ឃុំថាញ់ស៊ើង៖​ ការងារកោះហៅយុវជនទៅបំពេញកាតព្វកិច្ចយោធាធានាទាំងបរិមាណភាព និងគុណភាព

​​​​​​​​​                                                                          សមមិត្តង្វៀងវុាំងទ្វឹង ។

     សមមិត្តង្វៀងវុាំងទ្វឹង មេបញ្ជាការដ្ឋានយោធាឃុំថាញ់ស៊ើងបានឱ្យដឹងថា៖ ក្នុងខែវិច្ឆិកាគណៈបញ្ជាការដ្ឋានយោធាឃុំ​ បានសហការជាមួយ​គណៈបញ្ជាការដ្ឋានយោធាស្រុកប្រគល់ជូនសេចក្តីសម្រេចចិត្តប្រមូលផ្តុំពិនិត្យសុខភាពកាតព្វកិច្ចយោធាដល់យុវជនគ្រប់អាយុអនុវត្តកាតព្វកិច្ចយោធាចំនួន ៣៦ រូប។ ឆ្នាំនេះមូលដ្ឋានបានប្រគល់កម្រិតផែនការឲ្យជ្រើសរើសយុវជនទៅបំពេញកាតព្វកិច្ចយោធា ០៩ រូប ។ ក្នុងចំនួនយុវជនទៅបំពេញកាតព្វកិច្ចយោធាលើកនេះ មានយុវ ជនជាជនជាតិខ្មែរ ០៦ រូប មានចំណេះវិជ្ជាពីថ្នាក់ ទី ៦ ដល់ទី ១១។ បើប្រៀបជាមួយឆ្នាំ​ ២០២០ កម្រិតវិជ្ជារបស់យុវជនលើកនេះទាបជាង ពីព្រោះ បណ្តាយុវជនដល់អាយុអនុវត្តកាតព្វកិច្ចយោធានៅតែបន្តការសិក្សាកម្រិតមហាវិទ្យាល័យ ឧត្តមសិក្សាមធ្យមសិក្សាវិជ្ជាជីវៈ។ល។ ម៉្លោះហើយបានអាទិភាពមិនកោះហៅ។
       ទោះបីកូនកំពុងប្រកបការងារជាជាងកំបោរនៅទីក្រុងហូជីមិញក៏ដោយ ប៉ុន្តែពេលមានលិខិតអញ្ជើញពិនិត្យសុខភាពកាតព្វកិច្ចយោធា គ្រួសារបងថាច់ធី (ឪពុករបស់យុវជនថាច់ដាក) នៅភូមិតាឡេះបានហៅកូនមកផ្ទះដើម្បីអនុវត្តតាមការ កោះហៅរបស់មូលដ្ឋាន។ បងថាច់ធីឱ្យដឹងថា៖ ជារៀងរាល់ខែកូនខ្ញុំផ្ញើប្រាក់ពី ៦-៧ លានដុង មកឱ្យគ្រួសារ។ ថ្វីត្បិតគ្រួសារ ពឹងពាក់ទៅលើតែ កម្លាំងកូនក្ដី ប៉ុន្តែពេលមានលិខិតអញ្ជើញរបស់ មូលដ្ឋាន គ្រួសារខ្ញុំហៅទូរស័ព្ទឱ្យកូនមកផ្ទះចុះ ឈ្មោះតាមការកំណត់។ គ្រួសារខ្ញុំតែងដាស់តឿន ដល់កូនបើសិនជាប់បានចូលជួរទ័ពនោះ គប្បីអនុវត្តឲ្យបានល្អលក្ខន្តិកៈរបស់អង្គភាពធ្វើសម្រេចកាតព្វកិច្ចកងទ័ព។
       អាស្រ័យមូលដ្ឋានមានជនរួមជាតិខ្មែររស់នៅ ច្រើនម៉្លោះហើយក្រៅពីការអនុវត្តន៍ដីកាកោះហៅយុវជនចូលជួរទ័ព គណៈបញ្ជាការដ្ឋានយោធាមូលដ្ឋានតែងធ្វើល្អការងារផ្ទៀងផ្ទាត់ដល់ស្ថានភាពរបស់មុខសញ្ញាយុវជនម្នាក់ៗ ដើម្បីមានទិសដៅដោះស្រាយសមស្រប។ ករណីគ្រួសារបង ថាច់ធីយ៉ែង នៅភូមិតាឡេះដដែលមានកូនតែ ម្នាក់គត់(ថាច់ថាយ)ដល់អាយុចុះឈ្មោះទៅកាតព្វកិច្ចយោធា។ អាស្រ័យស្ថានភាពឪពុក និងម្តាយមានជំងឺ គ្រួសារស្ថិតក្នុងមុខសញ្ញាលំបាក ម៉្លោះហើយគណៈបញ្ជាការដ្ឋានយោធាមូលដ្ឋានណែនាំឱ្យគ្រួសារបងធ្វើលិខិតជម្រាបជូនថ្នាក់មានសិទ្ធិអំណាចដើម្បីបានផ្អាកបណ្តោះអាសន្ន ការអនុវត្តន៍កាតព្វកិច្ចដើម្បីកូនមានពេលវេលាបាននៅជួយកិច្ចការគ្រួសារ និងគិតគូរថែទាំប្តីប្រពន្ធបងស្រី។ បងស្រីថាច់​ធីយ៉ែងបានឱ្យដឹង៖ កូនរបស់ខ្ញុំជាពលករចម្បងផ្គត់ផ្គងសម្រាប់ជីវភាពគ្រួសារបើសិនចូលរួមកាតព្វកិច្ចយោធានៅតែប្តីប្រពន្ធមិនដឹងតើរស់ដោយរបៀបណា។ ដោយអាស្រ័យបានការណែនាំរបស់គណៈបញ្ជាការដ្ឋានយោធាឃុំ ខ្ញុំធ្វើលិខិតសុំផ្អាកបណ្តោះអាសន្ន រួចបានគណៈបញ្ជាការដ្ឋានយោធាឃុំទទួលព្រមឱ្យផ្អាកបណ្តោះអាសន្នចំពោះកូនរបស់ខ្ញុំ។ គ្រួសារក៏កំពុងរកថ្នាំព្យបាលជំងឺ ប្តីប្រពន្ធខ្ញុំបើសិនជាសះស្បើយពីជំងឺ និងដល់ពេលបំផុសចលនាយុវជនចូលរួមជាលើកក្រោយនោះខ្ញុំជំរុញឱ្យកូនខ្ញុំចូលរួមអនុវត្តកាតព្វកិច្ចដ៏ពិសិដ្ឋនេះ។
      ទោះបីមានការផ្អាកបណ្តោះអាសន្នចំពោះមុខសញ្ញាយុវជនមួយចំនួនដែលមានស្ថានភាពលំបាក ប៉ុន្តែមូលដ្ឋាននៅតែធានាបានកម្រិតផែនការដែលថ្នាក់លើបានប្រគល់ជូន។ សមមិត្ត ង្វៀងវុាំងទ្វឹងបានឱ្យដឹងបន្ថែម ៖ ជារៀងរាល់ឆ្នាំ ឆ្លងតាមរយៈការពិនិត្យផ្ទៀងផ្ទាត់មុខសញ្ញាយុវជនដល់អាយុអនុវត្តកាតព្វកិច្ចយោធាមូលដ្ឋាន មានមុខសញ្ញាពី ៣-៤ រូប ធ្វើលិខិតសុំផ្អាកអនុវត្តបណ្តោះអាសន្ន។ ចំពោះឆ្នាំនេះ គណៈបញ្ជាការដ្ឋានយោធាឃុំទទួលលិខិតសុំផ្អាកបណ្តោះអាសន្នចំនួន ៤ ច្បាប់។ ពិនិត្យឃើញនោះជាបណ្តាករណីចាំបាច់គប្បីបានដោះស្រាយ ប៉ុន្តែគណៈបញ្ជាការដ្ឋានយោធាមូលដ្ឋានផ្ទៀងផ្ទាត់បំពេញបន្ថែមគ្រប់ចំនួនមុខសញ្ញាយុវជនធានាពីបរិមាណភាព និងគុណភាព។ ចំពោះយុវជនដែលមិនត្រូវបញ្ជូនទៅបំពេញកាតព្វកិច្ចយោធា នោះ បានបញ្ជូនទៅក្នុងកងកម្លាំងបម្រុងកំណែន ដើម្បីរួមជាមួយបណ្តាផ្នែកពាក់ព័ន្ធអនុវត្តកិច្ចការ ភារកិច្ចយោធានៅមូលដ្ឋាន៕                                                               
                                                                           អត្ថបទ-រូបថត៖ ថាច់សម្បត្តិ