សមាគមសហព័ន្ធន៍នារីឃុំភូកឹង៖ គិតគូរដល់ជីវភាពបងប្អូននារីខ្មែរ

     តាំងពីដើមឆ្នាំ សមាគមសហព័ន្ធន៍នារីឃុំ ភូកឹង បានស្វែងយល់អំពីជីវភាពរបស់សមាជិកា បងប្អូននារីដើម្បីផ្សព្វផ្សាយ បំផុសចលនាកម្មាភិបាល សមាជិកា បងប្អូននារីសកម្មក្នុងការចូលរួមបណ្តាចលនា "នារីឧបត្ថម្ភគ្នាពង្រីកសេដ្ឋកិច្ច" អនុវត្តឲ្យល្អគោលការណ៍ សមាគមនៅទាំងបង្កលក្ខណៈងាយស្រួលឲ្យបងប្អូននារីបានបុលទុនអាទិភាព បានចូលរួមបណ្តាវគ្គហ្វឹកហាត់បណ្តុះបណ្តាលវិជ្ជាជីវៈ ផ្ទេរជូនវិទ្យាសាស្ត្រ បច្ចេកវិទ្យាក្នុងការផលិត ចិញ្ចឹមសត្វ ។ល។ ស្ដីពីការពង្រីកសេដ្ឋកិច្ចគ្រួសារ។ លទ្ធផល មានគ្រួសារនារីក្រីក្រ ១៧ គ្រួ គ្រួសារនារីជិតក្រ ៩១ គ្រួ​​។ លុះដល់ដំណាច់ឆ្នាំមាន គ្រួសារក្រីក្រ ០៤ គ្រួបានរួចផុតពីភាពក្រីក្រ ក្នុងនោះ មានគ្រួសារ នារីខ្មែរ ០៣ គ្រួ​។ ​គ្រួសារជិតក្រ  ២៧​ គ្រួបានរួច​ផុត​ពី​ភាពជិតក្រ ​ក្នុង​នោះ​មាន នារី​ខ្មែរ ​១៨ ​គ្រួ ។

ប្រធានសាខាសមាគមនារីភូមិស្វាយមីងអញ្ជើញទៅសួរសុខទុក្ខបងថាច់ធីអ៊ុកដែលទើបសង់បានផ្ទះថ្មី។

     ​ករណី​ពិសេសមួយគឺ សមាជិកា​ ​នារី​ឃុំម្នាក់ៗធ្វើសេនាធិ​ដល់​គណៈកម្មាធិការ​បក្ស និង​ជួយ​ឧបត្ថម្ភទាន់​ពេល នោះគឺករណីគ្រួសារ​បង ថាច់ធីអ៊ុក នៅ​ភូមិ ស្វាយមីង។ គ្រួសារបងថាច់ធីអ៊ុក ជា​គ្រួសារ​ជិតក្រផង និងត្រូវរងគ្រោះធម្មជាតិគឺ ត្រូវខ្យល់កំបុតត្បូងកួចហិនហោចផ្ទះផង។ គ្រួសារគាត់ទើបតែរួចផុតពីភាពក្រីក្រនៅចុងឆ្នាំ ២០២១ លុះដល់ខែសីហា ឆ្នាំ ២០២២ ក៏ជួបនឹងគ្រោះធម្មជាតិនោះ។ សមាគមសហព័ន្ធន៍នារីឃុំ សកម្មក្នុងកិច្ចសហការជាមួយរដ្ឋអំណាចមូលដ្ឋាន ចលនាកម្មាភិបាល សមាជិកា និងប្រជាជនចូលរួមឧបត្ថម្ភថវិកាដល់បងថាច់ធីអ៊ុកចំនួន ០២ លានដុង និងសម្ភារសម្រាប់ប្រើប្រាស់ប្រចាំថ្ងៃ ដើម្បីគ្រួសារគាត់ដោះស្រាយបញ្ហាលំបាក។ ទន្ទឹមនឹងនោះ សមាគមបានធ្វើស្ថិតិផ្ទះដែលត្រូវខូចខាត រួចចលនាបណ្តាអង្គការចាត់តាំងចូលរួមឧបត្ថម្ភដល់គ្រួសារបងអ៊ុកដើម្បីលំនឹងជីវភាព។ តាមរយៈនោះ សមាគមកាកបាទក្រហមស្រុកបានចូលរួមឧបត្ថម្ភថវិកា ២០ លានដុង រួចសមាគមនារីឃុំបង្កលក្ខណៈឲ្យគាត់បុលទុនអាទិភាព ៥០ លានដុងពីធនាគារគោលនយោបាយសង្គម ដើម្បីសាងសង់ផ្ទះឡើងវិញ។

     បងថាច់ធីអ៊ុក បានឲ្យដឹង៖ គ្រួសារខ្ញុំគ្មានដីផលិត ដូច្នោះហើយប្តីប្រពន្ធខ្ញុំ បានជួលដីសម្រាប់ដាំដំណាំជាច្រើនប្រភេទ ដើម្បីដាំ​បន្លែបង្ការ ទទួលប្រាក់​ចំណូល​បាន​ពី ០៦-០៧ លាន​ដុង​ក្នុង​មួយ​ខែដែរ។ ប៉ុន្តែក្នុងរយៈ​កាល ០​២ ឆ្នាំមកនេះ ខ្ញុំឈឺច្រើន បានជា​ជីវភាពគ្រួសារខ្ញុំ​ជួប​ការ​លំបាកច្រើន។ លំបាកជាងទៀតគឺ​ត្រូវរងងគ្រោះធម្មជាតិ ផ្ទះ​ត្រូវខ្យល់កួច​ខូចខាតទាំងអស់ ។ ដោយបានសមាគមសហព័ន្ធន៍​នារី​ឃុំ​បានជំរុញ​ទឹក​ចិត្ត ​និងឧបត្ថម្ភដល់​គ្រួសារ​ខ្ញុំជាបន្ទាន់។ បច្ចុប្បន្នគ្រួសារ​ខ្ញុំ ​មាន​ផ្ទះរឹងមាំ កូនខ្ញុំវាចេះធ្វើជាង រួចវាបានចលនាមិត្តភ័ក្តិមកជួយធ្វើ ទើបផ្ទះនេះសាងសង់បានស្អាត ។ ប្តីប្រពន្ធខ្ញុំ​នឹង​ខិត​ខំ​ធ្វើ​ការ​សន្សំ​ប្រាក់ដើម្បី​សង​បំណុល​ធនាគារ​ឲ្យឆាប់រួចស្រឡះ ។

     បងស្រីថាច់ង៉ុកដេប ប្រធានសមាគមសហព័ន្ធន៍នារីឃុំភូកឹង បានឲ្យដឹងថា៖ ឆ្នាំ២០២៣ សមាគមបន្តការត្រួតពិនិត្យគ្រួសារសមាជិកា បងប្អូននារីក្រីក្រ និងគ្រួសារជិតក្រដើម្បីកសាងផែនការឧបត្ថម្ភ ។ សមាគមបន្តការអនុវត្ត ល្អនូវភារកិច្ចឧបត្ថម្ភបងប្អូននារីពង្រីកសេដ្ឋកិច្ច និងចូលរួមផ្តើមអាជីព។ ឆ្លៀតពេលកេណ្ឌប្រមូលបណ្តាប្រភពទុនវិនិយោគ។ អនុវត្តល្អការត្រួតពិនិត្យការប្រើប្រាស់ដើមទុន ជំនួយឲ្យសមាជិកា​ បងប្អូននារីបង្កើតការយល់ដឹងក្នុងការប្រើប្រាស់ដើមទុន និងធ្វើអាជីវកម្ម ប្រសិទ្ធភាព។

     ឆ្នាំ ២០២២ ក្រៅពីឧបត្ថម្ភបងប្អូននារីជាបន្ទាន់ សមាគមសហព័ន្ធន៍នារីឃុំ ភូកឹង ក៏បានកេណ្ឌប្រមូលបណ្តាប្រភពទុនពីធនាគារគោលនយោបាយសង្គមស្រុក ទុនប្រិតសំចៃ ទុនហ៊ុនជាមួយគ្នា ។ល។ ឧបត្ថម្ភដល់ ១០៥ គ្រួសារ សរុបប្រាក់ទុនជាង ២,៦ ពាន់លានដុង។ កើនតួលេខមកទល់ពេលនេះ សមាគមបានចលនា គ្រប់គ្រងប្រាក់ទុនរបស់បងប្អូន​ជាង ២៨ ពាន់​លាន​ដុង។ បច្ចុប្បន្ននេះ សមាគមបានចលនាសមាជិកា បងប្អូននារីសន្សំសំចៃប្រាក់សម្រាប់ផ្ញើធនាគារគោលនយោបាយសង្គមស្រុកបានជាង ២,៥ ពាន់លានដុង៕

អត្ថបទ‑រូបថត៖សុជា