09/03/2021 08:52
វត្តពុទ្ធសាសនាគណៈមហានិកាយខ្មែរនៅខេត្តត្រាវិញនិយាយរួម វត្តបទុមឈូក (ចុងមិសថ្មី) ស្ថិតនៅភូមិចុងមិស ឃុំញ៉ីត្រឿង ស្រុកកូវង៉ាងនិយាយដោយឡែក មិនត្រឹមតែជាកន្លែងសម្រាប់សក្ការៈបូជារបស់ព្រះសង្ឃ ពុទ្ធបរិស័ទហើយនៅទាំងជាមជ្ឈមណ្ឌលអប់រំបណ្ដុះបណ្ដាលអក្សរសាស្រ្ត វប្បធម៌ សីលធម៌ ជីវភាពរបស់ជនរួមជាតិខ្មែរទៀតផង។វត្តបានកសាងនៅឆ្នាំ ១៨៨២ ជាវត្តមួយក្នុងចំណោមវត្តបុរាណក្នុងស្រុកកូវង៉ាង ខេត្តត្រាវិញ។ ប៉ុន្មានឆ្នាំមកអាយនេះ គណៈកម្មការវត្តតែងយកចិត្តទុកដាក់ដល់ការអភិរក្ស និងអភិវឌ្ឍលក្ខណៈល្អល្អះអំពីវប្បធម៌ ប្រពៃណី ក្នុងនោះមានភាសានិងអក្សរសាស្រ្តខ្មែរ។ ជារៀងរាល់ឆ្នាំ បណ្តាថ្នាក់ពុទ្ធិកសិក្សាសម្រាប់សមណសិស្ស និងសិស្សជាកូនចៅខ្មែរក្នុងភូមិ តែងបានបើកក្នុងវត្តដោយមានចំនួន ២ ថ្នាក់គឺ ថ្នាក់ពុទ្ធិកមធ្យមសិក្សាបឋមភូមិឆ្នាំទី១ (បាលីទី១) មានសមណសិស្សនិងសិស្សប្រមាណជាង ២០ អង្គនិងរូបចូលរួមសិក្សា ថ្នាក់ពុទ្ធិកមធ្យមសិក្សាទុតិយភូមិឆ្នាំទី២ (គរុកោសល្យទី ២) មានសមណសិស្ស និងសិស្សប្រមាណ ៣៥ អង្គនិងរូប។ លទ្ធផលសិក្សាសម្រេចបានខ្ពស់ជារៀងរាល់ឆ្នាំ ដោយឡែកឆ្នាំសិក្សា ២០២០-២០២១ នេះ សមណសិស្ស និងសិស្សប្រឡងជាប់ថ្នាក់ ១០០%។
ក្រៅពីការបើកសាលាជាផ្លូវការរៀងរាល់ឆ្នាំ វត្តនៅទាំងបើកថ្នាក់បំប៉នដល់សមណសិស្សនិងសិស្សដែលមិនទាន់ចេះអាន ចេះសរសេរភាសាខ្មែរ ដើម្បីជួយដល់ការអាន និងសរសេរឱ្យបានស្ទាត់ជំនាញ បំពាក់បំប៉នចំណេះដឹងដើម្បីត្រៀមចូលរៀនថ្នាក់ពុទ្ធិកមធ្យមសិក្សាបឋមភូមិឆ្នាំទី១។ ជាពិសេសក្នុងវត្តមានព្រះសង្ឃ ២ អង្គបានសមាគមព្រះសង្ឃសាមគ្គីស្នេហាជាតិខេត្តត្រាវិញបញ្ជូនទៅសិក្សានៅព្រះរាជាណាចក្រថៃផ្នែកខាងបាលី។ ទន្ទឹមនឹងនោះ ក្នុងឱកាសបានសម្រាករៀនភាសាសកលជារៀងរាល់ឆ្នាំ វត្តបើកថ្នាក់បង្រៀនភាសាខ្មែរពីថ្នាក់ទី ១ ដល់ថ្នាក់ទី ៥ ដោយមានចំនួនសិស្សានុសិស្សជិត ៣០០ រូបជាកូនចៅរបស់ជនរួមជាតិ ខ្មែរក្នុងភូមិ។ ឆ្លងតាមវគ្គសិក្សានេះប្អូនៗយល់ដឹងបន្ថែមអំពីភាសា អក្សរសាស្រ្តរបស់ជនជាតិ ខ្លួន ហើយបានព្រះសង្ឃពន្យល់អំពីទ្រឹស្តី ព្រះពុទ្ធសាសនា ទំនៀមទម្លាប់ សីលធម៌ របៀបរស់នៅ លក្ខណៈពិសេសរបស់ជាតិ។
ព្រះតេជគុណថាច់កាលី ព្រះចៅអធិការរងវត្តចុងមិសថ្មីបានចែករំលែក៖ ដើម្បីសម្រេចបានលទ្ធផលទាំងនោះ វត្តចលនាបានសកម្មផ្សព្វផ្សាយដល់ប្រជាពុទ្ធបរិស័ទឲ្យយល់អំពីសារសំខាន់អំពីការរៀនភាសាខ្មែរ។ វត្តតែងយកចិត្តទុកដាក់ឧបត្ថម្ភដល់សមណសិស្ស និងសិស្សដែលមានស្ថានភាពលំបាក ដើម្បីមានឱកាសចូលរៀនភាសាខ្មែរក្នុងវត្ត។
ទន្ទឹមនឹងការអប់រំបណ្ដុះបណ្ដាលអក្សរសាស្រ្ត វត្តនៅទាំងយកចិត្តទុកដាក់ដល់ការអប់រំសីលធម៌របៀបរស់នៅ បង្ហាត់បង្រៀនពុទ្ធបរិស័ទត្រូវចេះគោរព ស្រឡាញ់រាប់អាន ជួយគ្នាទៅវិញទៅមក មានរបៀបរស់នៅត្រឹមត្រូវ ទៅតាមគន្លងធម៌ព្រះពុទ្ធសាសនា។ ក្រៅពីនេះ វត្តនៅទាំងសកម្មក្នុងការចលនាប្រជាពុទ្ធបរិស័ទឲ្យអនុវត្តល្អគោលការណ៍ គោលនយោបាយ ច្បាប់របស់បក្សនិងរដ្ឋ។
ព្រះតេជគុណថាច់តារា អនុប្រធានសមាគម ព្រះសង្ឃសាមគ្គីស្នេហាជាតិស្រុកកូវង៉ាងមានថេរដីកាថា៖ វត្តចុងមិសថ្មី គឺជាវត្តមួយក្នុងចំណោមវត្តតែងសកម្មក្នុងការចលនាសមណសិស្ស សិស្សរៀនអក្សរសាស្រ្តខ្មែរនៅស្រុកកូវង៉ាង។ ឆ្លងតាមនោះរួមចំណែកក្នុងការអភិរក្ស និងអភិវឌ្ឍអក្សរសាស្រ្ត លក្ខណៈល្អល្អះវប្បធម៌ខ្មែរ និងអនុវត្តល្អជានិច្ចកិច្ចការអប់រំតាមកិច្ចចង្អុលការរបស់សមាគមព្រះសង្ឃសាមគ្គីស្នេហាជាតិស្រុកកូវង៉ាង៕
អត្ថបទ-រូបថត៖ ថាញ់តាយ
.gif)
រួមជាមួយការបន្តលើកកម្ពស់គុណភាព បំពេញរួចរាល់បណ្ដាលក្ខឋានទីក្រុងប្រភេទ ២ បក្ខភាគ រដ្ឋអំណាច និងប្រជាជនទីក្រុងត្រាវិញបាន និងកំពុងខិតខំដើម្បីទីក្រុងត្រាវិញក្លាយជាទីក្រុងឆ្លាត អារ្យធម៌ ទំនើប។ រក្សាខ្ជាប់បានគុណភាពខ្យល់អាកាសបរិសុទុ្ធ(រៀបចំណាត់ថ្នាក់ទី ៣ ក្នុងក្រុម ទីក្រុងមានគុណភាពចំនួន ១៥ ដែលមានគុណភាពខ្យល់អាកាសបរិសុទ្ធបំផុតនៅអាស៊ីអាគ្នេយ៍ និងរៀបចំណាត់ថ្នាក់ខ្យល់អាកាសបរិសុទ្ធបំផុតវៀតណាម) ដូចការប្រកាសរបស់ស្ថាប័នតាមដានគុណភាពខ្យល់អាកាសទូទាំងសកល-ស្វិស (IQAir)កាលពីខែមីនា ឆ្នាំ ២០២៤។
