លឿងហ្វា អា អនុវត្តល្អការងារបង្ការ ទប់ស្កាត់អាសន្នរោគរដូវវស្សា

បងថាច់ធីស្វឹង(ទី ១ ខាងឆ្វេង) និងរដ្ឋអំណាចមូលដ្ឋានកម្ចាត់ដង្កូវទឹក។

     ឃុំលឿងហ្វា អា ស្រុកចូវថាញ់ មានគ្រួសារប្រជាជន​ជាង ២.៥០០ គ្រួ ។ ជារៀងរាល់ខែ កម្មាភិបាល បុគ្គលិកដំណាក់សុខាភិបាលឃុំតែងសហការជាមួយសហការីសុខាភិបាលបណ្តាភូមិអនុវត្តល្អការងារផ្សព្វផ្សាយ ណែនាំ និង​ជំរុញស្មារតីប្រជាជនឲ្យម្ចាស់ការ​បង្ការ ទប់ស្កាត់អាសន្នរោគលើមនុស្ស ដំណាក់សុខាភិបាលឃុំ បង្កើតគណៈចង្អុលការបង្ការ ទប់ស្កាត់អាសន្នរោគតាំងពីដើមឆ្នាំ ២០២៣ គណៈចង្អុលការតែងសហការជាមួយកម្មាភិបាលទទួលបន្ទុលជំនាញត្រួតពិនិត្យ ដោះស្រាយទាន់ពេល ប្រសិនបើមានសំបុករោគគ្រុនឈាមកើតមាននារដូវវស្សា។ ទន្ទឹមនឹងនោះ សហការជាមួយការិយាល័យកសិកម្ម និងអភិវឌ្ឍន៍ជនបទស្រុក ផ្សព្វផ្សាយវិធីសាស្រ្តបង្ការ ទប់ស្កាត់អាសន្នរោគដែលកើតមានលើហ្វួងបសុសត្វ ឆ្លងមកមនុស្ស។​ ព្រមទាំងចង្អុលការឲ្យសហការីកសាងផែនការត្រួតពិនិត្យ តាមដានបើមានសំបុកមេរោគដើម្បីរាយការណ៍ជូនដំណាក់សុខាភិបាលឃុំជាបន្ទាន់ ដើម្បីមានវិធានការ បាញ់ថ្នាំកម្ចាត់មេរោគនៅនឹងកន្លែងដែលសង្ស័យកើតមានសំបុក ឬនៅកន្លែងដែលកើតមានជំងឺគ្រុនឈាម ជំងឺអាត់ដៃ-ជើង-​មាត់។ បងស្រី ថាច់ធីស្វឹង សហការិនីសុខាភិបាលភូមិអូរល្បាប់ ឃុំលឿងហ្វា អា បានឲ្យដឹងថា៖ចលនាប្រជាជនក្នុងសហគមន៍ឲ្យចូលរួមបង្ការ ទប់ស្កាត់អាសន្នរោគ គឺជាកត្តាដ៏សំខាន់។ ក្នុងនាមជាសហការិនីសុខាភិបាល ខ្ញុំតែងម្ចាស់ការផ្សព្វផ្សាយបណ្តាវិធីសាស្រ្តបង្ការ ទប់ស្កាត់អាសន្នរោគ រួចស្នើដំណាក់សុខាភិបាលដោះស្រាយជាបន្ទាន់ប្រសិនបើកើតមានអាសន្នរោគ។ ទន្ទឹមនឹងនោះ ខ្ញុំសហការស្អិតល្មួតជាមួយបណ្តាអង្គការមហាជនទៅកាន់គ្រួសារនីមួយៗដើម្បីជូនខិត្តប័ណ្ណ និង ចលនាប្រជាជន សកម្មក្នុងការកម្ចាត់មូស ដង្កូវទឹក មិនទុកឱ្យមានកើតជំងឺគ្រុនឈាម ។ មីងស៊ើងធីអាញ់ ប្រជាជននៅភូមិអូរល្បាប់ បានឲ្យដឹង៖  “គ្រួសារខ្ញុំមានចៅតូច ០២  នាក់ ។ ខ្ញុំបារម្ភណាស់ដែរ ពេលមានភ្លៀងអូសអន្លាយច្រើនថ្ងៃដូច្នេះ ប៉ុន្តែដោយបានសហការីសុខាភិបាលភូមិមកណែនាំអំពីវិធីសាស្រ្តបង្ការជំងឺដូចជា៖ គ្របពាងទឹកឲ្យជិត ជៀសវាងកុំឲ្យកើតមានមូស បោសសម្អាតបរិស្ថាននៅបរិវេណផ្ទះឲ្យបានជ្រះ ដេកក្នុងមុងទាំងពេលថ្ងៃ និងពេលយប់ យកចិត្តទុកដាក់ដល់អាហារូបត្ថម្ភ។ល។ ម្ល៉ោះហើយ គ្រួសារខ្ញុំក៏បានសុខសប្បាយទាំងអស់គ្នារហូតមក ។

     គ្រូពេទ្យ វ៉វ៉ាំងត្វង អនុប្រធានដំណាក់សុខាភិបាលឃុំ លឿងហ្វា អា ផ្តល់អនុសាសន៍៖ ជំងឺគ្រុនឈាម និងជំងឺរលាកខួរក្បាលប្រភេទ បេ ជាប្រភេទជំងឺឆ្លងតាមមូស យើងអាចមានវិធីសាស្រ្តបង្ការបានដោយវិធី៖ អនាម័យផ្ទះសម្បែង បរិវេណផ្ទះឲ្យបានស្អាតបាត កម្ចាត់ដង្កូវទឹក មូ​ស និងការពារកុំឱ្យមូសខាំ។ បច្ចុប្បន្ន ជំងឺរលាកខួរក្បាលប្រភេទ បេ មានថ្នាំចាក់ឲ្យកុមារដើម្បីបង្ការជំងឺនេះ ម្ល៉ោះហើយគប្បីជូនកុមារទៅចាក់ថ្នាំតាមកាលបរិច្ឆេទឲ្យគ្រប់ចំនួន ។ រីឯជំងឺអាត់ដៃ-ជើង-មាត់ វិ​ញ មិនទាន់មានវ៉ាក់ស៊ាំងបង្ការ ប៉ុន្តែប្រជាជនអាចបង្ការបាន តាមរយៈការលាងដៃដោយសាប៊ូជារឿយៗ ពិសាគ្រឿងបរិភោគឲ្យស្របអនាម័យ។ល។

     អាស្រ័យអនុវត្តល្អការងារបង្ការ ទប់ស្កាត់អាសន្នរោគបានល្អ ម្ល៉ោះហើយតាំងពីដើមឆ្នាំមកទល់ពេលនេះ ក្នុងឃុំកើតជំងឺគ្រុនឈាម និងជំងឺអាត់ដៃ-ជើង-មាត់តែ ០១ ករណី ប៉ុណ្ណោះ រួចព្យាបាលបានទាន់ពេល មិនទុកបណ្តាលឲ្យមានគ្រោះថ្នាក់ដល់អាយុជីវិតឡើយ៕

អត្ថបទ‑រូបថត៖ សុជា