សមាគមនារីឃុំភឿកហ៊ឹង៖ មានទម្រង់ធ្វើតាមអ៊ំជាច្រើន

អ្នកស្រី ត្រឿងធីង៉ុករ៉ាង ប្រធានសមាគមសហព័ន្ធន៍នារីឃុំភឿកហ៊ឹងបានឲ្យដឹង៖ ទូទាំងឃុំមានសមាជិកា ២.០៦០ នាក់ ប្រជុំជីវភាពនៅ ០៩/០៩ សាខាសមាគម។ ០៥ ឆ្នាំកន្លង សមាគមសហព័ន្ធន៍នារីឃុំតែងយកចិត្តទុកដាក់អនុវត្តសារាចរលេខ ០៥‑CT/TW ចុះថ្ងៃទី ១៥ ឧសភាឆ្នាំ ២០១៦ របស់ការិយាល័យនយោបាយ “ ស្តីពីជំរុញមាំការរៀនសូត្រ និងធ្វើតាមសតិអារម្មណ៍ សីលធម៌ ឥរិយាបថហូជីមិញ “ (សារាចរលេខ ០៥ ) ។ នេះជាសកម្មភាពមានអត្ថន័យជ្រាលជ្រៅចំពោះការអប់រំសតិអារម្មណ៍ជូនកម្មាភិបាល សមាជិកា។ រៀនសូត្រ និងធ្វើតាមអ៊ំនៅទាំងជាវិធីសាស្រ្ត ដើម្បីនារីបន្តការលត់ដំអត្តចរិត រួមចំណែកអនុវត្តល្អភារកិច្ចនយោបាយរបស់មូលដ្ឋាន បង្កើនជីវភាពសម្ភារ និងស្មារតីជូនសមាជិកា។

បងថាច់ធីគីមធ្វី ប្រធានសាខាសមាគមនារីភូមិចើ សំណេះសំណាលថា៖ ចូលរួមហ៊ុនប្រាក់ទុនប្រវាសដៃគ្នាជាមួយគណៈប្រតិបត្តិការសមាគមនារីឃុំ ដោយមានសមាជិកា ១៣ នាក់ ជារៀងរាល់ខែយើងខ្ញុំគបប្រាក់ម្នាក់ៗ ២០០ ពាន់ដុង។ ជា​រៀងរាល់ខែបងប្អូនចូលរួមចាប់ឆ្នោត ក្នុងនោះមានកំណត់ឲ្យម្នាក់ទទួលបានប្រាក់ទុន។ ខ្ញុំទទួលបានប្រាក់ក្នុងខែមីនា ឆ្នាំ ២០២២ ចំនួន ២,៦ លានដុង យកមកទិញឧបករណ៍សម្រាប់ប្រើប្រាស់ក្នុងគ្រួសារ។ ទម្រង់នេះមានប្រយោជន៍ជាក់ស្តែង មិនត្រឹមតែបង្កលក្ខណៈឲ្យបងប្អូនចូលរួមចលនានេះប៉ុណ្ណោះទេ នៅទាំងជំនួយឲ្យបងប្អូនមានដើមទុនសម្រាប់ប្រើប្រាស់ក្នុងគ្រួសារទៀតផង។

សមាគមសហព័ន្ធន៍នារីឃុំភឿកហ៊ឹងជាមួយទម្រង់ហ៊ុនទុនបង្វិលជុំ។ រូបថត៖ ស៊ើងតៀង

សមាគមបានសហការជាមួយធនាគារគោលនយោបាយសង្គមស្រុកថ្កូវ បង្កលក្ខណៈឲ្យគ្រួសារសមាជិកា ៤៣៤ គ្រួបុលទុនសម្រាប់ពង្រីកសេដ្ឋកិច្ច ។ បង្កើតក្រុមប្រិតសំចៃឥណទាន ០៨ ក្រុម ដោយមានសមាជិកា ១០៥ នាក់ បង្កលក្ខណៈឲ្យបងប្អូននារី​ ៧១២ នាក់បុលប្រាក់ជិត ១៨០ លានដុង។ ជំរុញមាំទម្រង់ឧបត្ថម្ភនារីក្រីក្រតាមអាសយដ្ឋាន នារីធ្វើម្ចាស់គ្រួសារ បានផ្សព្វផ្សាយនៅ ៩/៩ សាខាសមាគម។ ឆ្នាំ ២០១៦ ឃុំមាននា​រីក្រីក្រ ៣២៥ នាក់ ជាម្ចាស់គ្រួសារនិងសមាជិកាក្រីក្រ ២៩១ នាក់។ សមាគមរាយការណ៍ជូនគណៈកម្មាធិការបក្ស គណៈកម្មាធិការប្រជាជនដើម្បីឧបត្ថម្ភដោយ​ច្រើនរូបភាពដូចជា៖ បង្កលក្ខណៈឲ្យបុលទុនធនាគារ ទុនប្រិតសំចៃ ទុនបង្វិលជុំ កសាងផ្ទះមេត្តាធម៌។ល។ ក្នុងរយៈកាល ០៥ ឆ្នាំ សមាគមកេណ្ឌប្រមូលទុនបាន ១០ ពាន់លានដុង ជំនួយសមាជិកាក្រីក្រ ៤៥៥ នាក់ សមាជិកាក្រីក្រ ៣២៥ នាក់ជាម្ចាស់គ្រួសារបានបុលទុន ។ ជាលទ្ធផលមានគ្រួសារសមាជិកា ៨៥១ គ្រួ បានរួចផុតពីភាពក្រីក្រ ក្នុងនោះ មានសមាជិកាក្រីក្រ ២៧៤ នាក់ជាម្ចាស់គ្រួសារសមាជិកាក្រីក្រ ៣១៧ នាក់។ បណ្តាសមាជិកាដែលទទួលឧបត្ថម្ភសមាជិកាក្រីក្រ ២៩ នាក់ ដល់ ០៥ ឆ្នាំក្រោយ សមាជិកាទាំងនោះបានរួចផុតពីភាពក្រីក្រទាំងអស់គ្នា។

បងគឹមធីចិន្តា គ្រួសារសមាជិកាក្រីក្រគ្មានដីផលិត ពីរនាក់ប្តីប្រពន្ធគាត់តែងទៅធ្វើការស៊ីឈ្នួលតាមរដូវកាល។ ឆ្នាំ ២០១៨ បងចិន្តា បាន​សា​ខាសមាគមបង្កលក្ខណៈឲ្យបុលទុន ៤០ លានដុង ពីធនាគារគោលនយោបាយសង្គមស្រុកថ្កូវ ដើម្បីពង្រីកសេដ្ឋកិច្ចគ្រួសាររួចផុតពីភាពក្រីក្រ។ ពេលបុលបានប្រភពទុននោះមក គាត់ចំណាយធ្វើរោង និងទិញគោញី ០១ ក្បាល។ អាស្រ័យដោយព្យាយាមពលកម្ម និងចេះសន្សំសំចៃផងនោះ ប្តីប្រពន្ធគាត់ក៏សេសសល់ប្រាក់ជួសជុលផ្ទះបានរឹងមាំ។ ផ្ទះគាត់ដំឡើងជញ្ជាំងឥដ្ឋ ដំបូលប្រក់សង្កសី។ គោគាត់កើតកូនបាន ០៣ ក្បាល។ គាត់លក់គោ ០១ ក្បាលតម្លៃ ៤០ លានដុង។ ឆ្នាំ ២០២០ គ្រួសារគាត់ឈានឡើងជាគ្រួសារជិតក្រ។

ទន្ទឹមនឹងនោះ គណៈអចិន្ត្រៃយ៍សមាគមនារីឃុំបានបំផុសចលនាឧបត្ថម្ភកសាងផ្ទះមេត្តាធម៌ ០៥ ខ្នង ជូនគ្រួសារសមាជិកាក្រីក្រតម្លៃ  ១៥០ លានដុង ។ អ្នកស្រី ត្រឹងធីធូហឿង ប្រធានសាខាសមាគមនារីភូមិចើបានឲ្យដឹងបន្ថែម៖ ឆ្នាំ ២០២០ ដោយឃើញគ្រួសារសមាជិកា គឹមធីកួង ជាគ្រួសារក្រីក្ររស់នៅម្នាក់ឯង យើងខ្ញុំក៏ស្នើសមាគមសហព័ន្ធន៍នារីឃុំចលនាឧបត្ថម្ភផ្ទះមេត្តាធម៌មួយខ្នងតម្លៃ ៤០ លានដុង។

អាចអះអាងបានថា ការរៀនសូត្រ និងធ្វើតាមសតិអារម្មណ៍ សីលធម៌ ឥរិយាបថហូជីមិញ បានរួមចំណែកបង្កើនការយល់ដឹងជូនសមាជិកាសមាគមនារីឃុំភឿកហ៊ឹង ជំនួយឲ្យបងប្អូននារីយល់អំពីតួនាទី ភារកិច្ចរបស់ខ្លួន ចំពោះគ្រួសារ និងសង្គម។ នេះគឺជាការងារសាមញ្ញមែន ប៉ុន្តែមានប្រយោជន៍ជាក់ស្តែង គប្បីរក្សានិងពង្រីកទម្រង់នេះឲ្យបានទូលំទូលាយដល់បណ្តាសាខាសមាគមក្រុមនារីក្នុងទូទាំងខេត្ត៕         

ប្រែសម្រួល៖ សុជា