យុទ្ធនាការយុវជនស្ម័គ្រចិត្តរដូវវិស្សមកាលឆ្នាំ ២0២២ នៅស្រុកទីវកឹង៖ សកម្មភាពផឹកទឹកនឹកប្រភពដើម

     ស្រុកទីវកឹងមានយុវជនស្ម័គ្រចិត្ត ២.៨៥២ លើកនាក់ ក្នុងនោះមានយុជនខ្មែរជាង ៣០% បានចូលរួមបណ្តាសកម្មភាពក្នុងស្រុក។ ខែកក្កដា ជាខែកំពូលនៃការផ្សព្វផ្សាយអប់រំប្រវេណីបដិវត្តន៍ និងគុណធម៌ “ផឹកទឹកនឹកប្រភពដើម” “តបស្នងសងគុណ” ជូនដល់យុវជនក្នុងស្រុកពីអត្ថន័យ សារៈសំខាន់នៃទិវាយុទ្ធជនពិការ អំពីប្រវត្តិសាស្រ្ត ប្រវេណីតស៊ូដ៏អង់អាចក្លាហានរបស់កងទ័ព និងប្រជាជនដើម្បី​ការពារមាតុភូមិ។ ចង្អុលការបណ្តា​សម្ព័ន្ធយុវជនស្ថិតក្រោម​ឱវាទទៅសួរសុខទុក្ខ និងជូនអំណោយ ២៣០ ចំណែកដល់គ្រួសារយុទ្ធជនពិការគ្រួសារអ្នកមានសគុណចំពោះបដិវត្តន៍នៅបណ្តាឃុំ ទីប្រជុំជនជាមួយនឹងចំនួនទឹកប្រាក់ជាង ១៤៥ លានដុង។។ ចាត់តាំងធ្វើអនាម័យបរិស្ថាននៅបូជនីយដ្ឋានវីរយុទ្ធជនពលីស្រុក ។

យុវជនស្ម័គ្រចិត្តរដូវវិស្សមកាលស្រុកទីវកឹងអញ្ជើញទៅសួរសុខទុក្ខមីងត្រឹងធីវ៉ឹង នៅភូមិស្វាយជ្រំ។

     បងថាច់ធីធូធ្វី នៅ​ភូមិកញ្ចោងផ្សារ ឃុំ ភូកឹងជា​សិស្សសាលា​មជ្ឈមណ្ឌល​អប់រំ​វិជ្ជាជីវៈ-អប់រំ​ជាប្រចាំ​ស្រុកទីវកឹង ជាអ្នកស្ម័គ្រចិត្តចូលរួមយុទ្ធនាការយុវជនស្ម័គ្រចិត្តរដូវវិស្សមកាលឆ្នាំ ២0២២។  បង ធូធ្វីបានឲ្យដឹងថា៖ ខ្ញុំពិតជាមានមោទនភាពណាស់ដោយបានកើត និងធំដឹងក្តីនៅស្រុកទីវកឹងជា​ស្រុកដែលពោរពេញដោយប្រវេណីបដិវត្តន៍។ ស្រុកទីវកឹងរីកចម្រើនបានដូចសព្វថ្ងៃ ដោយសារគុណូបការៈដ៏ធំធេងរបស់វីរជន​យុទ្ធជនពលីដែលបានពលីជីវិតដើម្បីឯករាជ្យ សេរីភាពរបស់មាតុភូមិ ដើម្បីប្រជាជនបានក្តីសុខសន្តិភាព និងសុភមង្គល។ ចូលរួមអនាម័យនៅបូជនីយដ្ឋានវីរយុទ្ធជនពលីស្រុកខ្ញុំមានអារម្មណ៍អាណោចអធ័មណាស់ និងកាន់តែយល់ច្បាស់អំពីការលះបង់ដ៏អស្ចារ្យរបស់យុទ្ធជនពលី។ គាត់គ្រប់រូបជាអ្នកមានភូមិកំណើតនៅស្រុកទីវកឹងដែលបានស្ម័គ្រចិត្តចូលរួមប្រយុទ្ធនៅសមរភូមិតាមការអំពាវនាវរបស់មាតុភូមិ ប៉ុន្តែ​គាត់គ្រប់រូបបានព្រាត់ប្រាសគ្រួសាររហូត។ ដោយយល់សេចក្តីទុក្ខនៃការព្រាត់ប្រាសនោះ ខ្ញុំកាន់តែយល់អំពីតម្លៃនៃសន្តិភាព ឯករាជ្យ និងសេរីភាពនាពេលបច្ចុប្បន្ន។ ក្នុងនាមជាយុវជន ខ្ញុំនឹងបន្តការខិតខំរៀនសូត្រពលកម្មច្នៃប្រតិដ្ឋ លត់ដំអត្តចរិតឲ្យបានល្អ ប្តេជ្ញាចិត្តចូលរួមកសាង និងការពារមាតុភូមិ។

យុវជនស្ម័គ្រចិត្តរដូវវិស្សមកាលស្រុកទីវកឹងកំពុងអនាម័យនៅបូជនីយដ្ឋានវីរយុទ្ធជនពលីស្រុក។

     បងស៊ើងធីង៉ុកទ្រិញ នៅអនុសង្កាត់ទី ២ ទីប្រជុំជនទីវកឹងបានឲ្យដឹង៖ មកអនាម័យនៅបូជនីយដ្ឋានវីរយុទ្ធជនពលីស្រុកខ្ញុំមានចិត្តអាណោយអាធ័ម និង មានការកោតសរសើរ និងការដឹងគុណយ៉ាងជ្រាលជ្រៅចំពោះវីរយុទ្ធជនពលីផង។ ខ្ញុំតែងដាស់សតិដោយខ្លួនឯងថា ត្រូវតែមានភារកិច្ចចំពោះមាតុភូមិ ប្រទេសជាតិ បន្តប្រវេណីអង់អាចក្លាហានរបស់វីរយុទ្ធជនពលី ដើម្បីរួមចំណែកជាមួយយុវជនចូលរួមកសាងមាតុភូមិឲ្យបានសម្បូរ រុងរឿង។

     បងត្រាងវ៉ាំងថាំងអនុលេខាស​ម្ព័ន្ធយុវជនស្រុក ទីវកឹងបានឲ្យដឹងថា៖ ជាច្រើនឆ្នាំមកនេះ សម្ព័ន្ធយុវជនស្រុកតែងយកចិត្តទុកដាក់អនុវត្តល្អការងារផ្សព្វផ្សាយ អប់រំប្រវេណីបដិវត្តន៍ជូនដល់សមាជិកយុវជន។ ជាពិសេសក្នុងឱកាសខែកក្កដា រៀងរាល់ឆ្នាំ ជាខែកំពូលក្នុងការអនុវត្តសកម្មភាព “តបស្នង សងគុណ ផឹកទឹកនឹកប្រភពដើម” ដូចជា៖ ចាត់តាំងទៅសួរសុខទុក្ខ និងជូនអំណោយដល់អ្នកម្តាយវៀតណាមវីរភាព យុទ្ធជនពិការ-ជំងឺញាតិសន្តាន​យុទ្ធជន​ពលី អ្នក​មាន​សគុណ​ចំពោះ​បដិវត្តន៍។ បំផុសចលនាចេញទ័ពស្ម័គ្រចិត្ត ដើម្បីអនាម័យបរិស្ថាន នៅបូជនីយដ្ឋានវីរយុទ្ធជនពលី ចាត់តាំងអុជធូបរំលឹកគុណ​វីរយុទ្ជជនពលី៕

អត្ថបទ‑រូបថត៖ សុជា