សាខាបក្សផែនការិយាល័យលេខ ១ អនុវត្តទម្រង់រៀនសូត្រ និងធ្វើតាមអ៊ំហូ

គោលដៅរបស់ទម្រង់គឺសំដៅពង្រីកតួនាទី ស្មារតីទទួលបន្ទុករបស់បក្ខជនក្នុងការរៀនសូត្រ និងធ្វើតាមសតិអារម្មណ៍ សីលធម៌ ឥរិយាបថហូជីមិញតាមរយៈការឧបត្ថម្ភដល់សិស្សក្រីក្រឈានឡើងក្នុងការរៀនសូត្រ។ ដើម្បីបញ្ជាក់តួនាទីរបស់បក្ខជន អង្គការចាត់តាំងបក្សយកចិត្តទុកដាក់ជំនាន់ក្រោយសម្រាប់ជាតិ។ ទន្ទឹមនឹងនោះ ទាក់ទាញការយកចិត្តទុកដាក់ឧបត្ថម្ភរបស់សមូហភាពកម្មាភិបាល បុគ្គលិក និងទូទាំងសង្គមក្នុងការគិតគូរដល់ប្អូនៗដែលមានស្ថានភាពលំបាកខ្លាំង។

ជូនអាហារូបករណ៍ដល់ប្អូនឡីហាយ។ រូបថត៖ ក្វឹកត្វឹង

ឆ្លងតាមរយៈទម្រង់នេះ សាខាបក្សចលនាបក្ខជនម្នាក់ៗក្នុងសាខាបក្សដកបៀវត្សក្នុងមួយខែ ២០.០០០ ដុងសម្រាប់ឧបត្ថម្ភសិស្សមានស្ថានភាពលំបាក ០២ រូបនៅសង្កាត់លេខ ៤ ទីក្រុង ត្រាវិញ។ រាល់ដើមត្រីមាស សាខាបក្សចាត់ឲ្យបក្ខជនម្នាក់ក្នុងគណៈប្រតិបត្តិការសាខាបក្ស សហការជាមួយគណៈកម្មាធិការប្រជាជនសង្កាត់លេខ ៤ ទៅដល់ផ្ទះជូនប្រាក់ឧបត្ថម្ភដល់ប្អូនទាំងនោះជាមួយទឹកប្រាក់តាមការ គ្រោងទុក ៦០០.០០០ ដុងក្នុងមួយត្រីមាស។ ចំនួនប្រាក់ឧបត្ថម្ភនេះថ្វីត្បិតមិនច្រើនប៉ុន្តែជាប្រភពកម្លាំងលើកទឹកចិត្ត ជំរុញស្មារតីដើម្បីជួយឲ្យប្អូនៗដែលមានស្ថានភាពលំបាកស្ងប់ចិត្តរៀនសូត្រ ជាពិសេសក្នុងរយៈពេលដែលអាសន្នរោគកូវីដ-១៩ នៅរីករាលដាលស្មុគស្មាញ។

បានដឹងថា ជាមួយទម្រង់នេះ ក្នុងឆ្នាំ ២០២១ កន្លង សាខាបក្សផែនការិយាល័យលេខ ១ ក៏បានឧបត្ថម្ភសិស្សក្រីក្រ ០១ រូបនៅសង្កាត់លេខ ៤ ឲ្យមានលក្ខណៈរៀនសូត្រសម្រេចបានលទ្ធផ លខ្ពស់ក្នុងការប្រឡងយកសញ្ញាបត្រថ្នាក់ទី ១២ ឆ្នាំសិក្សា ២០២០-២០២១៕

                                                                                  ក្វឹកត្វឹង-ថាច់ហ្វាង