សមាគមកាកបាទក្រហមស្រុកចូវថាញ់ជាមួយនឹងសកម្មភាពសប្បុរសធម៌ សង្គម

          សមាគមកាកបាទក្រហមស្រុកចូវថាញ់ មានសមាជិកជាង ៥.៦០០នាក់។ ដោយ កំណត់ថា ការងារមនុស្សធម៌មានតួនាទីសំខាន់ ជាច្រើនឆ្នាំកន្លង សមាគមកាកបាទក្រហមតែងសហការស្អិតល្មួតជាមួយគណៈកម្មាធិការបក្ស រដ្ឋអំណាច និងអង្គការមហាជនចលនាប្រជាជនចូលរួមអនុវត្តបណ្តាសកម្មភាព សប្បុរសធម៌សង្គមដូចជា៖ ចូលរួមបណ្តាចលនាគិតគូរដល់ជីវភាពគ្រួសារក្រីក្រ អ្នករងគ្រោះព្រោះជាតិពុលឌីអូស៊ីន ជូនរទេះរមៀលដល់ជនពិការ កសាងផ្ទះមេត្តាធម៌ បរិច្ចាគឈាមស្ម័គ្រចិត្ត ពិនិត្យ ព្យាបាលជំងឺដោយឥតគិតថ្លៃ។ល។ ជាលទ្ធផល តាំងពីដើមឆ្នាំ ២០២២ មកទល់ពេលនេះ សមាគមចលនាថវិកាបាន ០៩ ពាន់លានដុងសម្រាប់អនុវត្តការងារជាក់ស្តែងដូចពោលខាងលើ។ ជាក់ស្តែងគឺជូនអំណោយជាង ១៥ ពាន់ចំណែកដល់គ្រួសារក្រីក្រ អ្នកមានវ័យចាស់រស់នៅម្នាក់ឯង កុមារកំព្រា។ ជូនអាហារូបករណ៍ជាង ២០០ ចំណែកដល់សិស្សក្រីក្រ។ ឧបត្ថម្ភប្រាក់ទិញប័ណ្ណគាំពារសុខាភិបាលជូនអ្នកមានវ័យចាស់ ១២០ នាក់ឧបត្ថម្ភប្រាក់ដល់អ្នកជំងឺជាង ៣០០ នាក់ ទៅសង្គ្រោះជាបន្ទាន់។ល។ អនុវត្តតាមគោលលំនាំ“​អង្គការ​នីមួយៗ បុគ្គលម្នាក់ៗផ្សារភ្ជាប់ជាមួយ​អាសយដ្ឋាន​មនុស្សធម៌មួយកន្លែង”​ សមាគម​ចលនាបណ្តាសប្បុរសជនទៅសួរសុខទុក្ខ និងជូនអង្ករប្រចាំខែ​ដល់​គ្រួសារ​ជួប​ការលំបាក​ជាង ៥០០​គ្រួសារ និង​ឧបត្ថម្ភ​ប្រាក់​ដល់​អ្នកជំងឺ​ក្រីក្រ ១៧០ ​នាក់ សរុប​ទឹកប្រាក់ជិត ៤០០​ លានដុង។ ជាមួយអនុសាសន៍ “ផ្សារភ្ជាប់ ចែករំលែក និងសាយភាយ” សមាគមផ្តុំកម្លាំងផ្សព្វផ្សាយ ចលនា ជូនអំណោយ ៥៨៦ ចំណែកដល់គ្រួសារក្រីក្រ ជិតក្រ អ្នកមានវ័យចាស់រស់នៅម្នាក់ឯង ជូនទោចក្រយាន ១២ គ្រឿងដល់សិស្សក្រីក្រ ជូនអំណោយដល់អាសយដ្ឋានមនុស្សធម៌ ៦៧ កន្លែងឧបត្ថម្ភអ្នកជំងឺ ១២០ នាក់ ព្យាបាលជំងឺភ្នែកដោយឥតគិតថ្លៃ ឧបត្ថម្ភសាងសង់ផ្ទះមេត្តាធម៌ ០៦ ខ្នង សរុបទឹកប្រាក់ជិត ៣០០ លានដុង ។

លោកវិញក្វឹកយុង ប្រធានសមាគមកាកបាទក្រហមស្រុកចូវថាញ់ ជូនអំណោយដល់មីងស៊ើងធីហាញ់។

        លោកវិញក្វឹកយុង ប្រធានសមាគមកាកបាទក្រហមស្រុកចូវថាញ់បានឲ្យដឹងថា៖ គោលបំណងធំបំផុតរបស់សមាគមគឺធ្វើនូវការងារមនុស្សធម៌ ដើម្បីនាំមកសេចក្តីសុខដល់អ្នកដែលត្រូវរងគ្រោះធម្មជាតិ គ្រោះអគ្គិភ័យជាដើម ។ សមាគមតែងបង្កើនការផ្សព្វផ្សាយ ចលនាសប្បុរសជន រួមចំណែកក្នុងការអនុវត្តន៍ការងារមនុស្សធម៌។ ទន្ទឹមនឹងនោះ សមាគមសកម្មក្នុងការផ្សព្វផ្សាយអនុវត្តភារកិច្ចសំខាន់ៗរបស់សមាគម ច្បាមយកបណ្តាចលនាប្រឡងប្រណាំងស្នេហាជាតិ អាស្រ័យសមាគមកាកបាទក្រហមថ្នាក់លើបំផុសចលនា។ ក្នុងនោះផ្តុំកម្លាំងកសាងអង្គការសមាគមមូលដ្ឋានរឹងមាំ បង្កើនគុណភាព ប្រសិទ្ធភាពធ្វើសកម្មភាព និងពង្រីកតួនាទីរបស់សមាជិកម្នាក់ៗសកម្មក្នុងការចលនាសប្បុរសជន៕

អត្ថបទ‑រូបថត៖ សុជា