វត្តផ្នោរអំពូងចេញបង្ហាញមុខបន្ទប់ពិនិត្យ ផ្ដល់ថ្នាំឥតគិតថ្លៃ

វេជ្ជបណ្ឌិតពិនិត្យជំងឺជូនជនរួមជាតិខ្មែរ។

ថ្លែងថេរដីកាក្នុងពិធីចេញបង្ហាញមុខបន្ទប់ពិនិត្យ ផ្ដល់ថ្នាំឥតគិតថ្លៃវត្តផ្នោរអំពូង ព្រះតេជគុណ ថាច់សុវណ្ណ មានសង្ឃដីកាថា៖ ដោយយល់ឃើញក្រោយពេលបង្ការ ទប់ស្កាត់អាសន្នរោគកូវីដ‑១៩ ជាពេលដែលជនរួមជាតិខ្មែរមានភាពខ្សត់ខ្សោយបានប្រសព្វជាមួយការពិនិត្យ​ ព្យាបាលជំ​ងឺនៅមូលដ្ឋាន ម៉្លោះហើយអាត្មាមានបំណងសហការជាមួយក្រុមគ្រូពេទ្យ វេជ្ជបណ្ឌិតទីក្រុងហូជីមិញ រួមជាមួយរដ្ឋអំណាចមូលដ្ឋានបើកបន្ទប់ពិនិត្យ និងផ្ដល់ថ្នាំដោយ​ឥតគិតថ្លៃនៅក្នុងវត្ត រួមចំណែកក្នុងការថែទាំសុខភាពជូនជនរួមជាតិខ្មែរ។

បន្ទប់ពិនិត្យ មានក្រុមគ្រូពេទ្យ វេជ្ជបណ្ឌិតខេត្តត្រាវិញប្រចាំការនៅថ្ងៃសៅរ៍  និងអាទិត្យប្រចាំ សប្ដាហ៍ ដើម្បីពិនិត្យ ផ្ដល់ថ្នាំឥតគិតថ្លៃជូនមាមីង។ ក្រោយពេលចេញបង្ហាញមុខ ក្រុមគ្រូពេទ្យ វេជ្ជបណ្ឌិតទីក្រុងហូជីមិញ(រួមមាន ១៤ រូប) ធ្វើការពិនិត្យ ផ្ដល់ថ្នាំព្យាបាលជំងឺជូនមាមីងពុទ្ធបរិស័ទបានជាង ៣០០ លើកនាក់។ តាមប្រសាសន៍របស់លោកត្រឹងទ្រុងហ៊ីវ ប្រធានក្រុម ទៀងបាងហ៊ឺវ (ទីក្រុងហូជីមិញ) ក្នុងលើកពិនិត្យ ផ្ដល់ថ្នាំឥតគិតថ្លៃជូនមាមីងដំបូងនេះ យើងខ្ញុំត្រៀមបម្រុងថវិកាប្រមាណ ៥០ លានដុង ក្នុងបណ្ដាថ្ងៃជាបន្តបន្ទាប់ទៀត យើងខ្ញុំបន្តប្រើប្រាស់មូលនិធិរួមវិភាគទាន​របស់ក្រុមសម្រាប់ពិនិត្យ ផ្ដល់ថ្នាំឥតគិតថ្លៃជូនមាមីង។ សកម្មភាពរបស់ក្រុមយើងខ្ញុំតែងទទួលបានការយកចិត្តទុកដាក់យ៉ាងជ្រាលជ្រៅរបស់ព្រះចៅអធិការវត្តផ្នោរ អំពូងអំពីទីកន្លែងឈប់សម្រាករបស់បណ្ដាគ្រូពេទ្យ វេជ្ជបណ្ឌិត ក៏ដូចជារដ្ឋអំណាច ផ្នែកមានសមត្ថកិច្ចជួយជ្រោមជ្រែងការងារធានាសន្តិសុខសណ្ដាប់ធ្នាប់។ល។ យើងខ្ញុំសង្ឃឹមថា បណ្ដាថ្ងៃសៅរ៍ អាទិត្យនៅពេលខាងមុខ ការពិនិត្យ ផ្ដល់ថ្នាំឥតគិតថ្លៃជូនដល់មាមីងនឹងប្រព្រឹត្តទៅបានល្អប្រសើរជាង មាមីងនឹងអញ្ជើញមកពិនិត្យច្រើនជាងនេះទៀត៕

ដំណឹង‑រូបថត៖ ថាច់សម្បត្តិ