កងកម្លាំងប្រដាប់អាវុធស្រុកកូវកែ៖ រួមកម្លាំងបង្ការ ទប់ស្កាត់អាសន្នរោគកូវីដ ១៩

តាមប្រសាសន៍របស់លោកវរសេនីយ៍ត្រីដោវូវគឿង មេបញ្ជាការនៃគណៈបញ្ជា​ការដ្ឋានយោធាស្រុកកូវកែ នៅចំពោះមុខស្ថានភាពអាសន្នរោគរាតត្បាតស្មុគស្មាញ គណៈកម្មាធិការបក្ស គណៈបញ្ជាការដ្ឋានយោធាស្រុកជ្រួតជ្រាបជ្រាលជ្រៅបណ្តាបទបញ្ជា ចង្អុលការ និងការកំណត់គ្រប់លំដាប់ថ្នាក់ ព្រមទាំងរបស់គណៈចង្អុលការបង្ការ ទប់ស្កាត់អាសន្នរោគកូវីដ‑១៩ ស្រុកស្តីពីការងារបង្ការ ទប់ស្កាត់អាសន្នរោគកូវីដ‑១៩ ជាមួយស្មារតី “ប្រឆាំងអាសន្នរោគដូចប្រឆាំងខ្មាំង”។ គណៈបញ្ជាការដ្ឋានយោធាស្រុកអនុវត្តម៉ឹងម៉ាត់បទបញ្ជាបោះជំរំចំនួនទ័ព ១០០% រក្សាហ្មត់ចត់របបប្រចាំ បញ្ជាការ ប្រចាំការគណៈ ប្រចាំការត្រៀមប្រយុទ្ធត្រូវតាមការកំណត់ ត្រៀមកងកម្លាំងចូលរួមវិនិច្ឆ័យបណ្តាករណីអំពីអាសន្នរោគកូវីដ‑១៩ ពេលមាន​បទបញ្ជា។ សហការជាមួយស្ថាប័ន គណៈ ផ្នែកមូលដ្ឋានធ្វើល្អការងារផ្សព្វផ្សាយ បំផុសចលនា​ប្រជាជនអនុវត្តបណ្តាវិធានការបង្ការ ទប់ស្កាត់អាសន្នរោគកូវីដ‑១៩។ ចូលរួមបង្ការ ទប់ស្កាត់អាសន្នរោគ ប្រចាំការតទល់នៅតាមបណ្តាប៉ុស្តិ៍ពិនិត្យសុខាភិបាល ចូលរួមការងារបម្រើការនៅតាមបណ្តាតំបន់ចត្តាឡីស័កសុខាភិបាល។ រួមជាមួយកងកម្លាំង​នគរបាល សុខាភិបាលស្វែងរកបណ្តាមុខសញ្ញាប៉ះពាល់ផ្ទាល់ជាមួយអ្នកជំងឺ ចូលរួមការ​ងារយាមល្បាត គ្រប់គ្រងភូមិសាស្រ្ត។

កងកម្លាំងប្រដាប់អាវុធកំពុងប្រកបការងារនៅប៉ុស្តិ៍ពិនិត្យសុខាភិបាល។

នៅតាមបណ្តាប៉ុស្តិ៍ពិនិត្យសុខាភិបាល កងកម្លាំងប្រដាប់អាវុធស្រុកសហការជាមួយកងកម្លាំងសុខាភិបាល នគរបាលប្រចាំការជានិច្ច ពិនិត្យ​ រែងរើសមុខសញ្ញា ធ្វើតេស្តរហ័សមុខសញ្ញាសង្ស័យជ្រាបមេរោគ ទប់ស្កាត់បណ្តាមុខសញ្ញាពីក្រៅខេត្ត មុខសញ្ញាមានបាតុភាពជ្រាបជំងឺមកភូមិសាស្រ្តស្រុក។ រួមជាមួយកងកម្លាំងនគរបាល សុខាភិបាលស្វែងរកមុខសញ្ញា F1, F2 ដើម្បីធ្វើចត្តាឡីស័កសុខាភិបាល។ ក្នុងការអនុវត្តន៍ភារកិច្ច កម្មាភិបាល យុទ្ធជន និងបណ្តាកងកម្លាំងប្តេជ្ញាចិត្ត ខិតខំធ្វើសម្រេច រួមចំណែកដល់ការគ្រប់គ្រង ទប់ស្កាត់អាសន្នរោគ។

គិតមកទល់ពេលនេះ ស្រុកកូវកែបង្កើតតំបន់ចត្តាឡីស័កសុខាភិបាលប្រមូលផ្តុំបង្ការ ទប់ស្កាត់អាសន្នរោគកូវីដ‑១៩ ចំនួន ១៣ កន្លែង ដោយមានអ្នកកំពុងអនុវត្តបណ្តាវិធាន​ការចត្តាឡីស័កសុខាភិបាលជាង ៥៤០​ នាក់។ កងកម្លាំងប្រដាប់អាវុធស្រុក រួមជាមួយគណៈ ផ្នែក  អង្គការមហាជនមូលដ្ឋានរៀបចំបន្ទប់ តុកៅអី មូលដ្ឋានសម្ភារបម្រើការងារសមរភូមិក្រោយ ដឹកជញ្ជូនបណ្តាផលិតផលចាំបាច់ជូនប្រជាជនក្នុងតំបន់​ចត្តាឡីស័ក។ ចូលរួមប្រចាំការបណ្តាតំបន់បិទខ្ទប់ រក្សាសន្តិសុខសណ្តាប់ធ្នាប់ ធានាមិនឱ្យមនុស្សចេញចូលតំបន់បិទខ្ទប់។ បច្ចុប្បន្ន ស្រុកកូវកែកំពុងអនុវត្តតំបន់បិទខ្ទប់ចំនួន ៤​ កន្លែងនៅទីប្រជុំជនកូវកែ ឃុំតាមង៉ាយ ឃុំផុងភូ និងឃុំថុងហ្វា។

ដើម្បីធានាសន្តិសុខសណ្តាប់ធ្នាប់លើភូមិសាស្រ្ត បំផុតគឺក្នុងរយៈពេលអនុវត្តសារាចរ​លេខ ០៩/CT-UBND ចុះថ្ងៃទី ១៨ ខែកក្កដា ឆ្នាំ ២០២១ របស់ប្រធានគណៈកម្មាធិការ​ប្រជាជន​ខេត្តត្រាវិញស្តីពីការអនុវត្តគម្លាតសង្គមបង្ការ ទប់ស្កាត់អាសន្នរោគកូវីដ‑១៩ លើ​ភូមិសាស្រ្តខេត្តត្រាវិញ កងកម្លាំងប្រដាប់អាវុធស្រុកសហការជាមួយកងកម្លាំងនគរបាល​ចាត់តាំងយាមល្បាតបណ្តាមូលដ្ឋានសំខាន់ៗ។ ខណៈដែលអនុវត្តភារកិច្ច កម្មាភិបាល យុទ្ធជនតែងលើកកម្ពស់ស្មារតីទទួលបន្ទុក សាមគ្គី ជម្នះរាល់ការលំបាក ការពារសុវត្ថិភាពភូមិ​សាស្រ្តស្រុក។

តាមប្រសាសន៍របស់លោកស្រីង្វៀងធីញៀង អនុប្រធានគណៈកម្មាធិការប្រជាជន​ស្រុក អនុប្រធានគណៈចង្អុលការបង្ការ ទប់ស្កាត់អាសន្នរោគកូវីដ‑១៩ ស្រុកកូវកែ៖ ក្នុងពេលកន្លង គណៈចង្អុលការស្រុកកៀរគរការចូលរួមរបស់ទូទាំងប្រព័ន្ធនយោបាយ ក្នុងនោះ លេចធ្លោគឺតួនាទីរបស់កងកម្លាំងប្រដាប់អាវុធស្រុក។ គណៈបញ្ជាការដ្ឋានយោធាស្រុក កសាងផែនការជ្រើសតំបន់ចត្តាឡីស័កប្រមូលផ្តុំ និងចាត់មុខការកងកម្លាំងប្រចាំការអនុវត្តការងារសមរភូមិក្រោយ និងក្តាប់ស្ថានភាពសតិអារម្មណ៍របស់ប្រជាជនក្នុងតំបន់ចត្តាឡីស័ក តំបន់បិទខ្ទប់ ផ្សព្វផ្សាយ បំផុសចលនាប្រជាជនចូលរួមបង្ការ ទប់ស្កាត់អាសន្នរោគ។ កម្មាភិបាល យុទ្ធជនកងកម្លាំងប្រដាប់អាវុធស្រុកសម្តែងបានតួនាទីជាកងកម្លាំងស្នូល ពង្រីកស្មារតីទទួលបន្ទុក​ រួមជាមួយគណៈកម្មាធិការបក្ស រដ្ឋអំណាច និងបណ្តាកងកម្លាំងមានសមត្ថកិច្ចទប់ស្កាត់ គ្រប់គ្រងស្ថានភាពអាសន្នរោគ ខិតខំសម្រេចល្អភារកិច្ចដែលបានប្រគល់ជូន រួមចំណែកការពារសុខភាព និងជីវភាពសុខសាន្តរបស់ប្រជាជនដើម្បីសុវត្ថិភាពសម្រាប់សង្គម៕                 

ប្រែសម្រួល៖ សម្បត្តិ