ឃុំហ្វៀងហោយត្រៀមបម្រុងការងារជម្រើសទ័ព

កោះហៅយុវជនទៅបំពេញកាតព្វកិច្ចយោធា​។​ រូបថត៖ ​ថាញ់ញ៉ា

   នេះជាជំហានសំខាន់ក្នុងការងារជ្រើសរើសកោះហៅពលរដ្ឋទៅបំពេញកាតព្វកិច្ចយោធាសំដៅឲ្យយុត្តិធម៌ប្រជាធិបតេយ្យជាចម្ហ ក្នុងការងារ ជ្រើសទ័ព។ ក្នុងការងារជ្រើសលើកទី ១ ក្រុមប្រឹក្សាកាតព្វកិច្ចយោធាឃុំសហការជាមួយគណៈកម្មការប្រជាជន គណៈការងាររណសិរ្សបណ្ដាភូមិទៅជួបសំណេះសំណាលផ្ទាល់ជាមួយយុវជនឬគ្រួសារយុវជន ដើម្បីសំណេះសំណាលស្វែងយល់អំពីស្ថានភាពលក្ខណៈរស់នៅរបស់គ្រួសារនិងយុវជន។ ឆ្លងតាមការជ្រើសរើសក្រុមប្រឹក្សាកាតព្វកិច្ចយោធាឃុំនិងមូលដ្ឋានស្ដាប់យោបល់របស់គ្រួសារនិងយុវជនអំពីការងារជ្រើសរើស កោះហៅពលរដ្ឋទៅបំពេញកាតព្វកិច្ចយោធារបស់មូលដ្ឋាន ស្ដាប់យុវជននិងគ្រួសារជម្រាបអំពីបំណងប្រាថ្នាស្ថានភាពរបស់គ្រួសារយុវជន ។ល។
    វរសេនីយ៍ឯកបម្រុង ទ្រិញវុាំងនូយ មេបញ្ជាការរង ប្រធានសេនាធិការគណៈបញ្ជាការដ្ឋានយោធាស្រុកកាងឡុង បានឲ្យដឹង៖ ជំហានជ្រើស រើសលើកទី ១ ជាជំហានចូលផ្ទាល់ជាក់ស្ដែងរបស់ក្រុមប្រឹក្សាកាតព្វកិច្ចយោធាឃុំ។ ក្នុងខ្លឹមសារនេះ ក្រុមប្រឹក្សាកាតព្វកិច្ចយោធាឃុំសហការជាមួយមូលដ្ឋានស្វែងយល់រួចក្ដាប់ឡើងវិញស្ថានភាព ជីវភាពស្ថានភាពគ្រួសាររបស់បណ្ដាយុវ ជន ធានាអំពីសុខភាពក្រោយពេលពិនិត្យសុខភាពនៅឃុំដើម្បីសម្រេចសំណុំឯកសារ។ ទន្ទឹមនឹងនោះ នេះជាជំហានដើម្បីឯកភាពព្រមព្រៀង ក្នុងប្រជាជនក្នុងបណ្ដាគ្រួសារដែលមានកូនត្រៀមបម្រុងទៅបំពេញកាតព្វកិច្ចយោធា។ គួបផ្សំជាមួយនឹងខ្លឹមសារជ្រើសរើសក្រុមប្រឹក្សាកាតព្វកិច្ច យោធាគ្រប់លំដាប់ថ្នាក់គួបផ្សំជាមួយការចលនាគ្រួសារនិងយុវជនប្រតិបត្តិត្រឹមត្រូវតាមបណ្ដាសេចក្ដីកំណត់របស់ច្បាប់ ពីព្រោះការទៅបំពេញកាតព្វកិច្ចយោធាដំបូងបង្អស់គឺជាភារកិច្ច បន្ទាប់ពីនោះគឺផលប្រយោជន៍និងបន្ទុករបស់ពលរដ្ឋជាមោទនភាពរបស់គ្រួសារនិងវង្សត្រកូល។
   ការជ្រើសរើសលើកទី ១ ក៏ជាឱកាសដើម្បី ក្រុមប្រឹក្សាកាតព្វកិច្ចយោធាឃុំជួបសំណេះសំណាលជាមួយគ្រួសារ និងយុវជនត្រៀមបម្រុងទៅបំពេញកាតព្វកិច្ចយោធា ដើម្បីផ្សព្វផ្សាយបណ្ដាសេចក្ដីកំណត់របស់ច្បាប់បំផុតគឺ បណ្ដា ករណីផ្អាកលើកលែងកោះហៅទៅបំពេញកាតព្វកិច្ចយោធា។ បានចូលរួមក្នុងពេលជ្រើសរើសលើកទី ១ របស់ភូមិកិញ (អា) ឃុំហ្វៀងហោយ យើងខ្ញុំបានស្ដាប់បណ្ដាសមមិត្តក្នុងក្រុមប្រឹក្សាកាតព្វកិច្ចយោធាស្រុក ក្រុមប្រឹក្សាកាតព្វកិច្ចយោធាឃុំផ្សព្វផ្សាយអំពីបែបបទជ្រើសរើស កោះហៅពលរដ្ឋទៅបំពេញកាតព្វកិច្ចយោធាផ្សព្វផ្សាយ អំពីផលប្រយោជន៍របស់យុវជននិងគ្រួសារ អំពីបណ្ដាលក្ខន្តិកៈសេចក្ដីកំណត់សំខាន់ៗពេលយុវជនបានចេញពីកងជួរទ័ព អំពីបរិស្ថានកងទ័ព។ នៅពេលជ្រើសរើស បណ្ដាឪពុកម្ដាយតែងស្ដាប់យ៉ាងយកចិត្តទុកដាក់ហើយយល់ ម៉្លោះហើយគ្មានយោបល់ឆ្លើយតប បណ្ដាឪពុកម្ដាយសុទ្ធសឹងយល់ច្បាស់នូវកាតព្វកិច្ច ភារកិច្ចរបស់យុវជន​និងគ្រួសារចំពោះមូលដ្ឋាននិងមាតុភូមិ។
   មីងង្វៀងធីហុងញ៉ាញ់ នៅភូមិកិញ (អា) ឃុំហ្វៀងហោយបានឲ្យដឹងថា កូនរបស់មីងគឺផាមថាញ់តុង បច្ចុប្បន្នជាកម្មករធ្វើការនៅខេត្តបិញយឿង។ ក្រោយពេលកូនប្រុសបានពិនិត្យសុខភាពលើកដំបូងហើយបានស្ថិតក្នុងបញ្ជីជ្រើស រើសរបស់ភូមិមីងសង្ឃឹមថាកូនគាត់នឹងបានទៅបំពេញកាតព្វកិច្ចយោធា។ ថ្វីត្បិតដឹងថាកូនទៅ បំពេញកាតព្វកិច្ចយោធាគ្រួសារនឹងបាត់ពលករម្នាក់ក៏ដោយ ប៉ុន្តែមីងនៅតែលើកទឹកចិត្តកូននិងប្រតិបត្តិតាមអាជ្ញាកោះហៅរបស់មូលដ្ឋាន។
   លោកផាងយ្វីង៉ឹង មេបញ្ជាការគណៈបញ្ជាការយោធាឃុំហ្វៀងហោយ អនុប្រធានក្រុមប្រឹក្សាកាតព្វកិច្ចយោធាឃុំ បានឲ្យដឹង៖ មុននឹងជ្រើសរើសលើកទី ១ ក្រុមប្រឹក្សាកាតព្វកិច្ចយោធាឃុំបានដំណើរការពិនិត្យសុខភាពចំពោះយុវជនដែលស្ថិតក្នុងវ័យទៅបំពេញកាតព្វកិច្ចយោធា​របស់ឃុំ ហើយនេះជាបណ្ដាយុវជនស្ថិតក្នុងអំឡុងអាយុ មានជីវប្រវត្តិច្បាស់លាស់បានពិនិត្យសម្រេចឆ្លងតាមរយៈថ្នាក់ឃុំ និងថ្នាក់ស្រុក។ ក្រោយពេលពិនិត្យសុខភាព លើកដំបូង ឃុំហ្វៀងហោយ មានយុវជន ១១១ នាក់គ្រប់លក្ខណៈដើម្បីជ្រើសរើសលើកទី ១។ បន្ទាប់ពីខ្លឹមសារ ជ្រើសរើសលើកទី ១ ក្រុមប្រឹក្សាកាតព្វកិច្ចយោធាឃុំនឹងប្រគល់ជូនអាជ្ញាពិនិត្យសុខភាពដល់ បណ្ដាយុវជនទាំងនោះឲ្យទៅពិនិត្យសុខភាពនៅថ្នាក់ស្រុកដើម្បីជ្រើសយកបណ្ដាយុវជនដែលមានលក្ខណៈគ្រប់គ្រាន់អំពីសុខភាពទៅបំពេញកាតព្វកិច្ចយោធា ៕           

 ប្រែសម្រួល៖ ថាច់ហ្វាង