សន្និបាតប្តូរវេនម្តុំប្រឡងប្រណាំងជំរុញការសិក្សាបណ្តាខេត្ត ក្រុងតំបន់វាលទំនាបទន្លេគឺវឡុង

15/12/2022 14:48

កាលពីថ្ងៃទី ១២ ខែធ្នូ ម្តុំប្រឡងប្រណាំងជំរុញការសិក្សាបណ្តាខេត្ត ក្រុងតំបន់វាលទំនាបទន្លេគឺវឡុងចាត់តាំងសន្និបាតប្តូរវេនលើកទី ២៧ ផ្តោះប្តូរបទពិសោធន៍ការងារជំរុញការសិក្សា ជំរុញបញ្ញា កសាងសង្គមរៀនសូត្រឆ្នាំ ២០២២។

អញ្ជើញចូលរួមមាន អនុសាស្ត្រាចារ្យ-បណ្ឌិត ទ្រឿងធីហៀង អនុប្រធានសមាគមជំរុញការសិក្សាវៀតណាម បណ្តាសមមិត្តឡេថាញ់បិញ សមាជិកអចិន្ត្រៃយ៍បក្សខេត្ត អនុប្រធានគណៈកម្មាធិការប្រជាជនខេត្ត ផាមតៀកកឿង អនុប្រធានគណៈកម្មាធិការរណសិរ្សមាតុភូមិវៀតណាមខេត្ត ង្វៀងធីខា ប្រធានសមាគមជំរុញការសិក្សាខេត្ត លោកឡឹមហ្វាងឡុក ប្រធានក្រុមប្រឹក្សាគ្រប់គ្រងមូលនិធិប្រាជ្ញាខេត្តត្រាវិញ ថ្នាក់ដឹកនាំសមាគមជំរុញការសិក្សាបណ្តាខេត្ត ក្រុងតំបន់វាលទំនាបទន្លេគឺវឡុង។

លោកឡេថាញ់បិញជូនគ្រឿងអនុស្សរិយយស “ព្រោះបុព្វហេតុជំរុញការសិក្សា”។ រូបថត៖ ហុងញុង

ឆ្នាំ ២០២២ ម្តុំប្រឡងប្រណាំងជំរុញការសិក្សាបណ្តាខេត្ត ក្រុងតំបន់វាលទំនាបទន្លេគឺវឡុងពង្រីកសមាជិកសមាគមជំរុញការសិក្សាថ្មីបាន ២៧១.៨០២ នាក់ បង្កើនចំនួនទូទាំងម្តុំមកដល់ពេលនេះឡើងបាន ៤.២៧៧.៣៣៧ នាក់ កើនសមាជិក ១៩២.០៤៥ នាក់បើប្រៀបធៀបជាមួយនឹងឆ្នាំ ២០២១។ ចាត់តាំងបើកវគ្គហ្វឹកហាត់ផ្សព្វផ្សាយបណ្តាគោលការណ៍ គោលមាគ៌ារបស់បក្ស បណ្តាគម្រោងការ សេចក្តីសម្រេចចិត្តរបស់នាយករដ្ឋមន្ត្រីនៃរដ្ឋាភិបាល សេចក្តីសម្រេចចិត្តមហាសន្និបាតគ្រប់លំដាប់ថ្នាក់ លក្ខន្តិកៈសមាគមជំរុញការសិក្សាវៀតណាម អំពីការងារចាត់តាំងសមាគម កសាងមូលនិធិជំរុញការសិក្សា ណែនាំបង្កើតសំណុំលិខិត បញ្ជីចំណូល ចំណាយ ស្ថិតិរបាយការណ៍ ហ្វឹកហាត់មុខជំនាញជូនកម្មាភិបាលសមាគមស្រុក និងមូលដ្ឋាន បណ្តាផែនការរបស់មូលដ្ឋាន និងណែនាំរបស់សមាគមជំរុញការសិក្សាខេត្ត ក្រុងបាន ៦.៦៦៤ វគ្គដោយមានមនុស្សចូលរួម ២៧៤.៦៥៧ នាក់។ ឆ្នាំ ២០២២ ក្នុងទូទាំងម្តុំប្រឡងប្រណាំងចលនាកសាងមូលនិធិជំរុញការសិក្សា ជំរុញបញ្ញា (សាច់ប្រាក់ និងសម្ភារគិតទឹកជាប្រាក់)បាន ៧៦៧,៨៣៩ ពាន់លានដុង កើន ៤២,៣៨% ប្រៀបធៀបជាមួយនឹងឆ្នាំ ២០២១។ ឆ្លងតាមនោះជូនអាហារូបករណ៍ ជូនអំណោយ និងស្ងើចសរសើរដល់សិស្សមានស្ថានភាពទុក្ខលំបាករៀនសូត្របានពូកែចំនួន ១.២៦១.១១៨ ពាន់លានដុង។ ខេត្ត ក្រុងជាច្រើនចលនាមូលនិធិជំរុញការសិក្សាសម្រេចបានច្រើនបំផុតដូចជា៖ ខេត្តបេនទ្រែជាង ១៣៨ ពាន់លានដុង ដុងថាបជាង ៩៧ ពាន់លានដុង អាងយ៉ាងជាង ៦៩ ពាន់លានដុង កឹងធើជាង ៦៣ ពាន់លានដុង សុកត្រាំង ៦១ ពាន់លានដុង។ល។

លោកឡេថាញ់បិញជូនអាហារូបករណ៍ ៩០ ចំណែកដល់សិស្សក្រីក្រ ជិតក្រ។ រូបថត៖ ហុងញុង

កម្មវិធី “រលក និងម៉ាស៊ីនកំព្យូទ័រសម្រាប់ប្អូនៗ” អាស្រ័យដោយសមាគមជំរុញការសិក្សាវៀតណាមបំផុសចលនាកាលពីខែកញ្ញា ឆ្នាំ ២០២១ មកដល់ពេលនេះ បណ្តាខេត្ត ក្រុងក្នុងម្តុំប្រឡងប្រណាំងចលនាកំព្យូទ័របាន ១០.៥៥៣ គ្រឿង កំព្យូទ័រថេប្លែត ៦.៧៥០ គ្រឿង ទូរស័ព្ទចល័ត ៣២.៨៤០ គ្រឿង។ល។ គិតជាតម្លៃជាង ២០ ពាន់លានដុង។ ទន្ទឹមនឹងនោះ សមាគមជំរុញការសិក្សាបណ្តាខេត្ត ក្រុងនៅទាំងរក្សាខ្ជាប់ និងផ្សព្វផ្សាយដោយមានប្រសិទ្ធភាពបណ្តាទម្រង់ “ចិញ្ចឹមជ្រូកដីជំរុញការសិក្សា” “គេហដ្ឋានជំរុញការសិក្សាសុខសាន្ត” “ផ្ទះសុខដុមជំរុញការសិក្សា” “ ៣ គ្រប់” ១+១ និង១+n កម្មវិធីសៀវភៅជូនផ្ទាល់ដៃ-ស្ពានតភ្ជាប់ក្តីស្រឡាញ់។

មានយោបល់ក្នុងសន្និបាត អនុសាស្ត្រាចារ្យ-បណ្ឌិត ទ្រឿងធីហៀងស្ងើចសរសើរ និងកំណត់ត្រានូវបណ្តាការរួមវិភាគទានយ៉ាងសកម្មរបស់ការងារជំរុញការសិក្សា ជំរុញបញ្ញារបស់បណ្តាខេត្ត ក្រុងតំបន់វាលទំនាបទន្លេគឺវឡុងកន្លងហើយ។ គប្បីបន្តអនុវត្តបណ្តាកម្មវិធី គម្រោងការរបស់នាយករដ្ឋមន្ត្រីនៃរដ្ឋាភិបាលស្តីពីការ “កសាងសង្គមរៀនសូត្រ” “ជំរុញចលនារៀនសូត្រអស់មួយជីវិតក្នុងគ្រួសារ ត្រកូល សហគមន៍ អង្គភាពរៀនសូត្រ” និង “កសាងទម្រង់ពលរដ្ឋរៀនសូត្រដំណាក់កាល ២០២១-២០៣០។ល។ សង្ឃឹមថា សមាជិកទាំងអស់ក្នុងម្តុំលេខ ៨ នឹងបន្ត ខិតខំជាងទៀត ប្តេជ្ញាចិត្តអនុវត្តសម្រេចជោគជ័យបណ្តាភារកិច្ច វិធានការការងារជំរុញការសិក្សា ជំរុញបញ្ញា កសាងសង្គមរៀនសូត្ររបស់ម្តុំក្នុងឆ្នាំ ២០២៣។

ក្នុងឱកាសនេះដែរ សមាគមជំរុញការសិក្សាខេត្តត្រាវិញមានបុគ្គល ០១ រូបបានទទួលគ្រឿងអនុស្សរិយយស “ព្រោះបុព្វហេតុជំរុញការសិក្សា” ប្រធានគណៈកម្មាធិការប្រជាជនខេត្តជូនប័ណ្ណសរសើរដល់បុគ្គល ០១ រូបដែលមានស្នាដៃរួមវិភាគទានក្នុងចលនាជំរុញការសិក្សា ជំរុញបញ្ញា កសាងសង្គមរៀនសូត្រ។សមាគមជំរុញការសិក្សាខេត្តត្រាវិញជូនអាហារូបករណ៍ ៩០ ចំណែកដល់សិស្សក្រីក្រ ជិតក្រ ក្នុងមួយចំណែកៗ ០១ លានដុង សមាគមជំរុញការសិក្សាទីក្រុងកឹងធើជូនសៀវភៅ ១.០០០ ក្បាលដល់សមាគមជំរុញការសិក្សាឃុំឡុងថើយ ស្រុកទីវកឹង៕

ប្រែសម្រួល៖ រតនា