រៀនសូត្រ និងធ្វើតាមគំរូអ៊ំហូដោយទង្វើជាក់ស្តែង

      ដើម្បីទាក់ទាញសមាជិកា និងបងប្អូននារីរៀនសូត្រ និងធ្វើតាមសតិអារម្មណ៍ សីលធម៌ ឥរិយាបថហូជីមិញ ឆ្នាំ២០២២ សមាគមសហព័ន្ធន៍នារីឃុំដូងចូវ ស្រុកយ្វៀងហាយ កសាងបានទម្រង់ថ្មីចំនួនពីរទម្រង់គឺទម្រង់ “កូនចិញ្ចឹមរបស់សមាគមនារីឃុំ” ទាក់ទាញសមាជិកា ១៧ នាក់ចូលរួម។

     ទ្រង់ទ្រាយសកម្មភាពគឺជារៀងរាល់ខែសមាជិកាម្នាក់ៗចូលរួមគបប្រាក់តិចបំផុត ២០ ពាន់ដុងសម្រាប់ឧបត្ថម្ភដល់សិស្ស ០៥ នាក់ដែលមានស្ថានភាពលំបាក។ ក្នុង​ឆ្នាំ២០២២ សមាគម​ទទួល​បាន​ប្រាក់ ៤,៥ លាន​ដុង។ ទម្រង់ "ក្រុមសន្សំប្រាក់ចូលរួមទិញគាំពារសង្គមដោយស្ម័គ្រចិត្ត" មានសមាជិកា ៥៩ នាក់ សុទ្ធសឹងជាជនជាតិខ្មែរចូលរួមទិញគាំពារសង្គមដោយស្ម័គ្រចិត្តមានរយៈពេល ២០ ឆ្នាំ។ ទ្រង់ទ្រាយគបប្រាក់ប្រចាំខែក្នុងម្នាក់ៗ ២៩៧ ពាន់ដុង។

បងឡឹមធីគ្វៀងឧបត្ថម្ភប្រាក់ដល់ប្អូនៗជា "កូនចិញ្ចឹមរបស់សមាគមនារីឃុំ"។

      ទម្រង់ "កូនចិញ្ចឹមរបស់សមាគមនារីឃុំ" ជាទម្រង់មួយក្នុងចំណោមទម្រង់ថ្មី។ ផ្តើមពីទម្រង់នេះ បានឧបត្ថម្ភទាន់ពេលដល់សិស្សមានស្ថានភាពលំបាកខ្លាំង មានបំណងឈប់រៀនពាក់កណ្តាលការឲ្យមានថាមពលខិតខំរៀនសូត្របានល្អជាបន្ត។

     ប្អូនថាច់ធី ប៊ិតត្រឹមជាសិស្សក្រីក្រ កំពុងរៀនថ្នាក់ទី៥ នៅសាលាអនុវិទ្យាល័យដូងចូវ។ ឪពុក ម្តាយប្អូនត្រឹមប្រកបរបរលក់រាយសន្លឹកឆ្នោតជាតិ ជីវភាពជួបការលំបាកច្រើន ដូច្នោះហើយបានជាឆ្នាំសិក្សា ២០២២-២០២៣ ប៊ិតត្រឹមចង់ឈប់រៀនពាក់កណ្តាលការ។ ទម្រង់ “កូនចិញ្ចឹមរបស់សមាគមនារីឃុំ” បានបង្កើតឡើងរួចទទួលប៊ិតត្រឹមធ្វើជាកូនចិញ្ចឹម ហើយសមាគមតែងចូលរួមឧបត្ថម្ភប៊ិតត្រឹមទាំងសម្ភារ និងស្មារតី ជំនួយឱ្យប្អូនរៀនសូត្របានល្អរហូតមកទល់បច្ចុប្បន្ន។

      ប្អូនប៊ិត ត្រឹមសំណេះសំណាល៖ ប្អូនមានភាពកក់ក្តៅ និងសុភមង្គលណាស់ដោយបានអ្នកមីងៗ ទទួលប្អូនជាកូនចិញ្ចឹមរបស់សមាគម។ ពួកគាត់មិនត្រឹមតែឧបត្ថម្ភប្អូន ១០០ ពាន់ជារៀងរាល់ខែ ថែមទាំងជូនអំណោយ សួរសុខទុក្ខ និងជំរុញទឹកចិត្តជារឿយៗ ដើម្បីឱ្យប្អូនខិតខំរៀនសូត្រឲ្យបានល្អ។ ប្អូនសន្យា​ថា​នឹង​ខំ​រៀនឲ្យបានពូកែ​ដើម្បី​កុំ​ឲ្យគាត់ខកបំណងឡើយ។

      បងឡឹមធីគ្វៀង ប្រធានសមាគមសហព័ន្ធន៍នារីឃុំដូងចូវមានប្រសាសន៍ថា៖ ដើម្បីពង្រីកលទ្ធផលដែលសម្រេចបានក្នុងការរៀនសូត្រ និងធ្វើតាមសតិអារម្មណ៍ សីលធម៌ ឥរិយាបថហូជីមិញ សមាគមសហពន្ធន៍នារីឃុំនឹងបង្កើនការផ្សព្វផ្សាយ ចលនាកម្មាភិបាល សមាជិកាបងប្អូននារីទាំងអស់ឲ្យចូលរួមរៀនសូត្របន្តទៀត ភ្ជាប់ជាមួយនឹងភារកិច្ចសំខាន់ៗរបស់សមាគម។ ពីព្រោះការរៀនសូត្រ និងធ្វើតាមគំរូអ៊ំ ជាកត្តាសំខាន់ដើម្បីអនុវត្តសម្រេចជោគជ័យផែនការសកម្មភាព ឆ្នាំ ២០២៣។ ជាពិសេស បំផុសចលនាសមាជិកា និងបងប្អូននារីឱ្យធ្វើតាមអ៊ំតាំងពីការងារតូចៗប្រចាំថ្ងៃ បន្តការផ្សព្វផ្សាយ និងចលនាសមាជិកា បងប្អូននារីឲ្យអនុវត្តទម្រង់ប្រិតសំចៃយ៉ាងហោចណាស់ ០១ ទម្រង់។ ក្នុង​នោះ​បន្តការ​ប្រិត​សំចៃ​ដើម្បីពង្រីក​ទម្រង់​ “​កូនចិញ្ចឹមរបស់​សមាគមនារី​ឃុំ​” ដើម្បី​ទទួល​​ឧបត្ថម្ភសិស្ស​ដែលមានស្ថានភាពលំបាកឲ្យបានច្រើននាក់ទៀត​។

      ទង្វើតូច ប៉ុន្តែមានប្រយោជន៍ច្រើនគឺជាសកម្មភាពដែលកម្មាភិបាល សមាជិកា បងប្អូននារីនៅឃុំដូងចូវបាន និងកំពុងប្តេជ្ញាបន្តការអនុវត្តន៍ឲ្យបានល្អតាមចលនារៀនសូត្រ និងធ្វើគំរូអ៊ំ។ ផ្តើមពីនោះ បានរួមចំណែកយ៉ាងសកម្មក្នុងការអនុវត្តបណ្តាចលនាប្រឡងប្រណាំងស្នេហាជាតិនៅមូលដ្ឋានឲ្យសម្រេចជោគជ័យតាមគោលដៅ និងភារកិច្ចរបស់មូលដ្ឋាន៕

អត្ថបទ - រូបថត៖ សុជា