យុវជនត្រាវិញ៖ ប្តេជ្ញាប្រឡងប្រណាំងរៀនសូត្រ និងធ្វើតាមសតិអារម្មណ៍ សីលធម៌ ឥរិយាបថហូជីមិញ

គោរពធ្វើតាមដំបូន្មានរបស់លោកប្រធានហូជីមិញ “ទីណាត្រូវការ ទីនោះមានយុវជន​ ការងារណាលំបាក ការងារនោះ​មានយុវជនធ្វើ” យុវជនគ្រប់ជំនាន់តែងមានស្មារតីខ្នះខ្នែង  ស្ម័គ្រចិត្តទៅកាន់កន្លែងដែលមាតុភូមិត្រូវការទោះបីនៅជាយដែន ឬកោះសមុទ្រ ទោះបីកា​រងារលំបាកយ៉ាងណាក៏ដោយ​។ នៅពិធីរបាយការណ៍ស្នាដៃជូនអ៊ំនាឱកាសអនុស្សាវរីយ៍ឆ្នាំទី ១៣២ ទិវាខួបកំណើតលោកប្រធានហូជីមិញ (១៩ ឧសភា ឆ្នាំ ១៨៩០- ១៩ ឧសភា ឆ្នាំ ២០២២)​ បងត្រឹងហ្វេហាំង អនុលេខាសម្ព័ន្ធយុវជនទីប្រជុំជនចូវថាញ់ ស្រុកចូវថាញ់ថ្លែងសុន្ទរកថាប្តេជ្ញាប្រឡងប្រណាំងរៀនសូត្រ និងធ្វើតាមសតិអារម្មណ៍ សីលធម៌ ឥរិយាបថរបស់អ៊ំ។

សម្ព័ន្ធយវជនត្រៀមយកដើមផ្កាទៅដាំ។ រូបថត៖ ហុងញុង

ជាច្រើនឆ្នាំកន្លង ក្រោមការដឹកនាំ ចង្អុលការរបស់បក្ស យុវជនវៀតណាមគ្រប់ជំនាន់និយាយរួម យុវជនខេត្តត្រាវិញនិយាយដោយឡែក បានបន្តប្រវេណីដ៏ត្រចះត្រចង់របស់យុវជនវៀតណាម។ ជាពិសេសផ្សព្វផ្សាយ អនុវត្តសេចក្តីសន្និដ្ឋានលេខ ០១-KL/TW ចុះថ្ងៃទី ១៨ ឧសភា ឆ្នាំ ២០២១ របស់ការិយាល័យនយោបាយស្តីពីបន្តការអនុវត្តន៍សារាចរលេខ ០៥ របស់ការិយាល័យនយោបាយ ចូលរួមសកម្មភាពមានអត្ថន័យជាច្រើន អាស្រ័យអង្គការសម្ព័ន្ធយុវជនចាត់តាំងដូចជា៖ ប្រជុំជីវភាពប្រធានបទរៀនសូត្រ និងធ្វើតាមអ៊ំ ប្រជុំជីវភាពនយោបាយ “នឹកដល់អ៊ំ ចិត្តយើងភ្លឺថ្លាជាងទៀត” ពិធីរបាយការណ៍ស្នាដៃជូនអ៊ំពិធីបោះជំរំ “យុវជនជំនាន់អ៊ំហូ” តាំងពិព័រណ៍រូបភាព “យុវជនរៀនសូត្រ និងធ្វើតាមដំបូន្មានអ៊ំ” ដំណើរការអប់រំប្រពៃណី “ដើរតាមគន្លងអ៊ំហូ” ស្ងើចសរសើរ “យុវជនជឿនលឿនធ្វើតាមដំបូន្មានអ៊ំ” អនុវត្តទម្រង់ពូកែក្នុងការរៀនសូត្រ និងធ្វើតាមសតិអារម្មណ៍ សីលធម៌ ឥរិយាបថហូជីមិញ។ អនុវត្តល្អទម្រង់ “ទិនានុលេខរៀនសូត្រ​ និងធ្វើ​តាមដំបូន្មានអ៊ំ”។ល។ ជា​ឱកាស​សម្រាប់​យុវជន​យល់​ច្បាស់​អំពី​ខ្លឹមសារ​សំខាន់ៗរបស់សតិអារម្មណ៍ សីលធម៌ ឥរិយាបថហូជីមិញ ដើម្បី​ខិតខំលត់ដំអត្តចរិត ​រៀនតាមអ៊ំដើម្បីយកទៅអនុវត្តសមស្របនឹងការងាររបស់ខ្លួន។ ផ្តើមពីនោះ បានរួមចំណែកកសាងយុវជនដំណាក់កាលថ្មីនៅខេត្តត្រាវិញឲ្យបង្កើនស្មារតីបដិវត្តន៍​មានសីលធម៌ របៀបរស់នៅវប្បធម៌មនសិការ  ស្នេហាជាតិមោទនភាពជនជាតិមានស្មារតីក្លាហាន មានមហិច្ឆតាចូលរួមបរិច្ចាគ ពុះពារឈានឡើង មានវ័យវឌ្ឍនាការល្អ សុខភាពបរិបូរ ស្មារតីភ្លឺថ្លា បញ្ញាឈ្លាសវៃ។

ដោយមានកិត្តិយសតំណាងឱ្យយុវជនខេត្តត្រាវិញថ្លែងសុន្ទរកថានាពិធីរបាយការណ៍ស្នាដៃជូនអ៊ំ បងស្រី ត្រឹងហ្វេហាំងប្តេជ្ញាថា៖ ជានិច្ចកាល យុវជនតែងមានសតិអារម្មណ៍នយោបាយរឹងមាំឆ្ពោះទៅកាន់គោលដៅឯករាជ្យជាតិ ភ្ជាប់ជាមួយនឹងសង្គមនិយមដែលបក្ស អ៊ំហូ និងប្រជាជនបានជ្រើស។ តែងយល់ដឹង និងមានអាការៈនយោបាយត្រឹមត្រូវ យកចិត្តទុកដាក់ចំពោះបញ្ហានយោបាយ សេដ្ឋកិច្ច‑សង្គម របស់ប្រទេស របស់ខេត្ត។​ រស់នៅ និងធ្វើការគោរពតាមច្បាប់រដ្ឋធម្មនុញ្ញ។ រៀនសូត្រ លត់ដំ​អត្តចរិតយ៉ាង​ម៉ឺងម៉ាត់ តាមសីលធម៌ ឥរិយាបថអ៊ំហូ មាន​មនសិការ​ស្នេហា​ជាតិ ស្ម័គ្រចិត្ត​លះបង់ប្រយោជន៍ផ្ទាល់ខ្លួន ដើម្បីប្រយោជន៍រួម។ រស់នៅដោយភាពសាមញ្ញ មានចិត្តមេត្តាជួយធុរៈគ្នា សង្វាតរៀនសូត្រ ស្មោះត្រង់ ក្លាហាន មានស្មារតីទទួលខុសត្រូវនិយាយយ៉ាងណាធ្វើយ៉ាងនោះ។ សកម្មក្នុងការផ្សព្វផ្សាយ រៀនសូត្រ និងធ្វើតាមសតិអារម្មណ៍ សីលធម៌ ឥរិយាបថហូជីមិញ រៀនសូត្របង្កើនចំណេះដឹងជានិច្ច ជម្នះការលំបាក ច្នៃប្រតិដ្ឋ ហ៊ានគិត ហ៊ានធ្វើ។ ប្រឡងប្រណាំងពលកម្មផលិត ធ្វើអាជីវកម្មពូកែ។ ជឿជាក់លើខ្លួនឯងបើកទូលាយចក្ខុវិស័យដើម្បីសហគមន៍។ រួមចំណែកយ៉ាងសកម្មក្នុងការពង្រីកសេដ្ឋកិច្ច‑សង្គមចូលរួមបណ្តាសកម្មភាពអាស្រ័យសម្ព័ន្ធយុវជនគ្រប់លំដាប់ថ្នាក់បំផុសចលនា ចាត់តាំង ដើម្បីបង្កើតស្នាដៃជាក់ស្តែងអំណរមហាសន្និបាតសម្ព័ន្ធយុវជនគ្រប់លំដាប់ថ្នាក់ឆ្ពោះទៅកាន់មហាសន្និបាតតំណាងសម្ព័ន្ធយុវជនកុម្មុយនិស្តហូជីមិញខេត្តត្រាវិញលើកទី ១១ អាណត្តិកាល ២០២២ - ២០២៧ ដោយក្តីរីករាយស្មារតី ទទួលខុសត្រូវខ្ពស់ ច្នៃប្រតិដ្ឋមានគុណភាព និងប្រសិទ្ធភាព។

ដើម្បីអនុវត្តការងារខាងលើឱ្យបានល្អ តំណាងឲ្យយុវជនទូទាំងខេត្ត បងស្រី ហ្វេហាំង សង្ឃឹមថា គណៈកម្មាធិការបក្ស រដ្ឋអំណាច អង្គការសម្ព័ន្ធយុវជន សមាគមនានា យកចិត្តទុកដាក់ជាងទៀតចំពោះបញ្ហាបំពាក់បំប៉នសីលធម៌បដិវត្តន៍ជូនយុវជនគ្រប់ជំនាន់។ ទន្ទឹមនឹងនោះ យកចិត្តទុកដាក់បង្កើតយន្តការ គោលនយោបាយ បង្កបរិយាកាសងាយស្រួលដើម្បីយុវជនលត់ដំអត្តចរិតពង្រីកគំនិតច្នៃប្រតិដ្ឋឈានមុខ ស្ម័គ្រចិត្តចូលរួមពង្រីកសេដ្ឋកិច្ច‑សង្គម និងចូលរួមការពារមាតុភូមិ។ តំណាងឲ្យបុគ្គលដែលបានស្ងើចសរសើរទទួលកិត្តិនាម “យុវជនជឿនលឿនធ្វើតាមដំបូន្មានអ៊ំ” បងស្រី ហ្វេហាំង បានសន្យាថានឹងបន្តការខិតខំជាងទៀត ដើម្បីផ្តល់កម្លាំងចិត្តដល់យុវជន សហគមន៍ បង្កើនចំនួនយុវជនជឿនលឿនឲ្យបានច្រើនជាងទៀត៕    

ស្រែសម្រួល៖ សុជា