លោកថាច់ថាំង៖ រៀនសូត្រតាមអ៊ំអំពីចរិតឧស្សាហ៍ ប្រិតសំចៃ

     ចរិតឧស្សាហ៍បានលោកកំណត់ថាជាមូលហេតុបង្កចេញជាទ្រព្យសម្បត្តិ សម្ភារធ្វើមានសម្រាប់គ្រួសារ។ ផ្ដើមពីគំនិតបែបនោះ តាំងពីលោកនៅជាយុវវ័យ រហូតដល់ពេលមានគ្រួសារ និងមានកូនដល់ទៅ ៥ នាក់ លោកតែងគោរពពេលវេលាដ៏មានតម្លៃដើម្បីពលកម្ម ផលិត ពង្រីកមុខរបរចិញ្ចឹមសត្វធាតុ។ គិតមកទល់ពេលនេះ កូនទាំង ៥ នាក់របស់ លោក មានគ្រួសារ ចេញរស់នៅដោយឡែករៀងៗខ្លួន និងមានជីវភាពធូរធា។ ចំពោះប្ដីប្រពន្ធលោកថាច់ថាំង ទោះបីមានវ័យកាន់តែចាស់ហើយក៏ដោយ ប៉ុន្តែគាត់ទាំងពីរនៅតែខិតខំចិញ្ចឹមជ្រូកមេ ៧ ក្បាល។ ក្នុងមួយឆ្នាំ គិតដោយឡែកតែ ប្រភពចំណូលពីការលក់កូនជ្រូក គ្រួសារលោកទទួលបានប្រភពចំណូលជិត ១០០ លានដុង។ អាស្រ័យដោយមានចំណេះដឹងក្នុងការចិញ្ចឹមសត្វ និងបានចូលរួមបណ្ដាវគ្គហ្វឹកហាត់ចំណេះដឹងបច្ចេកទេសចិញ្ចឹមសត្វដែលមូលដ្ឋានចាត់តាំង ម៉្លោះហើយ សត្វចិញ្ចឹមរបស់គ្រួសារលោកភាគច្រើនមិនសូវខូចខាត​។ បច្ចប្បុន្ននេះជីវភាពគ្រួសារលោកបានកែលម្អកសាងបានលំនៅឋានយ៉ាងសមរម្យ។

លោកថាច់ថាំង ចូលរួមថែទាំដងផ្លូវផ្កាលើភូមិសាស្រ្តភូមិ។

    លោកថាច់ថាំងបានឱ្យដឹងថា៖ កាលទើបកសាងគ្រួសារ ម្ដាយឪពុកទាំងសងខាងក៏ខ្សត់​ខ្សោយ។ ក្រោយពេលការប្រពន្ធបានប៉ុន្មានឆ្នាំ ប្រពន្ធក៏មានជំងឺជាទម្ងន់ត្រូវទៅព្យាបាលនៅកន្លែងជាច្រើន។ ប្រការនោះមិនត្រឹមតែប៉ះពាល់ដល់ពេលវេលាពលកម្ម ផលិតឡើយ នៅទាំងប៉ះពាល់ដល់ប្រាក់ចំណូលរបស់គ្រួសារទៀតផង ពេលនោះ បើសិនគ្មានការប្ដេជ្ញារបស់ខ្ញុំទេនោះ ប្រពន្ធរបស់ខ្ញុំក៏ពិបាកឆ្លងផុតពីជំងឺដ៏ធ្ងន់ធ្ងរនោះណាស់ ជីវភាពគ្រួសារក៏ពិបាកបានដូចសព្វថ្ងៃដែរ។ ក្រោយពេលប្រពន្ធបានជាសះស្បើយ ខ្ញុំផ្ដុំអស់ពេលវេលាសម្រាប់ពលកម្ម ពង្រីកការចិញ្ចឹមសត្វ កាត់បន្ថយការចំណាយមិនចាំបាច់មួយចំនួន ម៉្លោះហើយជីវភាពបានលំនឹងជាបណ្ដើរៗ។

  “ប្រិតសំចៃ” នៅទីនេះ បានលោកថាច់ថាំងចាត់ថាខុសពីកំណាញ់ស្វិត ក្បិតត្បៀតហួសហេតុ។ លោកប្រិតសំចៃក្នុងការចាយប្រើលុយកាស ទ្រព្យសម្បត្តិ ប៉ុន្តែប្រើប្រាស់ក្នុងហេតុផលសមស្រប និងស្ម័គ្រចិត្តជួយដល់បណ្ដាស្ថានភាពលំបាកពេលត្រូវការជួយឧបត្ថម្ភរបស់លោក ។ ពេលមូលដ្ឋានបំផុសចលនាបរិច្ចាគដីបើកទូលាយបណ្ដាកំណាត់ ផ្លូវជនបទលើភូមិសាស្រ្តបានគ្រួសារលោកស្ម័គ្រចិត្តបរិច្ចាគដីជាង ៦០០ ម៉ែត្រក្រឡា គិតជាតម្លៃ ​រាប់រយលានដុងដើម្បី កសាងកំណាត់ផ្លូវគមនាគមន៍ជនបទ។

   ឆ្នាំ ២០១២ លោកថាច់ថាំង បានប្រជាជនក្នុងភូមិជ្រើសតែងតាំងជាអ្នកមានប្រជាប្រិយភាពក្នុងជនរួមជាតិខ្មែរ។ ផ្ដើមពីចរិតឧស្សាហ៍ព្យាយាម ចរិតធ្វើជាគំរូ លោកថាច់ថាំង រួមជាមួយរដ្ឋអំណាចមូលដ្ឋាន ចលនាប្រជាជនក្នុងភូមិអនុវត្តសម្រេចកម្រិតផែនការពង្រីកសេដ្ឋកិច្ច វប្បធម៌ សង្គម សន្តិសុខការពារជាតិ។ ដងផ្លូវភ្លឺ បៃតង ជ្រះ ស្អាតលើភូមិសាស្រ្តតែងបានរក្សាល្អ ក៏មានការចូលរួមយ៉ាងសកម្មពីរូបលោកផងដែរ។

      ផ្ដើមពីការពង្រីកល្អតួនាទីជាអ្នកមានប្រជាប្រិយភាពក្នុងជនរួមជាតិ សកម្មក្នុងការរៀនសូត្រ និងធ្វើតាមសតិអារម្មណ៍ សីលធម៌ ឥរិយាបថហូជីមិញ ឆ្នាំ ២០១៩ លោកបានគណៈកម្មាធិការបក្សឃុំតឹងហ៊ុងជូនលិខិតសរសើរដោយមានស្នាដៃអនុវត្តល្អទម្រង់រៀនរៀនសូត្រ និងធ្វើតាមសតិអារម្មណ៍ សីលធម៌ ឥរិយាបថហូជីមិញ ៣ ឆ្នាំបន្តបន្ទាប់ ៕

                                                                              ​​​អត្ថបទ-រូបថត៖ ថាច់សម្បត្តិ