អនុប្រធានគណៈកម្មាធិការប្រជាជនខេត្តឡេថាញ់បិញ៖ បម្រុងការងារសម័យប្រឡងយកវិញ្ញាបនប័ត្រវិទ្យាល័យឆ្នាំ២០២២ ឲ្យបានរួសរាន់ ម៉ត់ចត់ មុឺងម៉ាត់ និងត្រូវតាមកំណត់

ក្នុងកិច្ចប្រជុំលើកនេះ លោកថាច់ថ្លាយ នាយករងមន្ទីរអប់រំ-បណ្តុះបណ្តាល របាយការណ៍លទ្ធផលចាត់តាំងសម័យប្រឡងឆ្នាំ ២០២១ ការងារបម្រុងឲ្យសម័យប្រឡងឆ្នាំ ២០២២ លើកឡើងនូវសេចក្ដីកំណត់មួយចំនួនរបស់ក្រសួង​អប់រំ -បណ្តុះបណ្តាល​ស្តីពីការ​ចាត់តាំងសម័យ​ប្រឡង​ឆ្នាំ ​២០២២ សេចក្តី​ព្រាងនៃ​សេច ក្តីសម្រេចចិត្តស្តីពី​ការប្រគល់​ភារកិច្ច​ជាក់ស្តែងដល់បណ្តា​សមាជិកគណៈចង្អុលការសម័យប្រឡង។ តាមរយៈនោះ តំណាងបណ្តា​សមាជិកគណៈចង្អុលការមានយោបល់គបវាល់ជា  ច្រើនជុំវិញបញ្ហាការងារបម្រុងឲ្យសម័យប្រឡង។ ក្នុងនោះ គប្បីធានាមូលដ្ឋានសម្ភារ សន្តិសុខសណ្តាប់ធ្នាប់សុវត្ថិភាពចរាចរណ៍ ធានាការផ្គត់ផ្គង់អគ្គិសនី ទឹកស្អាត ប្រព័ន្ធទំនាក់ទំនង សុវត្ថិភាពអនាម័យគ្រឿងបរិភោគ ការងារបង្ការ ទប់ស្កាត់អាសន្នរោគកូវីដ-១៩ ក្នុងសម័យប្រឡង ឧបត្ថម្ភសិស្សដែលចូលរួមប្រឡង។ល។ ដើម្បីសម័យប្រឡងយកវិញ្ញាបនប័ត្រវិទ្យាល័យឆ្នាំ ២០២២ នៅខេត្តត្រាវិញប្រព្រឹត្តទៅប្រកបដោយសុវត្ថិភាព ម៉ឺងម៉ាត់ ត្រូវតាមផែនការដាក់ចេញ។

បណ្តាតំណាងចូលរួមអង្គសន្និបាត។ រូបថត៖ ង៉ុកស្វង

សម័យ​​ប្រឡងយកវិញ្ញាបនប័ត្រ​ឆ្នាំ​ ២០២២ ខេត្តត្រាវិញមាន​មណ្ឌល​ប្រឡង​ ៣១ មណ្ឌល ដោយមានបន្ទប់​ប្រឡង​ចំនួន ៥០៩​ បន្ទប់ (បន្ទប់​ប្រឡងជា​ផ្លូវការ​ ៤១៨ ​បន្ទប់ និង​បន្ទប់​បម្រុង​ ៩១ ​បន្ទប់)។ មានសិស្សចំនួន ៩​.៥0៣ នាក់ចុះឈ្មោះប្រឡង (សិស្សប្រព័ន្ធវិទ្យាល័យ ៨.៦៨៦ នាក់ សិស្សប្រព័ន្ធអប់រំជាប្រចាំ ៤៧0 នាក់ និងសិស្សស្វៃរិន ៤១១ នាក់) កើន ៦៨១ នាក់ បើប្រៀបនឹងសម័យប្រឡងឆ្នាំ ២0២១។ មានសិស្ស ៨.៣៧៨ នាក់ចុះឈ្មោះប្រឡង ដើម្បីបានទទួលស្គាល់រៀនចប់ថ្នាក់វិទ្យាល័យផង ចុះឈ្មោះជ្រើសចូលសាលាមហាវិទ្យាល័យផង។ សិស្ស ៣៤៤ នាក់​ចុះឈ្មោះជ្រើសចូលសាលាមហាវិទ្យាល័យ។ សិស្ស ៧៨១ នាក់ចុះឈ្មោះប្រឡងដើម្បីទទួលស្គាល់បានរៀនចប់ថ្នាក់វិទ្យាល័យ។

ថ្លែងសុន្ទរកថាក្នុងអង្គប្រជុំ អនុប្រធានគណៈកម្មាធិការប្រជាជនខេត្ត ឡេថាញ់បិញ ចង្អុ ការ៖ មន្ទីរអប់រំ និងបណ្តុះបណ្តាល និងសមាជិកចង្អុលការសម័យប្រឡងគប្បីពង្រីកគុណសម្បត្តិ បទពិសោធន៍ល្អក្នុងការចាត់តាំងសម័យប្រឡងកាលពីឆ្នាំមុន សហការអនុវត្តល្អភារកិច្ចដើម្បីបម្រុងឱ្យបានល្អរាល់កិច្ចការជាក់ស្តែងដូចជាមូលដ្ឋានសម្ភារ ធនធានមនុស្សដើម្បីជំនួយការបណ្តាមណ្ឌលប្រឡង បោះពុម្ព ថតចម្លងឯកសារប្រឡង ហ្វឹកហាត់ក្នុងការបម្រុងឲ្យសម័យប្រឡង ការងារស្រង់ពិន្ទុជាដើម ដើម្បីធានាសម័យប្រឡងឲ្យប្រព្រឹត្តទៅដោយសុវត្ថិភាព មានវិធានការជម្នះចំណុចអន់ខ្សោយដែកើតមានកាលពីសម័យប្រឡងឆ្នាំ ២0២១ ។

មន្ទីរអប់រំ និងបណ្តុះបណ្តាល មានភារកិច្ចទទួលខុសត្រូវចំពោះស្ថាប័នអចិន្ត្រៃយ៍នៃគណៈចង្អុលការសម័យប្រឡងទទួលខុសត្រូវទាំងស្រុងចំពោះការងារនៃម័យប្រឡង ប្រញាប់ធ្វើឲ្យបានសម្រេចនូវសេចក្តីសម្រេចចិត្តប្រគល់ភារៈឲ្យសមាជិកគណៈចង្អុលការសម័យប្រឡង។ បណ្តាការងារដែលពាក់ព័ន្ធដល់ការប្រឡង ធ្វើជាបន្ទាន់ ម៉ត់ចត់ ម៉ឺងម៉ាត់តាមសេចក្ដីកំណត់ និងសេចក្ដីណែនាំរបស់ក្រសួងអប់រំ និងបណ្តុះបណ្តាល សមស្របតាមស្ថានភាពជាក់ស្តែងនៅមូលដ្ឋាន ធានាបានល្អគ្រប់យ៉ាង ក្នុងការចាត់តាំងសម័យប្រឡង។ ពិនិត្យឡើងវិញដោយម៉ត់ចត់មូលដ្ឋានសម្ភារមណ្ឌលប្រឡង កន្លែងស្រង់ពិន្ទុ ប្រព័ន្ធកាមេរ៉ា ជាពិសេសកន្លែងផ្ដិត ថតសម្លងឯកសារប្រឡង ដើម្បីធានាត្រឹមត្រូវតាមពេលវេលា និងសេចក្ដីកំណត់ដែលសួងអប់រំ និងបណ្តុះបណ្តាលកំណត់។ គប្បីយកចិត្តទុកដាក់ចំណុចថ្មីៗមួយចំនួនក្នុងការចាត់តាំងសម័យប្រឡងឆ្នាំ ២០២២ គប្បីសហការយ៉ាងស្អិតល្មួតរវាងសមាជិកគណៈចង្អុលការសម័យប្រឡង បណ្តាស្ថាប័ន អង្គភាពដែលពាក់ព័ន្ធ ដើម្បីបំពេញសម្រេចជោគជ័យភារកិច្ចដែលបានប្រគល់ឲ្យ។ ទន្ទឹមនឹងនោះ ធានាការផ្តល់ព័ត៌មាន និងរបាយការណ៍ឲ្យបានទាន់ពេល ដើម្បីសម័យប្រឡងប្រព្រឹត្តទៅដោយសុវត្ថិភាព ម៉ឺងម៉ាត់ និងសម្រេចបានលទ្ធផលខ្ពស់៕        

ប្រែសម្រួល៖ សុជា