត់តាំងពិនិត្យជំងឺ និងជូនថ្នាំដោយឥតគិតថ្លៃដល់គ្រួសារ ៥០០ គ្រួ​  ជូនអំណោយ ជិត ១.០០០ ចំណែកដល់គ្រួសារគោលនយោបាយ គ្រួសារក្រីក្រ គ្រួសារជិតក្រ ជូនទោចក្រយាន ១០ គ្រឿងដល់សិស្សក្រីក្រសង្វាតរៀនសូត្រ។ តេតកងទ័ព-ប្រជាជន នៅទាំងឧបត្ថម្ភមូលដ្ឋានកសាងបន្ទប់រៀន ០២ បន្ទប់​ ធ្វើផ្លូវថ្មីប្រវែង ៥២០ ម៉ែត្រ កសាងបង្គោលទង់ ២៣៨ បង្គោល កងកម្លាំងស្រុកនៅទាំងឧបត្ថម្ភថ្ងៃពលកម្ម រួមជាមួយកងកម្លាំងរបស់ប្រជាជននៅមូលដ្ឋានអនាម័យបរិស្ថាន​ ដាំដើមឈើ បង្កសោភ័ណភាពជ្រះស្អាត។

   តាមលោកស្រីត្រឹងង៉ុកមិញ ប្រធានគណៈកម្មាធិការប្រជាជនឃុំឡុងហ៊ីប ស្រុកថ្កូវបានឲ្យដឹង៖ តេតកងទ័ព-ប្រជាជនបានចាត់តាំងនៅឃុំឡុងហ៊ីបបង្កក្តីសប្បាយជូនចំពោះរដ្ឋអំណាចមូលដ្ឋាន និងប្រជាជននៅលើភូមិសាស្រ្ដឃុំ។ សកម្មភាពតេតកងទ័ព-ប្រជាជន មិនត្រឹមតែជួយពង្រឹងនិងពង្រីកមនោសញ្ចេតនាយោធា និងប្រជាជនឲ្យផ្សារភ្ជាប់ប៉ុណ្ណោះ ហើយនៅទាំងរួមចំណែកឧបត្ថម្ភមូលដ្ឋានអនុវត្តល្អការងារតបស្នងសងគុណ​ សុខុមាលភាពសង្គម និងកសាងជនបទថ្មី។ ជាមួយការឧបត្ថម្ភរបស់តេតកងទ័ព-ប្រជាជន បានរួមចំណែកជំរុញឲ្យឃុំឡុងហ៊ីបអនុវត្តសម្រេច និងបង្កើនគុណភាពបណ្តាលក្ខឋាន​ដូចជា៖ ប្រភពចំណូល​ លំនៅឋាននៅជនបទ បរិស្ថាន។ល។ បច្ចុប្បន្ន ឃុំឡុងហ៊ីបអនុវត្តសម្រេច ១៩/១៩ លក្ខឋានកសាងជនបទថ្មី។

   វរសេនីយ៍ត្រីង្វៀងវ៉ាំងដេ៖ អ្នកនយោបាយគណៈបញ្ជាការដ្ឋានយោធាស្រុកថ្កូវបានឲ្យដឹង៖ កំណត់តេតកងទ័ព-ប្រជាជន ជាសកម្មភាព “ប៉ិនប្រសប់ការងារប្រជាចលនា” ពោរពេញដោយអត្ថន័យជាក់ស្តែងរបស់ទូទាំងប្រព័ន្ធនយោបាយ។ ទន្ទឹមនឹងនោះជាឱកាសដើម្បីកងកម្លាំងប្រដាប់អាវុធរឹតបន្តឹងចំណងសាមគ្គីកងទ័ព-ប្រជាជន ហេតុនោះបណ្តាសមមិត្តក្នុងគណៈប្រតិបតិ្តការបក្ស​​ គណៈបញ្ជាការដ្ឋានយោធាស្រុក​ដល់កម្មាភិបាល​ យុទ្ធជនបានចូលរួមតេតកងទ័ព-ប្រជាជនអនុវត្តភារកិច្ចដោយស្មារតីស្ម័គ្រចិត្ត និងទទួលបន្ទុកខ្ពស់។

   ឱកាសបុណ្យតេតតឹងសឺវកំពុងឈានមកដល់​ ស្រុកថ្កូវ ឃុំតឹងហ៊ីបកំពុងសកម្មត្រៀមបម្រុងតេតកងទ័ព-ប្រជាជនប្រកបដោយភាពសុខដុម​ និងមានអត្ថន័យ៕

ប្រែសម្រួល៖ សុខា