ការងារការពារអាកាសប្រជាជនតែងឆ្លើយតបសំណូមពរ ភារកិច្ចក្នុងស្ថានភាពថ្មី

យ្វៀងហាយគឺជាស្រុកមាត់សមុទ្រ ដោយមាន ០៧ អង្គភាពរដ្ឋបាល (មាឃុំ ០៦ ទីប្រជុំជន ០១) ក្នុងនោះមានឃុំ ០៤ និងទីប្រជុំជន ០១ ស្ថិតក្នុងតំបន់កោះ។ អនុវត្តភារកិច្ចយោធា ការពារជាតិមូលដ្ឋាន ការងារការពារអាកាសប្រជាជន ស្រុកយ្វៀងហាយតែងបានគណៈកម្មាធិការបក្ស រដ្ឋអំណាចមូលដ្ឋានយកចិត្តទុកដាក់ពិសេស។ ក្នុងបណ្តាឆ្នាំកន្លងហើយ គណៈចង្អុលការការងារការពារអាកាសប្រជាជនស្រុកយ្វៀងហាយជានិច្ចកាលម្ចាស់ការជ្រួតជ្រាបជ្រៅជ្រះបណ្តាឯកសាររបស់រដ្ឋបាល ក្រសួងការពារជាតិ បញ្ជាការដ្ឋានយោធភូមិភាគលេខ ៩ ស្តីពីការងារកងទ័ពជើងគោកអាកាសប្រជាជន។

ការងារការពារអាកាសប្រជាជនលើភូមិសាស្ត្រស្រុកតែងបានការយកចិត្តទុកដាក់ធ្វើសេនាធិការយ៉ាងសកម្មរបស់គណៈកម្មាធិការបក្ស គណៈបញ្ជាការដ្ឋានយោធាស្រុក ការខិតខំបញ្ចេញកម្លាំងរបស់បណ្តាគណៈ ផ្នែក អង្គការមហាជនតាំងពីស្រុកចុះរហូតដល់មូលដ្ឋានទទួលបានជ្រៅជ្រះអំពីភារកិច្ចការងារការពារអាកាសប្រជាជនក្នុងស្ថានភាពថ្មីនាពេលបច្ចុប្បន្ននេះ។ស្ថាប័នយោធាស្រុកតែងម្ចាស់ការធ្វើល្អការងារធ្វើសេនាធិការជូនគណៈកម្មាធិការបក្ស រដ្ឋអំណាចមូលដ្ឋាន បណ្តាថ្នាក់បានចេញផ្សាយ និងផ្សព្វផ្សាយអនុវត្តភារកិច្ចត្រឹមត្រូវតាមអនុក្រឹត្យលេខ ៧៤/២០១៥/NĐ-CP ចុះថ្ងៃទី ០៩ កញ្ញា ឆ្នាំ ២០១៥ របស់រដ្ឋាភិបាលស្តីពីការងារការពារអាកាសប្រជាជន ដំណាក់កាល ២០១៥-២០២០។ ក្នុងរយះកាល ០៥ ឆ្នាំកន្លង ការងារការពារងាកាសប្រជាជននៅលើភូមិសាស្ត្រស្រុក​តែសម្រេចបានលទ្ធផលជាច្រើន។

ចាប់តាំង អនុក្រឹត្យលេខ ៧៤ មានសុពលភាពអនុវត្ត គណៈបញ្ជាការដ្ឋានយោធាស្រុកតែងធ្វើល្អការងារសេនាធិការជូនគណៈកម្មាធិការបក្សស្រុក គណៈកម្មាធិការប្រជាជនស្រុកបានចេញផ្សាយជាច្រើនឯកសារដែលមានការទាក់ទិនដល់ការចាត់តាំង ផ្សព្វផ្សាយអនុវត្តត្រឹមត្រូវតាមរចនាសមាសភាពរបស់សេចក្តីកំណត់។ ទន្ទឹមនឹងនោះ ណែនាំ ត្រួតពិនិត្យ ស៊ើបអង្កេត ពិនិត្យឡើងវិញ និងបំពេញបន្ថែម ពង្រឹងគណៈចង្អុលការ និងស្ថាប័នប្រចាំអចិន្រ្តៃយ៍គ្រប់ចំនួន ចំសមាសភាពរចនា សន្សឹមៗនឹងស៊ីជម្រៅទៅក្នុងការធ្វើសកម្មភាពបានរៀបរយត្រឹមត្រូវ សណ្តាប់ធ្នាប់ និងសម្រេចបានលទ្ធផលជាក់ស្តែង។​ស្ថាប័នប្រចាំអចិន្រ្តៃយ៍ធ្វើជាអធិបតី​សហការជាមួយនឹង គណៈ ផ្នែក អង្គការមហាជនទាក់ទិនធ្វើសេនាធិការ ជំនួយការងារឲ្យគណៈចង្អុលការ និងគណៈកម្មាធិការប្រជាជនស្រុកផ្សព្វផ្សាយអនុវត្តភារកិច្ចការងារការពារអាកាសប្រជាជនបានទាន់ពេល សមស្របជាមួយនឹងស្ថានភាពជាក់ស្តែងរបស់មូលដ្ឋាន។ ជារៀងរាលឆ្នាំ គណៈចង្អុលការស្រុកកសាង និងផ្សព្វផ្សាយផែនការជំនាញការផ្នែកបានគ្រប់គ្រាន់។

ដើម្បីទុកឲ្យការផ្សព្វផ្សាយអនុវត្តសម្រេចបានប្រសិទ្ធភាព ស្ថាប័នប្រចាំអចិន្រ្តៃយ៍នៃគណៈចង្អុលការបានសហការជាមួយនឹងគណៈឃោសនាអប់រំបក្សស្រុក ដំណាក់ផ្សាយបន្តសម្លេងស្រុក និងបណ្តាគណៈ ផ្នែក អង្គការមហាជនជំរុញមាំការងារផ្សព្វផ្សាយបណ្តាឯកសាររបស់បក្ស រដ្ឋស្តីអំពីការងារការពារអាកាសប្រជាជនដោយគួបផ្សំជាមួយនឹងខ្លឹមសារការងារការពារអាកាសប្រជាជនក្នុងបណ្តាព្រឹត្តិការណ៍​ អនុស្សាវរីយ៍ បណ្តាថ្ងៃបុណ្យជាតិធំៗរបស់ប្រទេសជាតិ​ របស់ខេត្ត និងរបស់មូលដ្ឋាន។ ឆ្លងតាមនោះ ធ្វើឲ្យវិវឌ្ឍ និងលើកកម្ពស់ចំណេះដឹង ភារកិច្ចរបស់កម្មាភិបាល បុគ្គលិក និយោជិតបណ្តាស្ថាប័ន គណៈ ផ្នែក អង្គការមហាជន និងប្រជាជនគ្រប់លំដាប់ថ្នាក់បានជ្រួតជ្រាបច្បាស់ជាងអំពីសារៈសំខាន់របស់ការងារការពារអាកាសប្រជាជនក្នុងការអនុវត្តន៍ភារកិច្ចការពារជាតិ សន្និសុខ លើកកម្ពស់ការយល់ដឹងអំពីកលល្បិច របៀបដំណើរការ​ប្រតិបត្តិការសឹកផ្លូវអាកាសរបស់ខ្មាំង ដើម្បីការពាររឹងមាំមាតុភូមិវៀតណាមសង្គមនិយម។

អស់រយះកាល ០៥ ឆ្នាំកន្លងហើយ កងកម្លាំងការពារអាកាសប្រជាជនតែងបានបណ្តា​មូលដ្ឋានយកចិត្តទុកដាក់កសាងជាមួយនឹងចំនួនសមស្រប មានរចនាតុល្យាភាពរវាងកងកម្លាំងស្នូល និងកងកម្លាំងទូលំទូលាយ គុណភាពចម្រុះរបស់កងកម្លាំងសន្សឹមៗនឹងបានលើកកម្ពស់ ពិសេសគឺ គុណភាពនយោបាយ និងតំរេះវិជ្ជាបច្ចេកទេសជំនាញបានពង្រីកល្អ។

វរសេនីយ៍ទោ ឡេថាញ់ហ្វឹង មេបញ្ជាការរង សេនាធិការដ្ឋាននៃគណៈបញ្ជាការដ្ឋានយោធាស្រុកយ្វៀងហាយបានវាយតម្លៃលទ្ធផលអនុវត្តអនុក្រឹត្យលេខ ៧៤លើភូមិសាស្ត្រស្រុក៖​ក្នុងរយះកាលកន្លងហើយ អាស្រ័យដោយធ្វើបានល្អការងារផ្សព្វផ្សាយ អប់រំ ចលនាកម្មាភិបាល បក្ខជន សមាជិកសម្ព័ន្ធយុវជន សមាជិកសមាគម និងមហាជន ប្រជាជនលើកកម្ពស់ចំណេះដឹងអំពីខ្លឹមសារ និងសារៈសំខាន់របស់អនុក្រឹត្យលេខ ៧៤ និងភារកិច្ចយោធា ការពារជាតិមូលដ្ឋានក្នុងស្ថានភាពថ្មី។ ទន្ទឹមនឹងនោះ ពង្រីកកម្លាំងចម្រុះរបស់ប្រព័ន្ធនយោបាយ និងទូទាំងសង្គមក្នុងការកសាងកងកម្លាំងការពារអាកាសប្រជាជន ក្នុងនោះកសាងស័ក្តានុពលនយោបាយ សតិអារម្មណ៍ធ្វើជាគ្រឹះធារ ពង្រីកសេដ្ឋកិច្ច-សង្គមគឺជាមូលដ្ឋាន គឺជាលក្ខណៈសម្រាប់ពង្រឹង និងបង្កើនស័ក្តានុពលការពារជាតិ សន្និសុខនៅនឹងមូលដ្ឋាន៕ប្រែសម្រួល៖រតនា