នគរបាលខេត្តត្រាវិញ៖ បង្កើនបណ្តាវិធានការបង្ការ រាំងស្កាត់យុវជនយុវកុមារបំពានច្បាប់

           សាហាវបំផុតគឺករណីនៃក្រុមយុវតីសិស្ស ០២ ក្រុមវាយគ្នាដើម្បីដោះស្រាយវ័ណ្ឌទំនាស់ ឯកជនកន្លងហើយថ្មីៗនេះ។ ង្វៀងង៉ុកអៀង ត្រឹងនិងង្វៀងធីកឹមទូ ជាមួយយុវតីសិស្សថ្នាក់ ទី ៩ នៃសាលាអនុវិទ្យាល័យមួយនៅលើភូមិសាស្រ្តទីក្រុងត្រាវិញនិងស្រុកចូវថាញ់។ អ្នកទាំងពីរបានស្គាល់គ្នា តាមបណ្តាញសង្គម "និយាយគ្នាទៅវិញទៅមក " បន្តិចក៏កើតវ័ណ្ឌទំនាស់។ ត្រឹងបានណាត់ជួបទូជាច្រើនលើក ដើម្បីដោះស្រាយបញ្ហាវ័ណ្ឌទំនាស់ ប៉ុន្តែទូប្រកែកមិនព្រមមកជួប។ លុះដល់រសៀលថ្ងៃទី ០៣ មិថុនា អ្នកទាំងពីរបានណាត់មកជួបគ្នា នៅស្ពានឡុងបិញលេខ ៣ (ភូមិវិញបាវ ឃុំ ហ្វាធ្វឹង ស្រុកចូវថាញ់) ដើម្បី " និយាយគ្នា " ។ គួរឲ្យចាប់អារម្មណ៍គឺអ្នកទាំងពីរទៅដល់កន្លែង ណាត់ជួបគ្នានោះមានទាំងមិត្តប្រុស-ស្រីមួយក្រុមទៀត។ ក្រុមមិត្តរបស់ត្រឹងនៅទាំងយកបំពង់បាញ់ជាតិហឹរ ដបសាំង  ០២ ដប និងកាំបិត ០២ គ្រឿង។ ក្នុងពេលត្រឹងនិងទូវាយគ្នា មិត្តទាំងនោះឈរស្រែកក្រ្ជៀវ គាំទ្រ រួចមានប្អូនខ្លះនៅទាំងយកទូរស័ព្ទបង្វិលរូបភាពរួចផុសឡើងបណ្តាញសង្គមទៀតផង។ សភាពការណ៍នោះ បានកងកម្លាំងនគរបាលប្រទះឃើញ រួចអញ្ជើញមកធ្វើការ។
     ចំពោះបញ្ហាកើតមានដូចពោលមកខាងលើ វរសេនីយ៍ឯក ផាងថាញ់ក្វឹង នាយករងនគរបាលខេត្ត ប្រធានស្ថាប័នតម្រួតស៊ើបអង្កេតនៃនគរបាលខេត្តបានចង្អុលការបណ្តាអង្គភាព ជំនាញនិងនគរបាលបណ្តាស្រុក ទីផ្សាររួមខេត្ត ក្រុងឲ្យបង្កើនបណ្តាវិធានការបង្ការបង្រ្កាប យុវជនអនុវត្តបណ្ដាអំពើបំពានច្បាប់។ ធ្វើសេនាធិការជូនគណៈកម្មាធិការប្រជាជនខេត្ត បន្តការអនុវត្តគម្រោងការ "បង្កើនការគ្រប់គ្រង អប់រំបង្ការទប់ស្កាត់យុវជន យុវកុមារបំពានច្បាប់នៅមូលដ្ឋាន" ដើម្បីរួមចំណែកអប់រំយុវជនបង្កើនការយល់ដឹងក្នុងការគោរពច្បាប់របស់យុវជន យុវកុមារ។ ទន្ទឹមនឹងនោះ អនុវត្តបែបបទសហការរវាងនគរបាលខេត្តជាមួយនឹងមន្ទីរអប់រំ និងបណ្តុះបណ្តាលស្តីពីការអនុវត្តភារកិច្ចធានាសន្តិសុខមាតុភូមិនិងធានាសន្តិសុខសណ្តាប់ធ្នាប់សង្គម បង្ការបង្រ្កាបជនបំពានច្បាប់ផ្សេងៗក្នុងផ្នែកអប់រំនៅលើភូមិសាស្រ្តខេត្ត។ វរសេនីយ៍ឯក ផាងថាញ់ក្វឹង នាយករងនគរបាលខេត្តធ្វើជាប្រធានគណៈប្រតិភូការងារអញ្ជើញទៅធ្វើការជាមួយថ្នាក់ដឹកនាំមន្ទីរ អប់រំ និងបណ្តុះបណ្តាលស្តីពីបណ្តាខ្លឹមសារអនុវត្តបែបបទសហការ ជាពិសេសគឺផ្តល់បញ្ជី រាយនាមសិស្សមួយចំនួននៅភូមិសាស្រ្តទីក្រុង ត្រាវិញដែលមាននិន្នាការបំពានច្បាប់និងបុគ្គល មួយចំនួនមានទង្វើពិសេសពាក់ព័ន្ធដល់សិស្ស ក្នុងពេលថ្មីៗនេះដើម្បីសហការជំរុញមាំបណ្តា វិធានការបង្ការ រាំងស្កាត់ទង្វើបំពានច្បាប់ពាក់ព័ន្ធដល់សិស្សានុសិស្ស។ 
     នៅឱកាសជួបធ្វើការនោះដែរ  ផ្នែកទាំងពីរ បានឯកភាពខ្លឹមសារសំខាន់ៗជាច្រើន ដើម្បីផ្សព្វផ្សាយអនុវត្តឲ្យមានប្រសិទ្ធភាពជាងទៀត ចំពោះបែបបទសហការក្នុងពេលខាងមុខ។ ជាពិសេស គឺក្តាប់ច្បាស់ស្ថានភាព អាការៈរបស់ សិស្សដែលអាត្មានិយមមួយចំនួន ដើម្បីសហការជាមួយសង្គមគ្រួសារគ្រប់គ្រង អប់រំប្អូនៗឲ្យបានល្អ រួមចំណែកញុាំងឲ្យបរិស្ថានអប់រំប្រ កបដោយសុវត្ថិភាពមានប្រយោជន៍ រួមចំណែកអនុវត្តមានប្រសិទ្ធភាពការងារបង្ការ រាំងស្កាត់ បណ្តាករណីធ្វើបាបកុមារ បង្ការ បង្រ្កាបជនបំ​ពានច្បាប់ពាក់ព័ន្ធដល់អ្នកស្ថិតក្នុងវ័យក្រោម ពី ១៨ ឆ្នាំនៅលើភូមិសាស្រ្តខេត្ត៕             

                                                                                                                                           ប្រែសម្រួល៖ សុជា