សម្ព័ន្ធយុវជនស្រុកកូវកែ៖ ប្រឡងប្រណាំងបង្កើតស្នាដៃអំណរមហាសន្និបាតសម្ព័ន្ធយុវជនគ្រប់លំដាប់ថ្នាក់ និងអំណរ អនុស្សាវរីយ៍ឆ្នាំទី ៣0 បង្កើតខេត្តឡើងវិញ

គិតដល់ថ្ងៃទី ០៦ ខែមីនា សម្ព័ន្ធយុវជនគ្រប់លំដាប់ថ្នាក់ក្នុងស្រុកកសាងសំណង់ជាច្រើនដូចជា៖ ដាំផ្កាតាមសងខាងផ្លូវ កសាងផ្លូវ បេតុង ស្ពានជនបទ។ល។ គិតជាតម្លៃជាង ១,១ ពាន់លានដុង។

ស្ពានជនបទនៅភូមិអូររំចេក ឃុំថុងហ្វា ជាសំណង់របស់គណៈអចិន្ត្រៃយ៍សម្ព័ន្ធយុវជនស្រុកកូវកែ បានចុះឈ្មោះជាសំណង់យុវជន ថ្នាក់ស្រុក ដើម្បីអំណរមហាសន្និបាត គ្រប់លំដាប់ថ្នាក់ និងអំណរអនុស្សាវរីយ៍ឆ្នាំទី ៣0 ទិវា បង្កើតខេត្តត្រាវិញឡើងវិញ។ ស្ពានមានទទឹង​ជាង ០៣ ម៉ែត្រ ប្រវែង ២៣ ម៉ែត្រសរុប​ថវិកា​កសាងជិត ២០០ លាន​ដុង។ ក្នុងនោះ លោក ដូតឹងភី  ការិយាល័យឱសថបុរាណភូមិតាឱក ឃុំថុងហ្វា ចលនាសប្បុរសជនឧបត្ថម្ភ ១៦០ លានដុង គណៈអចិន្ត្រៃយ៍សម្ព័ន្ធយុវជនស្រុកកូវកែចលនាសមាជិកសម្ព័ន្ធយុវជន  និងប្រជាជនចូលរួមជាប្រាក់ សម្ភារ និងកម្លាំងពលកម្ម គិតជាតម្លៃ ៤០ លានដុង។

កងកម្លាំងយុវជនឃុំចូវដៀង ចូលរួមធ្វើផ្លូវបេតុងនៅភូមិតាឱកត្បូងនាយ។

សំណង់នៅភូមិតាឱកត្បូងនាយ ឃុំចូវដៀង ជាសំណង់ថ្នាក់ឃុំ ទីប្រជុំជន។ សំណង់នេះ ដំណើរការកសាង និងដាក់ឲ្យប្រើប្រាស់នៅខែកុម្ភៈ។ នេះជាសំណង់ផ្លូវបេតុង ទទឹង ០២ ម៉ែត្រ ប្រវែងជាង ៥០០ ម៉ែត្រ សរុបថវិកាកសាង ១៥០ លានដុង អាស្រ័យដោយព្រះតេជគុណ ថាច់ឡែ ព្រះចៅអធិការវត្ត តាឱក ចលនាពុទ្ធបរិស័ទចូលរួមវិភាគទានជាង ១២០ លានដុង ចំនួនក្រៅពីនោះអាស្រ័យសម្ព័ន្ធយុវ ជនឃុំចូវដៀងចលនាយុវជនកសាង។

ផ្លូវគមនាគមន៍ជនបទ។

បង ង្វៀងធីធូត្រាង នៅភូមិតាឱកត្បូងនាយ សំណេះសំណាល៖ ដោយសារនៅទីនេះមានគ្រួសារប្រជាជនត្រឹមតែ 0៧ គ្រួ។ ពី​ផ្ទះ​ខ្ញុំ​ទៅដល់​ផ្លូវ​ថ្នល់ធំ បើ​ធ្វើ​ដំណើរតាមភ្លឺស្រែ​ប្រហែល ០៤  គីឡូម៉ែត្រ ​បើ​ជិះទូក​តាមប្រឡាយ​វិញ​ចម្ងាយ​ជាង ០១ គីឡូម៉ែត្រ។ ខ្ញុំមិនភ្លេចកាលកូនប្រុសខ្ញុំនៅរៀនបឋមសិក្សា ផ្ទះខ្ញុំគ្មានទូក ពេលកូនទៅរៀនរដូវវស្សា  ផ្លូវល្បាប់ប៉ប៉ិចប៉ប៉ាក់ជូនកូនដល់ផ្លូវថ្នល់ធំ ក៏ចូលផ្ទះមាមីងសុំងូតទឹកឲ្យកូនរួចទើបនាំកូនទៅសាលារៀន។ បច្ចុប្បន្ន កូន​ប្រុស​ខ្ញុំរៀនចប់​មហាវិទ្យាល័យ​ហើយ។ ពេល​ដឹងថា​ ព្រះចៅអធិការ​វត្តតាឱកចលនាកសាង​ផ្លូវ​នេះ  គ្រួសារ​ខ្ញុំ និងគ្រួសារមាមីង​នៅ​ទី​នេះ​ត្រេកអរណាស់។ គ្រួសារណាមានលទ្ធភាពក៏ចូលរួមជាប្រាក់គ្រួសារ​លំបាកចូល​រួមកម្លាំង។ គ្រួសារខ្ញុំចូលរួមប្រាក់ ០៥ លានដុង និងកម្លាំងដើម្បីកសាងផ្លូវបេតុងនេះលុះបានសម្រេច។   បងង្វៀងធីធ្វីហ្វិន អនុលេខាសម្ព័ន្ធយុវជនស្រុកកូវកែបានឲ្យដឹង៖ សម្ព័ន្ធយុវជនស្រុកបង្កើនការផ្សព្វផ្សាយ អនុវត្តបណ្តាចលនាប្រឡងប្រណាំងដើម្បីបង្កើតស្នាដៃអំណរមហាសន្និតបាតសម្ព័ន្ធយុវជនគ្រប់លំដាប់ថ្នាក់ និងអំណរអនុស្សាវរីយ៍ឆ្នាំទី ៣0 ទិវាបង្កើតខេត្តត្រាវិញឡើងវិញភ្ជាប់ជាមួយអំណរអនុស្សាវរីយ៍ឆ្នាំទី ៩១ ទិវាបង្កើតសម្ព័ន្ធយុវជនកុម្មុយនិស្តហូជីមិញ (ទី ២៦ មីនា ឆ្នាំ ១៩៣១ ‑ ទី ២៦ មីនា ឆ្នាំ ២០២២)។ បណ្តាសំណង់ និងកិច្ចការជាក់ស្តែងរបស់យុវជន បានផ្សព្វផ្សាយ អនុវត្ត លើគ្រប់វិស័យជីវភាព សង្គម ពោរពេញដោយស្នាមអនុស្សារបស់យុវជន។​ ទង្វើទាំងនោះបានសាយភាយក្នុងសហគមន៍។ ឆ្លងតាមរយៈនោះ ជំរុញស្មារតីកម្មាភិបាល សម្ព័ន្ធយុវជនឲ្យមានមោទនភាពចំពោះប្រវេណីរបស់សម្ព័ន្ធយុវជនកុម្មុយនិស្តហូជីមិញ និងបន្តពង្រីកស្មារតីស្ម័គ្រចិត្តចូលរួមធ្វើកិច្ចការមានប្រយោជន៍ជូនសហគមន៍។ ផ្តើមពីចលនាជាក់ស្តែងទាំងនោះ នៅទាំងរួមចំណែកបង្កលក្ខណៈឲ្យយុវជនមានបរិស្ថានរៀនសូត្រ លត់ដំអត្តចរិត ដើម្បីមានវ័យវឌ្ឍនាការល្អ។

សម្ព័ន្ធយុវជនស្រុកកូវកែ មានសមាជិកជាង ៣.៧៣០ ​នាក់ ក្នុង​នោះ​សមាជិកជន​ខ្មែរ​ជាង ២៤%៕

អត្ថបទ‑រូបថត៖ សុជា