ចាប់មុខសញ្ញាគេចអាជ្ញាស្វែងរកចាប់ខ្លួនជាង ១០ ឆ្នាំ

កាលពីថ្ងៃទី ១៦ ខែមីនា ឆ្នាំ ២០១០ ក្រោយពេលផឹកស្រា ង្វៀងវ៉ាំងហ្វេ អនុវត្តអំពើ​រំលោភភេទលើកុមារីម្នាក់នៅឃុំភឿងថាញ់ ស្រុកកាងឡុង។ ឆ្លងតាមរយៈការពិនិត្យអង្កេត ថ្ងៃទី ១៦ ខែមីនា ឆ្នាំ ២០១១ ស្ថាប័នប៉ូលិសស៊ើបអង្កេតនៃនគរបាលស្រុកចេញសេចក្តីប្រកាស​ថ្កោល​ទោសក្តីព្រហ្មទណ្ឌ ថ្កោលទោសជាប់ចោទចំពោះង្វៀងវ៉ាំងហ្វេ។​ ទោះជាដូច្នោះក៏​ដោយ ក្រោយមកមុខសញ្ញាង្វៀងវ៉ាំងហ្វេបានគេចខ្លួនចេញពីមូលដ្ឋាន ស្ថាប័ននគរបាលបានចេញ​សេចក្តីសម្រេចអាជ្ញាស្វែងរកចាប់ខ្លួនចំពោះង្វៀងវ៉ាំងហ្វេ។

ដោយបណ្តាវិធានការវិជ្ជាជីវៈ នគរបាលស្រុកកាងឡុងរកឃើញមុខសញ្ញាង្វៀង​វ៉ាំងហ្វេកំពុងសម្ងំខ្លួននៅភូមិប៊ូទុម ឃុំហ៊ឹងភឿក ស្រុកប៊ូដូប ខេត្តបិញភឿក ម៉្លោះហើយស​ហការជាមួយនគរបាលមូលដ្ឋានតាមចាប់ខ្លួនមុខសញ្ញានៅថ្ងៃទី ៩ ខែកញ្ញា ឆ្នាំ ២០២១ រួចនាំខ្លួនមកកាន់នគរបាលស្រុកកាងឡុងក្នុងយប់តែម្តង។

ជំហានដំបូង ង្វៀងវ៉ាំងហ្វេ ឆ្លើយទទួលស្គាល់ថា ក្នុងពេលគេចខ្លួនរស់នៅដោយរបរស៊ីឈ្នួល ដើម្បីកុំឱ្យស្ថាប័នមានសមត្ថកិច្ចរកឃើញ។ ហ្វេលាក់ឈ្មោះ ដោយយកឈ្មោះក្លែងក្លាយថាម៉ឺយ។ ស្ថាប័នប៉ូលិសស៊ើបអង្កេតនគរបាលស្រុកកាងឡុងកំពុងសម្រេចសំណុំលិខិតចេញសេចក្តីសម្រេចឃុំខ្លួនបណ្តោះអាសន្នមុខសញ្ញាតាមការកំណត់៕

*វិនិច្ឆ័យការជួញដូរបារីនាំចូលពីបរទេស ១ ករណី

នគរបាលស្រុកចូវថាញ់ បានប្រកាសសេចក្តីសម្រេចចិត្តពិន័យបំពានរដ្ឋបាលចំពោះ​ឡេវ៉ាំងភឿក (អាយុ ៤៩ ឆ្នាំ នៅភូមិភូឡឹង ឃុំសុងឡុក ស្រុកចូវថាញ់) ស្តីពីអំពើជួញដូរបារី​នាំចូលពីបរទេស។

រាត្រីថ្ងៃទី ៤ ខែកញ្ញា និងព្រឹកថ្ងៃទី ៥ ខែកញ្ញា ឆ្នាំ ២០២១ នគរបាលស្រុកចូវថាញ់​សហការជាមួយនគរបាលឃុំលឿងហ្វា(អា) ចាត់តាំងការយាមល្បាតរក្សាសន្តិសុខសណ្តាប់​ធ្នាប់ និងបណ្តាអំពើបំពានការកំណត់អំពីការងារបង្ការ ទប់ស្កាត់អាសន្នរោគកូវីដ‑១៩ លើភូមិសាស្រ្តឃុំ។ ពេលទៅដល់ម្តុំភូមិអូរល្បាប់ ឃុំលឿងហ្វា(អា)នោះ ពិនិត្យឃើញ​ភឿកបើកម៉ូតូឌុបធុងស្នោមួយពីក្រោយមានសញ្ញាគួរឱ្យសង្ស័យ ម៉្លោះហើយក្រុម​ការងារចាប់ផ្តើមត្រួតពិនិត្យ រួចឃើញខាងក្នុងមានបារីនាំចូលពីបរទេសសញ្ញា Jet ចំនួន ២៥០ ដើម។ នៅស្ថាប័ននគរបាល ភឿកបានឆ្លើយទទួលស្គាល់ថា​ បានទិញចំនួនបារីនេះ​តាមរយៈការស្គាល់មនុស្សម្នាក់លើបណ្តាញសង្គមដើម្បីលក់មកវិញរកប្រាក់ចំណេញ ស្រាប់តែពេលព្រឹក​ថ្ងៃទី ៥ ខែកញ្ញា ក្រោយពេលទទួលទំនិញនៅទីប្រជុំជនចូវថាញ់ ស្រុកចូវថាញ់មកក៏ត្រូវចាប់ឃុំខ្លួន។

យោងតាមចំណុច b ខ្ទង់ទី ៣ មាត្រាទី ៨ អនុក្រឹត្យលេខ ៩៨ របស់រដ្ឋាភិបាលកំណត់​ពិន័យបំពានរដ្ឋបាលក្នុងសកម្មភាពពាណិជ្ជកម្មផលិត ជួញដូរទំនិញក្លែងក្លាយ ទំនិញបម្រាម និងការពារសិទ្ធប្រយោជន៍អ្នកប្រើប្រាស់ ស្ថាប័នមានសមត្ថកិច្ចបានពិន័យ​ប្រាក់ ៧,៥ លានដុងចំពោះឡេវ៉ាំងភឿក៕

*ធ្វើឱ្យជាក់ច្បាស់ករណីប្លន់មានប្រើប្រាស់ឧបករណ៍ប្រហារ

ស្ថាប័នប៉ូលិសស៊ើបអង្កេតនៃនគរបាលស្រុកចូវថាញ់ ធ្វើការស៊ើបអង្កេតមុខសញ្ញា ៣ នាក់ប្រព្រឹត្តអំពើប្លន់ទ្រព្យសម្បត្តិនៅភូមិថាញ់ង្វៀង​(អា) ឃុំម៉ីចាញ់។

តាមលទ្ធផលស៊ើបអង្កេតដំបូង នៅព្រឹកថ្ងៃទី ២៤ ខែសីហា ឆ្នាំ ២០២១ ក្រោយពេលទៅស៊ីផឹក ថាច់ត្រឿក(អាយុ ២២ ឆ្នាំ) បបួលថាច់សាវ (អាយុ ២២​ ឆ្នាំ) និងថាយក្វឹកថាញ់ (អាយុ ១៨ ឆ្នាំ) នៅភូមិថាញ់ត្រី(អា) ឃុំដាឡុក ស្រុកចូវថាញ់ ទៅលួចមាន់។ ក្រោយមក មុខសញ្ញាទាំង ៣ នាក់ជិះម៉ូតូមួយរួមគ្នា មានយកតាមពូថៅ ១ ដើម ដោយបំណងគឺដើម្បីវាយដំម្ចាស់ផ្ទះ បើសិនម្ចាស់ទាន់អំពើលួចទ្រព្យសម្បត្តិ។​ ពេលទៅដល់ភូមិថាញ់ង្វៀង(អា) ឃុំម៉ីចាញ់ ឃើញបងត្រឹងហាវញៀង(មានទីស្នាក់នៅ​ស្រុកតាមបិញ ខេត្តវិញឡុង) ដេកអង្រឹងចាំទា និងកំពុង មើលទូរស័ព្ទ អ្នកទាំង ៣ ក៏បៀតចូលបន្ទាន់ ត្រឿកកាន់ពូថៅលើកឡើងខ្ពស់ គម្រាមថានឹងកាប់  សាវបន្តសំដីទាមទារ​កាប់ បន្ទាប់មកប្លន់យកទូរស័ព្ទ។ ព្រឹកនៃថ្ងៃដដែល បណ្តាមុខសញ្ញាយកទូរស័ព្ទលក់នៅទី​ប្រជុំជនចូវថាញ់ បានប្រាក់ ១,​៣ លានដុង ចែកគ្នាប្រើ។

ឆ្លងតាមរយៈការស៊ើបអង្កេតបញ្ជាក់​​ ថ្ងៃទី ១០ ខែកញ្ញា ស្ថាប័នប៉ូលិសស៊ើបអង្កេត​នៃនគរបាលស្រុកចូវថាញ់ មានសាក្សីគ្រប់គ្រាន់ចេញដីកាកោះហៅត្រឿក សាវ និងថាញ់មកធ្វើការ។ ឆ្លងតាមការសាកសួរចម្លើយ អ្នកទាំង ៣ ទទួលសារភាពអំពើបំពាន។

បានដឹងថា មុខសញ្ញាទាំង ៣ សុទ្ធតែញៀនគ្រឿងញៀន ដោយឡែកត្រឿកត្រូវស្ថា​ប័ននគរបាលចោទទោសរឿងក្តីព្រហ្មទណ្ឌ ចោទទោសជនជាប់ចោទ និងឱ្យនៅក្រៅការឃុំខ្លួនអំពីការបំពានទោសលួចទ្រព្យសម្បត្តិ។ នគរបាលស្រុកចូវថាញ់​បានរក្សាទុកព្រហ្មទណ្ឌបណ្តោះអាសន្ន ត្រឿក សាវ ដើម្បីបន្តធ្វើឱ្យជាក់ច្បាស់ វិនិច្ឆ័យ៕                                

​ប្រែសម្រួល៖ ថាច់សម្បត្តិ